لقاء كارثي

محمود…..طب والله شاطره انا عندي واحد في البيت بس مش بلعب بيه لان نفيش حد يلعب معايا فا مع صحابي بقي بره

ريهام….طب و جبته ليه

محمود…..اوقات تامر بيعدي عليا ممكن حد من صحابي الواد عمرو حريف و مؤخراً رشيد بقي

ريهام…..ايوه هو بصراحه مسلي اوي

محمود…..جداً طب قوليلي بتحبي ايه تاني

ريهام….الطبله اكيد

محمود…..صحيح اشمعني الطبله اللي شبطتي فيها

ريهام….بابتسامه جميله اوي يا محمود ليها كده بهجه و روح حلوه بتعمل طاقه ايجابيه في مكان اتحداك تكون مضايق و تسمع صوت الطبله تفضل علي نفس حالتك انا بجد لما ابقي زهقانه او مضايقه و اطبل او حتي اسمع طبله بتبسط اوي

محمود……هي حقيقي بتخرج الواد من المود

ريهام…..اووووي يعني حتي اللي مش بيعرف يرقص بيتبسط و بيتفاعل فا بس حبيتها اوي و ميدو اللي جبهالي و علمني عليها و بشوف ڤديوهات كمان و بتعلم

محمود…..طيب مفكرتيش تتعلميها باحتراف و تشتغلي زي البنات والشباب كده تعملي فقره في فرح مثلا كده يعني

امنيه…..بضحك و الله جات في دماغي مره بس اخواتي مستحيل يوافقوا

محمود…..طب ليه ادام حاجه بتحبيها

ريهام…..هو من ناحيه الحجات اللي بحبها فا هي كتير بس هما مش هيرضوا و بيني و بينك يعني اكتفيت اني اتعلم و اتبسط بيها كده معاهم معانا كده و احنا مع بعض

محمود….بصي انا عاذرهم هنا اكيد بيخافوا عليكي

ريهام…..اكيد طبعاً و انا مقدره ده جداً

محمود…..طيب قوليلي بيقولول ان السفر يعني بيعلم حجات بيغير افكار السفريه دي عملت فيكي حاجه ولا عادي.

ريهام……بعيداً يعني عن اني اتبسطت جداً باللمه معاكم و غيرت مود بس اكيد طبعاً خدت قرار يارب بس يتوافق عليه

محمود……بضحك ايه عايزه تشتغلي اكيد

ريهام…..بضحك همو…….ت والله يا محمود و بصراحه الفكره رجعت تاني في دماغي بس مش عارفه بقي هيقولوا ايه

محمود…..طيب خلينا فيكي انتي سيبك من اخواتك في النهايه انتي لو مصممه علي حاجه ضـ,ـد رغبتهم هيوافقوا عشان ي…….رضوكي بس انتي عايزه تشتغلي ليه عشان زهق زي ما قولتي و لا انتي بجد حابه تنزلي و تشتغلي و عندك حلم

ريهام ضحكت و سكتت

محمود….بضحك ايه قولي والله سامعك شكلك مش عارفه

ريهام….ما دي حقيقه انا متأخره اوي يا محمود علي موضوع اني اشتغل و احقق حلمي و اعمل نفسي كبرنا بقي