لقاء كارثي

ايدها كانت بتترعش جامد بقت عماله تكتب في السيرش بتاع جوجل بسرعه و هي مش مرتبه الكلام الصح.

ازاي اعرف اني حامل من الاختبار

مسحت اللي كتبته و رجعت كتبت هو ينفع الاختبار بتاع الحمل يغلط

رجعت مسحت وهي بتهز راسها بعنف و دموعها نازله

هي العلامه التانيه في اختبار الحمل بتتأخر في الظهور

فضلت تكتبت حجات كتير و تبص علي الرد و اخر ما حست انها محتاجه دليل اكبر اتصلت بالدكتوره اللي بتتعامل معاها سلمت عليها و بعدين عرفتها اللي حصل معاها.

الدكتوره….بابتسامه ده كده يبقي حمل انتي استعجلتي علي النتيجه و رمتيه قبل ما تتأكدي اوقات كتير بتظخر العلامه بسرعه و اوقات بتحتاج وقت ممكن ثواني ممكن دقايق لو الحمل لسه في بدايته خالص يعني ايام بياخد وقت في الظهور و بيديكي علامه خفيفه زي الظل

ايمي…..بدموع ااا لا هي علامه تقيله اوي و العلامه التانيه تقيله بردوا بس اخف حاجه بسيطه لكن ظاهره جداً مش ظل

الدكتوره…..بابتسامه يبقي حمل اكيد و لو عايزه تتأكدي اكتر روحي اي معمل تحاليل اعملي تيست حمل هيظهر علي طول و تاخدي النتيجه و انتي واقفه بس لو علي حساباتك كده اخر معاد للبريود كان قبل الجواز بأسبوع او خمس ايام و بعدها اتجوزتي الحساب الصح المفروض كانت البريود جاتلك بس كده ده اكيد حمل و نقدر نقول انك جملتي اول الجواز علي طول

ايمي…..بدموع بجد يا دكتور

الدكتوره….بابتسامه بجد مبروك يا ايمي والله العظيم فرحتيني اوي

ايمي….بدموع طيب هو انا ممكن ابعتلك الوقت صوره التيست و انتي معايا و ىدي عليا

الدكتوره….اه ابعتي يلا انا معاكي

ايمي…اااا طيب طيب لحظه

حطت ايمي الاختبار علي الحوض و صورت و بعدين بعتتهالها

ايمي….ااا انا بعتها شوفي كده

الدكتوره….خليكي معايا لحظه

ايمي….بهمس يارب يارب

الدكتوره…..ماشاء الله مبرووووك ده حمل واضح و صريح

نزلت ايمي علي ركبها وهي ماسكه الحوض بايدها و كانت منهاره من العياط

الدكتوره…..متعيطيش بقي المفروض نفرح و بعدين العياط ده غلط علي البيبي

ايمي….انا قلبي هيقف من الفرحه مش مصدقه لما عملت الاختبار كنت شاكه بس قررت بيني و بين نفسي لو محصلش حمل مش هزعل ده اول شهر بعد الجواز بس لما شوفت العلامه اتخضيت مصدقتش

الدكتوره….في حالات كتير بيحصل معاهم كده يعني المفروض علي الاقل منستعجلش علي الاختبار و نرميه قبل ما يعدي عشر دقايق ربع ساعه علي الاقل