لقاء كارثي

فضل…..ممكن مناديل؟

فضلت واقفه بصاله غالباً من صدمتها ودنها كانت مقفوله او بتركز متأخر

بصتلوا بتركيز و هزت راسها بسرعه و قربت من البار بتاع المطبخ خدت علبه المناديل ايدها كان فيها رعشه مش طبيعيه محستش بيها الا لما مسكت العلبه قربت منها بهدوء و مدت ايدها ليه شاف شكل ايدها والرعشه الي فيهم خد المناديل سحب كام واحد و فضل يمسح وشه

بصت علي التيشرت و ركزت انه غرقان خالص سابته من غير ما تقول و راحت علي اوضتها بسرعه بصلها باستغراب و مكانش عارف هي رايحه فين سحب كام منديل تاني دقيقه بالظبط و رجعتلوا و هي معاها سويت شيرت في ايدها قربت منها مدت ايدها ليه من غير ولا كلمه

بص علي السويت شيرت

فضل…..ايه ده ؟

هزت راسها بي ايوه صوتها كان مش راضي يطلع كان في حاجه واقفه في حلقها و مش قادره تتلم علي اعصابها يمكن لو كانت عارفه انه جاي كانت اتوتر وخافت و شالت هم المقابله لكن انه يجي مره واحده و تلاقيه في وشها اتصدمت.

فضل….لا مش فاهم ايه ده

نعيمه…ااا البسوا لبسك غرقان هتبرد

بص علي التيشرت و سكت

نعيمه….اااا ده مش بتاعي يعني اااا مش بناتي ده بتاعك انت

رفع عينه بصلها و استغرب

نعيمه….يعني دددده ااااا سكتت ثواني البسوا لحد ما ينشف حتي السويت شيرت

بصلها و متحركش من مكانه ساب التيشرت جنبه و ملبسش حاجه

نعيمه….ده بتاعك لو مش حابب تاخده اوك بس البسوا لحد ما انشفلك السويت شيرت يعني شوف حابب تغير فين و غير

مسك السويت شيرت بهدوء و قام وقف

نعيمه….ادخل الاوضه او التويلت لووو قطعت كلامها لما لقت فضل سحب السويت شيرت اللي لابسه قدامها بهدوء عشان يلبس التاني

بلعت لسانها في لحظه ورفعت كفها مسكت رقبتها نوع من انواع ردود الفعل اللي بتخفي فيها توترها

لبس فضل و ساب السويت شيرت بتاعه علي جنب و رجع قعد تاني ولع سيجاره اتحركت بهدوء جابتلوا طفايه وقربت حطتها بهدوء و فضلت واقفه رفع راسه بالجنب و بصلها و هو بينفخ الدخان بهدوء

فضل…انا لبست خلاص ياريت تقعدي بقي

نعيمه….اااا هروح اعملك قهوه

فضل…..اقعدي يا نعيمه مش عايز

نعيمه…..كانت خلاص جابت اخرها التوتر اللي هي فيه خلاها فقدت السيطره علي نفسها ااااا لا لا يعني مش هينفع اصل يعني بصتلوا تاني هعملها بسرعه واجي

اتحركت في لحظه قبل ما يقولها لا كانت عايزه تجري من قدامه و هو كان حاسس بارتباكها و لغبطتها جدا واول مره اصلا يشوفها كده