لقاء كارثي

جرحت ناس قريبه مني و كل همهم يشوفوني بخير انا فضلت اغلط اغلط لحد ما بقيت مش قادره اسيطر علي نفسي بقيت عصبيه بقيت حد صعب انا نفسي مكنتش متحمله نفسي و لو كنت فضلت و كملت كنت هغلط اكتر كنتوا هتكرهوني انت اول واحد يا فضل مكنتش هتتحملني و كنت هتسيبني

فضل….فا قولتي بقي اسيبه انا الاول قبل ما هو يسيبني صح خوفتي علي شكلك فا قررتي تطلعي شكلي انا اللي وحش

نعيمه…انا مفكرتش بالطريقه دي يا فضل انا قولتلك نفسيتي كانت زي الزفت قراراتي كلها كانت غلط و اكبر قرار انا خدته غلط اني اسيبك و اسيبك بالطريقه دي فضل انا يمكن و مش هكدب عليكي جه عليا وقت شكيتي في حبي ليك و في حبك ليا خوفت كنت حاسه ببرود او حاله مش قادره اوصفها الحاله دي خلتني اخاف من اللي جاي بس صدقني جايز تكون زعلت من سفري و اللي عملتوا بس دي اكتر حاجه كانت صح بعدي عنك يا فضل خلاني اتأكد اني بحبك بجد و شكي في حبي ليك كان وهم او تفكير غلط انا كنت عايزه ارجع كل يوم اقرر اني اخد القرار ده اخاف من رد فعلك لما تشوفني اخاف متتقبلنيش كنت عارفه غلطت خلاص بس مكنتش قادره اتحمل تفكيري في رد فعلك اه حقك اي رد فعل هتعملوا عشان كرامتك حقك بس اعتبرني بقي انانيه وحشه انا مكنتش هقدر يا فضل اتوجع منك

فضل….طب ما انتي وجعتيني يا نعيمه يعني مقدرتيش تتقبلي رد فعلي و كنتي خايفه منه و مفكرتيش بقي في وجعي انا من الفعل اللي عملتيه انتي اه يا نعيمه انانيه فعلا انانيه و بجد انا مصدوم
لانك رضيتي عليا اللي خوفتي تتقبليه مني مع انك لو ركزتي شويه و شيلتب من دماغك شكك في حبي ليكي كنتي هتعرفي انك لو رجعتي انا مكنتش هوصل للحاله دي او جايز الموضوع كان هيبقي اخف غلطتي ورجعتي بسرعه عن الغلط

بس انتي استمريتي فيه و بعدتي و خليتي الفجوه تكبر سيبتيني لدماغي يا نعيمه و دي اكبر غلطه ست تغلطها في حق راجل

نعيمه….بصتلوا قصدك ايه؟

فضل….قصدي إن الفجوة دي لما بتكبر يا نعيمة مش بس بتبعد جسمين عن بعض دي بتبعد قلوب.
بتخلي كل واحد يعيش لوحده حتى وهو لسه بيحب.
أنا لما سيبتيني مكنتش لوحدي بس
أنا كنت كل يوم بقاوم فكرة إنك اختارتي تبعدي عني بإرادتك
كل يوم بسأل نفسي هو أنا سهل كده؟

هو حبنا كان هين عليكي للدرجة دي؟

إنتي شايفة إنك خفتي من وجعي ليكي لو رجعتي طب وأنا؟