لقاء كارثي

ماريز…..كويس انك عارفه بقولك ايه

ايمي…..قولي

ماريز…..انا نقعالك بليله و هعملهالك عشان لما تيجي تاملي منها

ايمي….والله و حشتني تسلم ايدك يا زوزو

ماريز…..اسمعي

ايمي….قولي

ماريز…..انتوا لما تتتحركوا كده علي الضهر هتيجوا علي كام

ايمي….مش عارفه يعني ممكن علي سبعه ثمانيه كده يعني

ماريز…..طيب ما تباتوا بكره معانا هنا في شقتك بدل ما تروحوا هتبقوا جايين تعبانين والشقه فوق مفروشه و نضيفه

ايمي….مممم طيب انا هقول لرشيد كده و اشوف ظروفوا ايه و هعرفك

ماريز…..طيب ماشي شوفي كده بدل ما يرجع يسوق حرام ريحوا و بعدين امشوا و امنيه و عمرو بردوا يباتوا في شقتها فوق

ايمي….ماشي انا هقول لرشيد و لو تمام هنبات مش مهم

ماريز……ماشي يا حبيبتي بس قوليلي بقي

ايمي….ايه يا زوزو ما صدقتي كلمتك هنتصاحب

ماريز….تصدقي انا غلطانه اني بعبرك يلا يا بت روحي اقفلي

ايمي….بضحك لا خلاص بهزر والله قولي

ماريز……انتي مالك

ايمي….مالي ازاي

ماريز…..صوتك مش حلو حساكي مضايقه من حاجه زعلانه مع رشيد

ايمي…..بضحك طب بذمتك ده سؤال يا زوزو بقولك كنا بنتعرض لظاهره طبيعيه و العيال اغم عليها و الجو كان ملبش يعني طبيعي ابقي متوتره علي الاقل ده لو في دم

ماريز…..بضحك مقصدش كده بس حسيت انك مضايقه

ايمي…ولا مضايقه ولا حاجه يا زوزو انا زي الفل و بكلمك اهو

ماريز…..طيب ماشي يارب ديماً انا بطمن بس

ايمي….لا يا اختي اطمني و ركزي انتي بس مع الراجل الغلبان اللي عندك

ماريز…..اطلعب منها انا مركزه اوي خليكي انتي في حالك بس

ايمي…..ماشي يا ستي ربنا يهني حماده بزوزو

ماريز….بابتسامه و يهني رشيد بايمي

ايمي….بضحك يارب يا زوزو المهم بقي خلوا بالكم من بعض و اقفلوا عليكم كويس ماشي

ماريز…..حاضر متخافيش انتوا كمان خدوا بالكم من بعض و بكره تعرفيني قبل ما تتحركوا

ايمي….حاضر يا حبيبتي يلا عايزه حاجه يا ست الكل

ماريز……عايزه سلامتك يا قلبي

ايمي…..بحبك يا زوزو

ماريز…..وانا بحبك يا قلب زوزو مع السلامه

ايمي…..سلام يا قلبي

قفلت ايمي و سابت الموبايل كملت سيجارتها و بعدين قامت طفتها و خدت اللبس و دخلت تغير عشان تنزل تساعدهم علقت لبسها و رفعت شعرها و قلعت هدومها و راحت تاخد دش بالمره عشان تفك الضغط عنها خالص و قفت شويه تحت المايه غمضت عينها و حاولت تهدأ خالص بعد كام دقيقه تحت المايه فتحت عينها و خلصت الشاور بتاعها سحبت الفوطه لفتها علي جسمها و خرجت بره البانيو نشفت كويس و لبست و بعدين خرجت جابت الاستشوار و راحت في المرايا تنشف شعرها و هي سرحانه خلصت و ظبطت نفسها كان في ايدها شنطه ميك اب فتحتها و حطت حجات بسيطه بصت في الشنطه طلعت روچ جديد كانت جيباه و محطتش منه لسه جربتوا بس معجبهاش لونه مع اللبس سحبت منديل مسحتوا عشان تحط بداله راحت رمت المنديل في الباسكت و قربت تاني من المرايا طلعت لون غيره قربت من المرايا تحط و فجأه برقت و هي باصه في المرايا ضر….بات قلبها زادت اوي فضلت واقفه لمده ثواني باصه في المرايا و مصد……ومه و بعدين سابت من ايدها الروچ و قربت بسرعه من الباسكت مسكت الاختبار في ايدها لمحت فيه شرطتين مش شرطه واحده قعدت علي ركبها و هي باضه في الاختبار بصدمه و دموعها بدأت تنزل بسرعه و هي مبتسمه و حاسه انها مش مصدقه او مستوعبه و لا فاهمه ده صح ولا غلط قربت الاختبار من قلبها حضـ,ـنتوا و انها…….رت من العياط بقت تضحك و تعيط و مشاعرها دخلت في بعض قامت بسرعه من الارض و جريت علي موبايلها بقت تعمل سيرش علي موضوع الاختبار