لقاء كارثي

تقي….بضحك اااا اشوف صحابي و اشوف حدوته للني مفتقداه جدا

ابتسم عدي بهدوء و هرش في شعره بتوتر

عدي…..يادي حدوته اللي طالعلنا في كيس شيبسي

تقي…..بابتسامه من فضلك اتكلم عن حدوته باسلوب احسن من كده

عدي….وماله تعرفي اني عايز اشوفوا

تقي…..اشمعني

عدي….عادي اتعرف من كتر ما بتتكلمي عنه عندي فضول اعرفوا

تقي…..وماله اعرفك عليه انت بقي هترجع تعمل ايه

عدي…..ولا حاجه شغل بس

تقي……طيب كويس

عدي…..طيب سؤال بقي هترجعي الشغل يا تقي

تقي…..بابتسامه هو انا سيبت الشغل عشان ارجع

عدي….تقيييي بلاش استعباط انتي عارفه انا اقصد ايه كويس هترجعي تيجي ولا لا

تقي….بأبتسامه ااااا عادي يعني هاجي اه

عدي….طيب كويس هشوفك بقي و هنرد علي موبايلنا ولا هنرجع للعبط تاني

تقي…..انت عايز تشوفني

عدي…..بضحك انتي شايفه ايه

تقي…..انا شايفه انك المفروض تكون زهقت مني قاعده في وشك بقالي كام بوم ليل نهار

عدي…..ليه انتي زهقتي مني ؟

تقي….اااا احممم بصراحه اوووووي خنقتني

عدي….اكيد

تقي…..بابتسامه ااا لا بهزر بس يعني انا علي فكره الفتره الجايه هبقي مشغوله شويه محتاجه انزل محاضراتي بدري و محتاجه ارجع علي البيت علي طول الحق اللي فاتني ممكن معرفش انزل الشغل علي طول اصلا او لو مضطره هختار اماكن قريبه

عدي…..لو عشان المذاكره تمام خلصي كل اللي فاتك و ظبطي دنيتك حتي لو مش هترجعي شغلك علي طول بس اكيد هشوفك

تقي….بابتسامه ماهو لو مفيش شغل هتشوفني ازاي

عدي….ودي صعبه يعني ولا حضرتك مش عايزه تشوفيني

تقي….اكيد مش كده بس لو مش هاجي الشغل مش هعرف اشوفك

عدي…..وهو انا لما كنت بشوفك كان الموضوع محتاج شغل سيبيها عليا دي ملكيش دعوه انتي المهم موبايلك يا تقي والله العظيم المرادي بجد لو عملتي معايا كده تاني هتزعلي مني

تقي….بابتسامه بتهددني

عدي…..مش بهددك بعرفك انا قولتلك كتير علي موضوع الموبايل و انك تردي عليا و مع ذلك عملتيها انا عدتها المره اللي فاتت لان كان في سوء تفاهم بس بما ان سوء التفاهم انا وضحته ملكيش حجه و بجد هزعل و مش هتصل لو حسيت انك مش عايزه تردي او بتتجاهلي اتصالي

تقي…..طيب اولا انا مكنتش برد عشان سوء التفاهم ده بس خلاص فهمت و كل حاجه تمام بس سؤال بقي افرض حصل اي ظرف منعني اني ارد بجد مش هتتصل