لقاء كارثي

مصطفي….اهلااا

ايمي….بهمس ولا يا مصطفي عيزاك في حاجه مهمه

مصطفي…..بابتسامه ايه داخلة المخبرين اللي ترعب دي

ايمي….بضحك انا مش بهزر عيزاك في فكره

مصطفي….فكره مع دخلة المخبرين و الوشوشه دي اكيد مقلب

ايمي….بضحك مش بالظبط بس عيزاك تفكر في لعبه او فكره حلوه نعرفهم بيها خبر مهم

مصطفي……يعني ايه نعرفهم بيها خبر مهم

ايمي….بابتسامه امممم طيب و لو انها مكانتش في الحسبان و لا تخيلت ولا كان يجي في بالي اني استامنك علي سر او اقولك انت اصلا اول واحد فا انا يعني عقبال عندك كده حامل

مصطفي….بابتسامه و اسعه ايه ده بجد مبرووووك

ايمي….بضحك وطي صوتك لاقلبك في البيسين الله يبارك فيك

مصطفي…..بضحك والله العظيم اتخضيت و فرحت ايه الخبر الحلو ده

ايمي….عقبالك يارب يا مصطفي بما انك يعني قارفنا لعب و مقالب و اسئله من اول ما حينا فا اكيد انت انسب شهص احتاجه في المهمه دي

مصطفي…..اووووعي يعني انا عرفت قبل رشيد و العالم دي كلها

ايمي….بضحك تخيل

مصطفي….ااا طب انتي عايزه ايه بالظبط بردوا انا مش فاهم

ايمي…..يعني بعد الغداء كده في السهره عايزه اوصلهم الخبر بطريقه حلوه سمعتك الوقت بتقول هتجهز لعبه فا مش عارفه بقي تقدر تعملها ازاي

مصطفي….هرش في راسه اااا بس دي صعبه دي هنعملها ازاي

ايمي…..شوفلك طريقه بقي هي اكيد مش هتبقي مقلب

مصطفي…..لا مش مقلب هروح اقولهم ايمي مش حامل يعني

ايمي….طب فكر بقي انت واياك تقول لحد والمصحف هقتـ,ـلك

مصطفي….بضحك لا والله ما هقول طب بصيييييي انا جاتلي فكره حلوه اوي

ايمي….ايه هي قول

مصطفي…..بصي خليني اظبطها مع نفسي الاول بس لما نيجي نلعب خليكي انتي قاعده معاهم عادي كأنك متعرفيش و هتلعبي زيهم

ايمي….ما اكيد مش هعرفهم بس انا عايزه حد تاني عشان نصورهم بصراحه انا عايزه اشوف رد فعلهم كل واحد لوحده

مصطفي…..ايوه بس دي صعبه يعني لو لعبه كلهم مع بعض مش هنلحق ناخد رد فعل كل واحد فيهم لوحده و نصوره لو علي التصوير عادي انا هصورهم و هقولهم ان التصوير جزء من اللعبه بس الڤديو مش هيجيب رد فعلهم كلهم

ايمي…..يعني ايه مش ظابطه

مصطفي…..ابتسم و سكت ثواني و بعدين بصلها بس لاقيتها

ايمي……طب قولي

مصطفي…..بصي هي فكره مجنونه و كريتيڤ اوي و هتبقي اول واحده عملتيها انا هبدأ بواحد واحد هنكتب في ورقه كده رساله و هطلب منهم ان محدش يتكلم ولا يقول هو قرأ ايه و لا حتي يعمل رد فعل و هنصور رد فعلهم و هما بيقرأوا الخبر