لقاء كارثي

محمود….بضحك والله ياريهام انتي عسل و اللي هيتجوزك امه دعياله الخروج و الطرق و الجو ده بسيط هتتحل يعني امره سهل

ريهام….طيب بعيد يعني عن الهزار انت لو مكاني في موضوع الشغل ده هتعمل ايه

محمود…..انا مينفعش اقول لو مكانك لان انا و انتي مختلفين انتي بنت و انا راجل يعني انا مجبور اشتغل اي شغل سواء عاجبني او لا

ريهام….فهماك بس ياعم قولي رأيك اعتبرها نصيحه اخويه او نصيحه من صديق

محمود….طب بصي نصيحتي ليكي تقدري تخرجي و تسلي نفسك و تعملي كل اللي بتحبيه باكتر من طريقه غير الشغل مش عشان انتي جابه متأخره في السن لا انتي جايه متأخره في التعامل مينفعش يوم ما تنزلي تروحي هجم علي الشغل فا انزلي و اخرجي و اعملي لنفسك وقت تتبسطي فيه تعملي اللي بتحبيه تشوفي الناس بس من غير شغل لان انتي فيكي شويه من امنيه اختي طيبه و علي نياتها و يمكن هي اجرأ منك كمان لانها اشتغلت فتره و اتعاملت بس رغم كده هي مش متمكنه مش زي ايمي يعني ايمي من صغرها بتشتغل و بتعرف تتعامل و رجاله بشنبات شغالين تحت ايدها فا بلاش هتتبهدلي و هتتعبي اسمعي كلام الشباب هما خايفين عليكي وده رأيي

ريهام……خلاص يا محمود كرهتني في الناس

محمود….بضحك تصدقي انا غلطان اني بديكي نصيحه بس طبعاً لو حابه تجربي انزلي و جربي

ريهام…..لا يا عم شكراً حلوه كده اوي عملتلي تروما من قبل ما اجرب

محمود….بضحك الموضوع مش تروما يا ريهام يمكن انا متعاملتش معاكي اوي قبل كده بس كلام اخواتك مش هكدب عليكي حسيت يعني انهم بيبالغوا شويه و بصراحه جايين عليكي و قافلينها بس الوقت اقتنعت بكلامهم

ريهام….بضحك قصدك انهم معاهم حق

محمود…..صراحه اه بقي يوم ما تحبي تشغلي تبقي حاجه بتاعتك او تبع اخواتك يعني شغل خاص لكن تشتغلي عند حد هتتبهدلي

ريهام…..لا وعلي ايه خليني قاعده بكرامتي

محمود…..حد لاقي راحه و يقول لا انزلب انتي بس شوفي الدنيا و فرحي نفسك باكتر من طريقه اهتمي بنفسك اخرجي اتفسحي شوفي الدنيا

ريهام…..من غير اخواتي هااا

محمود….بضحك لا عادي مش شرط ممكن انتي و ماما ممكن مع نادين مع ايه مع اي حد من البنات خلاص كلكم بقيتوا صحاب كده يعني

ريهام….ماشي هعمل كده بقولك ايه بما اني مش هعرف ارازي فيهم في الشغل انا رايحه ارزاي فيهم الوقت