لقاء كارثي

محمود….فطس من الضحك والله ما أقصد افهمي بس انا اقصد كا تسليه يعني تغيري جو كمان تهتمي بصحتك الرياضه حلوه عموماً بتحسن النفسيه جداً بتزود النشاط تخلصي مثلا الچيم تروحي تتمشي شويه تعنلي شوبينج محتاجه حاجه تجيبيها هترجعي اصلا فاصله خالص و رايقه و بكده نبقي ضر….بنا عصفورين بحجر نزلتي و بدأتي تخرجي بره القوقعه اللي انتي فيها و في نفس الوقت اتعرفتي علي ناس جديده هيبقي ليكي صحاب معارف كده يعني

ريهام…..امممم حلو ده طب افرض يعني طلعوا وحشين

محمود…..هما مين

ريهام …اللي هتعرف عليهم ما خد بالك يعني كلتم في سرك هما معاهم حق في جزء كبير انا مبعرفش في الناس اوي مش بعرف افهم الشخصيه و الكل في عيني طيبين

محمود….بضحك لا انتي تقعدي في لبتك احسن اخواتك معاهم حق و خدي بالك لو اقنعتيهم انا هقول لسلامه و مبدو بلاش

ريهام….بضحك تصدق انا غلطانه اني بفضفضلك

محمود….طب اقولك ايه ما انتي حتب لو روحتي شغل ده الموضوع معاكي هيبقي اسوأ ليه بقي لان الشغل مسؤوليه و وجع دماغ و منافسه و هتلاقي ناس كتير مش سالكه يعني لو مش بتعرفي تتعاملي هياكلوكي

ريهام….وانت ياعم شايفني من ايچبت ما وقت اللزوم ببقي تربيه شوارع خد بالك انا مش كيوت يعني

محمود…..بضحك لا والله ما هتعرفي انت باين عليكي علي الله حكايتك علي الاخر و الموضوع مش بالدراع صدقيني دول في الشغل بيتحولوا و خصوصا البنات مع بعض

ريهام…..انت عايز ايه يا محمود كرهتني في الشغل و النزول و الچيم و الناس

محمود…..بضحك انا بحاول افهمك والله بس انتب حلك بجد تتجوزي و تقعدي في البيت

ريهام…..نهار اسود حبسه تاني ما انا قاعده في بيتي بقي و علي ايه المرمطه

محمود….لا ماهو جوزك بقي يخرجك يشغلك بتعامل هو من الاخر

ريهام….بضحك عين امه والنبي صعبان عليا ده هيتروق

محمود….بضحك امه داعيه عليه صح

ريهام….دي داعيه عليه في ليله جمعه في العشره الاواخر في رمضان لا بس معلش بردوا هيتجوز واحده بتعرف تعمل اكل بتعرف تلعب بلايستيشن بتعرف تطبل و تعمل اجواء و مجنونه كل ساعه بحاله و مش نكديه

محمود….طب ما كده امه دعياله

ريهام…..بضحك يا عم ده كلام نجيب بيه رجل الزبون ده هيلبس لبسه ما يعلم بيها الا ربنا كل مشوار هتصل اعيطلوا انا غبيه جدا في الشوارع و الطرق خد بالك حتي لو روحت المكان ميت مره والله ما بحفظ الطريق انا اخري خالص مدبنه نصر بره مدينه نصر ربنا معايا و معاه بقي