لقاء كارثي

رفعت وشها و خرجت نفس طويل

اووووووووف ابتسمت بحب و حركت ايدها بهدوء علي بطنها و بعدين دخلت تاني الحمام مسحت عينها بهدوء و حاولت تتمالك نفسها اكتر فضلت تاخد نفس و تخرجوا كذا مره لحد ما هديت ظبطت تاني الميك اب و فضلت باصه في المرايا شويه و هي بتضحك و مبتسمه و بتفكر ازاي تقول لرشيد طيب تقولوا هو الاول و لا تتصل تفرح امها و ابوها و لا تخليها مفجأه اما يرجعوا تقولهم و تقول لرشيد الوقت

طيب تفرح اخواتها الاول ولا رشيد
طيب البنات وليله اول حد جات في بالها لانها طول الفتره اللي فاتت وهي مضايقه و الموضوع شاغلها كانت تبص في عين ليله لما ليله تسألها مالك و ترد تقولها مفيش كانت بتشوف في عينها كل حاجه ايمي خبتها ايمي كانت عارفه انها حاسه بيها و مكانتش راضيه تتكلم عشان متضايقهاش و كانت شايله همها اوي فضلت تفكر طيب تقولها اول واحده وبعدين يفاجئوا رشيد و اخواتها ولا تعمل ايه سرحت شويه افتكرت يوم فرحها لما رشيد وصل بره و كانت هتخرج و ايه وقفتها وقالتلها لا لازم نفاجئ رشيد و نعمل الفيرست لوك ابتسمت ايمي و فكرت تقول لايه و هي تفكر معاها في طريقه حلوه تعرفهم بيها خدت نفس طويل و اتأكدت انها مش باين عليها انها معيطه و بعدين خرجت من الاوضه.

نزلت ايمي بعد وقت بسيط من الاوضه حنان كانت واقفه في المطبخ هي و ليله خرجت بهدوء علي بره نادت علي ايه كانت واقفه مع ريهام

ايمي….ايه

ايه…..ها يا ايمي

ايمي….تعالي عيزاكي لحظه

راحتلها ايه و هي بتقرب عليها لمحت ايمي مصطفي عمال يضحك ركزت معاه

مصطفي….استنوا بس انا هحضرلكم لعبه حلوه نختم بيها الرحله.

سرحت ايمي ثواني وفكرت انها تبدل ايه بمصطفي هو انسب حد للافكار دي و كمان حبت انها تشوف رد فعل ايه معاهم

ايه…..ايه يا ايمي ؟ ايميييي

ايمي…ايه ااا لا خلاص كنت هسألك علي حاجه بس طلعتي مش انتي

ايه….يعني ايه

ايمي….يابت لما وقعوا بره كان في ايدي حاجه و انتي كنتي قريبه مني فكرت ادتهالك خلاص افتكرت ادتها لامنيه

ايه…..بطلي بقي اللي بتتعاطيه ده غيري الصنف

ايمي….بضحك يلا يا واطيه

ايه…..انا واطيه الله يسامحك عايزه حاجه و لا الزهايمر عامل عمايلوا معاكي

ايمي….بضحك غوري يا بت من قدامي

سابتها ايه و هي بتضحك و راحت تاني لريهام.

مشيت ايمي براحه علي مصطفي كان واقف يلعب في الموبايل جنب البيسين