لقاء كارثي

تقي …..بعيداً عن اللي حصل انهارده اه اتبسطت اوي

عدي….طيب ايه اكتر حاجه بسطتك

تقي…..بصراحه كل حاجه يعني اولاً الجو العام حلو اوي ان كلنا متجمعين في ناس مكنتش اعرفها اوي و اتعرفت عليها زي مثلا اهل ميدو و سلامه مامته تجنن و اخواته حلوين اوي بجد كمان حتي عشري و صحابه اه عرفتهم و حضرت خطوباتهم بس السفر خلاني قربت منهم اكتر و اللعب والهزار و الجو اللي عملوا مصطفي و الاسئله عرفنا بعض اكتر كده يعني غير المكان حلو اوي و الڤيلا تجنن

عدي…..وانا شفاف يعني

تقي…..بضحك لا ما انت اكتر حد عرفتوا فيهم كلهم بس ميمنعش بعني اني مبسوطه انك موجود

عدي…..مممم ماشي يا ستي وايه تاني

تقي…..بس مفيش يمكن انا كنت جايه و مس مبسوطه بصراحه او مكنتس حابه اجي بس يعني طلعت غلطانه

عدي….بابتسامه اشمعني

تقي….اااا يعني كان في حاجه قفلاني من السفريه و اكتشفت اني كنت غلطانه و الفكره اتغيرت و كويس يعني اني جيت

عدي…..ادعي بقي للي غيرلك الفكره

تقي…..بضحك قصدك ليله صح

عدي…..رفع حاجبه اقصد يا رخمه اللي غير فكرتك مش اللي اقنعك تيجي

تقي….بضحك اه طيب ماشي هدعيلوا انت بقي قولي ايه اكتر حاجه مبسوط بيها في السفريه دي و اتبسطت اصلا ولا لا

عدي……اتبسطت طبعاً و يمكن دي اول مره من فتره طويله اكون مبسوط كده و افصل و اكتر حاجه مخلياني مبسوط اني قدرت اغير فكرة حد كده كان واخد جنب مع نفسه و زعلان

تقي….بابتسامه توتر ااا احممم طيب قولي

عدي….بضحك تعرفي انك سكلك حلو وانتي عامله فيها عبيطه كده

تقي…..بابتسامه انا لا خالص انا عبيطه محصلش

عدي…..ماشي هنعديها قوليلي بقي ايه اول حاجه بتفكري تعمليها اول ما ترجعي

تقي…..لا انت فاهم غلط انا مكنتش مهاجره

عدي…..يابت بلاش رخامه اقصد يعني ايه اول حاجه جايه في دماغك تعمليها لما ترجعي البيت

تقي….ايوه ما انا فاهمه بس مفيش حاجه يعني انا لسه مسافره من كام يوم بس ممكن اني انام

عدي….ليه انتي مش بتنامي كويس هنا

تقي….لا بنام بس بصراحه مش النوم اللي هو مريح انا بحب الاوضه بتاعتي سريري كده يعني

عدي…..اممم ماشي ايه تاني

تقي…..اذاكر لاني بصراحه كده بستعبط عايزه انجز اللي فاتني الكام يوم دول كمان عايزه اكل بيتزا

عدي…..بابتسامه غير الاكل يا طفسه