لقاء كارثي

فضل….ومش انا الراجل يا نعيمه اللي يقبل ان الست اللي في حياته تتحايل عليه او تقل من نفسها لاني بشوفك اكبر واعلي من كده بكتير

بس غصب عني يا نعيمه انا عايز ادي علاقتنا فرصه اكتر منك نعيمه انا راجل كان فاضلوا شهر و يتجوز و يستقر و فجاه حياته اتشقلبت و بطريقه متوقعهاش من اللي امنها علي نفسه …

قوليلي يا نعيمه
إنتي رجعتي عشان بتحبيني بجد
ولا عشان ارتحتي لفكرة إنك جربتي تبعدي ومعرفتيش؟ وشوفتي ان هروبك مش حل

نعيمه….بدموع أنا مرجعتش عشان ارتحت يا فضل أنا رجعت عشان تعبت تعبت أهرب تعبت أقنع نفسي إني قويه
رجعت عشان أنا ضعيفة من غيرك يا فضل وعشان بحبك حب يخوف ويكسر ويخليني أغلط بس برضه يرجعني ليك.

سكتت لحظة وبعدين قالت بألم و نبره صادقه..

نعيمه…أنا غلطت أيوه وغلطت في حقك قبل ما أغلط في حقي
بس والله ما كان هروب منك
كان هروب من نفسي من خوفي من شكي من اللي بيدور في دماغي

دموعها نزلت أكتر وهي بتهمس
بس ولا مرة ولا مرة يا فضل
بطلت أحبك.

سكت فضل و حط ايده الاتنين علي راسه و غمض عينه بقوه عارف انها بتحبه بس كرامه الراجل اللي جواه لسه وجعاه اوي

نعيمه….بهدوء مسحت دموعها انا قولتلك يا فضل كل اللي عندي جايز تكون ملاقتش اللي انت عايز تسمعه مني عشان يريحك بس انا مش مستعده اكدب عليك عشان تقتنع بكلامي مش هرجع ليك يا فضل و انا بخترع كدبه استعطفك بيها انا قولتلك اللي جوايا و اللي ممكن يكون تافهه بالنسبالك بس لو انت شكيت اني محبتكش تبقي غلطان

بص يا فضل انا غلطت و اياً كان قراراك انا هتقبلوا و هتحمل نتيجه غلطي انت حر حابب تكمل تسامح تدي عذر تدي فرصه تجرب او حتي تبعد و تختار كرامتك و تردهالي انا موافقه علي اي حاجه القرار قرارك

فضل استمر علي نفس قعدته ايده الاتنين علي راسه مغمض عينه بيجز علي فكه عمال يروح ويجي بيحاول يسيطر علي نفسه اكتر كان في صراع حقيقي بين عقله اللي عمال يقولوا ده مش سبب ولا ده عذر انت هونت عليها انت قلبت في نظرها انت اتلعب بيك و بين قلبه اللي كان عمال يقولوا اديها فرصه هي بتحبك زي ما انت بتحبها متتخلاش عنها
دي قالت انها ضعيفه من غيرك

نعيمه كانت بتراقب انفعالاته و غضبه المكتوم و ريأكشنات وشه اللي بتتغير كل ثانيه و بعد كام دقيقه من الصمت رفع فضل راسه بهدوء و بصلها..