لقاء كارثي

أنا اتوجعت من غير ما حتى اخد فرصة أتكلم أو أزعل أو حتى أعاتب.

فضل…إنتي مديتيش لينا فرصة نغلط ونصلح حكمتي علينا من خوفك ومشيتي.

واللي يوجع أكتر إنك رجعتي بس بعد ما أنا اتعلمت أعيش من غيرك بالعافية.

بصتلوا بوجع و هي دموعها نازله وجملته دي خلت قلبها بقي يدق بعنف

سكت لحظة وبص في عينها

فضل…أنا مش زعلان إنك خوفتي
أنا زعلان إنك مأمنتيش بيا كفاية عشان تواجهي الخوف ده معايا.

بص بعيد كأنه بيهرب من إحساسه

فضل…الحب مش إننا نهرب عشان منوجعش الحب إننا نستحمل وجع بعض ونكمله سوا وانتي مستنتيش تعرفي حتي الراجل اللي قلبك اختاره ممكن يفضل معاكي في وجعك ولا هيتخلي عنك..

نعيمه….بدموع تقصد ايه اني رجعت بعد ما اتعلمت تعيش من غيري فضل انت مش عايزني في حياتك؟

فضل….بابتسامه استغراب و مصدومه ليه كده يا نعيمه بتوجع صح بتجرح بتقلل طب ما انتي عملتي فيا كده علي الاقل انا بقول ده قدامك انتي بقي سيبتيني قدام نفسي و حتي مقررتيش تنهي ده كله بشياكه بيني وبينك لا ده انتي سافرتي و بعتي حاجتك مع نادين و في رساله قولتيلي كل شئ قسمه ونصيب حطيتي نفسك مكاني يا نعيمه عرفتي بقي ان كان معايا حق اتمسك بسبب قوي و مقنع عشان اقدر اسامحك و انا للاسف يا نعيمه و مع احترامي لكل اللي قولتيه ده لا مقتنع ولا ارتاحت ولا حاسس اني قادر اسامح و لا عارف اخلصها بمعلش وحقك عليا انا مقدر جداااا نفسيتك بس كنت هقدرها اكتر لو كنت سمعت ده منك حتي لو هتقوليلي عايزه تبعدي بس انتي محترمتنيش يا نعيمه

نعيمه…..بدموع انا قولتلك اللي كان حاصل معايا و قولتلك اني مكنتش قاصده خالص اوجعك فضل انا اتحملت كلمتك لما قولت انك مش هتسامحني كنت عارفه انها طالعه من قلبك كل ثانيه كانت بتعدي وانا هناك و يحصل اي مصيبه جديده اتشاهد واقول اني هموت و ان ده ذنبك اتحملت اخر مره كلمتني فيها يوم خطوبه نسمه و قولت مش مهم فضل موجوع و عايز يضايقني مش اكتر اوعي تكون فاكر اني روحت هناك افكر في شكل علاقتنا تستاهل اديها فرصه ولا لا و عادي بقي انت مستنيني لا خالص انا روحت هناك تعبانه يا فضل و بعد اللي حصل انا اتضغطت اكتر خوف علي وجع علي حجات كتير اوي فضل انا يمكن هقولها لاول مره انا سمعت كلامك عشان احافظ عليك و تابعت مع ثيرابيثت زي ما قولتلي بس انا كنت بجد محتاجه افصل خالص من غير ضغط من اي حد كملت معاه هناك و لسه مكمله معاه كل ده عشان ابقي نسخه كويسه من نعيمه تستاهلك نفسيتي و تعبي و اي حاجه ممكن اعملها و انا في الحاله دي مش جريمه بس بيتهيألي احتاج عليها فرصه لو انا بجد اهمك و اوعي تفكر ان اللي بقوله ده سهل عليا مش انا خالص يا فضل اللي تفكر انها تتحايل علي راجل يفضل في حياتها بس انا عارفه اني غلطت و عارفه كمان انك موجوع واللي بتقولوا ده كله من وراء قلبك