لقاء كارثي

سليم……حلو وانا مش معترض انشغلي و اتأثري براحتك بس احنا في بينا اتفاق و انا مضطر انفذه

نسمه……يعني بجد مش هتكلمني

سليم…..هو مش احنا في بينا اتفاق

نسمه…..بس ممكن نعديها المرادي بس و اعتبر ان الموقف بجد وترني و خلاني نسيت

سليم…..في اسوء الازمات و الظروف يا نسمه بننسي كل حاجه و بنلجأ بس لربنا نصلي ندعي احنا ممكن ننسي و منلتزمش طول الوقت بس لما بنمر بظرف صعب بنلاقي نفسنا بنروح نقف قدام ربنا لان المفروض اننا عارفين ان هو بس اللي هيساعدنا ما بالك بقي ده فرض عليكي

نسمه…..تمام انت صح بس لبه بتقارن نفسك بيا انت ملتزم اصلا مينفعش حد ملتزم يقارن نفسه بحد بيحاول يلتزم

سليم…..علي فكره انتي فاهمه غلط خالص انا ملتزم في الصلاه و قولتهالك انا شاب عادي عايش حياته بكل الطرق اللي بتناسب جيله ليا غلطات كتير بغلط و هغلط بضعف لاني بني ادم بس علي الاقل متمسك بالصلاه انا لما حسيت اني كويس و اطمنت علي الباقي روحت صليت يا نسمه

نسمه…….اوك انا هروح اصلي العصر و بعدين المغرب يعني مش فاتني ولا حاجه و بعدين انت قولتلي لو حصل اي ظرف منعك من الصلاه تعوضيه في نفس اليوم و مش هتزعل

سليم….انا قولت لو في مكان مش هتقدري تصلي فيه مشوار مثلا مقضيه اليوم بره في شغل في جامعه لكن هنا مفيش حاجه تمنعك اه معاكي خو…..فتي اتوترتي بس الموقف عدي و كنتي واقفه تهز….ري مع تقي وايه من شويه كان ممكن تصلي الاول ولا ايه.

نسمه…..ااا اوك

ابتسم بهدوء لما حس ان ابتسامتها راحت و بان عليها الزعل

سليم…..هو ايه اللي اوك

نسمه…..يعني فهمتك خلاص معاك حق بس يعني انت كده مش هتكلمني ولا انهارده ولا بكره

سليم…..المفروض مش في عقاب متفقين عليه

نسمه…احممم طيب اوك اااا انا هقوم

سليم…..هتروحي فين

نسمه…..هروح اصلي ووو يعني هسيبك تنفذ عقابك

بصلها ثواني و بعديت مشيت نسمه علي جوه ابتسم بهدوء و حس انها بجد زعلانه.

……………..

قربت نعيمه من فضل و هو قاعد حطت عليه دفايه صغيره علي كتفه بصلها بهدوء و ابتسم و باس كفها

قربت قعدت جنبه فرد دراعها وخدها في حضـ,ـنه

نعيمه ….بابتسامه خد بالك يا شيخ العرب نادر واقف و هيقـ,ـتلنا

فضل ….بأبتسامه لا مش واخد باله و بعدين انا عملت حاجه ده حضـ,ـن