ابن ليل

دعاء…بإبتسامه بس كده من عنيا .

قامت دعاء جري علي المطبخ وهي حاطه ايدها علي قلبها.

ثواني ودخل وراها حسن

دعاء…..يخربيييييتك فزعتني يا ولا انا ناقصه رعب

حسن….في ايه يا دودو ما تهدي شويه مش كده هتفضحي روحك🤨

دعاء….باين عليا يا ولا🥺

حسن…..بيتهيألي مخدوش بالهم بس انتي شكلك كأنك عامله عامله براحه علي روحك شويه

دعاء…..مرعوبه يا ولا ومش عارفه ايه اللي ممكن يحصل

حسن….وهو بياكل موزه من طبق الفاكهة ولا حاجه هيحصل ايه يعني ابويا هيقولك لمي هدومك وعلي أخوكي ومنشوفش وشك تاني وهيبقي وشك في وش مرات خالي 😂

ضربته دعاء علي كتفه

دعاء……انت كده بتطمني يا ابن الصرمه😡😡😡

حسن….طيب نقولك ايه يعني انتي مأڤوره الحوار علي الاخر

دعاء….و انت شايف انه موقف عادي انا مش راعبني غير ابوك

حسن….هيعمل ايه يعني بصي تسمعي  مني؟

دعاء….قول

حسن….حتي لو ابويا زعل منك مش هيقدر يعمل حاجه متنسيش ان الكلمه في الاول والاخر بتاعت جدي

دعاء….عارفه بس ابوك مش هيعديهالي

حسن…..هيعمل ايه يعني هيزعل يوم ولا اتنين في الاخر هيرضي بالامر الواقع انتي عارفه ان مفيش اطيب منه وبعدين انتي لازم تجمدي وتكوني قد رد فعله واوعي تحسسيه انك غلطتي انتي عملتي الصح وكان لازم تقفي مع عمتي وبناتها ولازم الحدوته دي تخلص بقي ومش هتخلص غير لو حد فيكم واجهه ووقف مع عمتي

دعاء….بإبتسامه بسيطه شوف انا دبماً نقري من نقرك بس اول مره يا ولا تريحني بالكلام

حسن….اي خدمه يا دودو وراكي رجاله بردو 😉

دعاء….طيب يلا يا اخويا اتكل علي الله واخرج قبل ما ابوك ولا ستك يجوا ويسمعونا

حسن…..ماشي انا بره.

………………

عدت ساعه وفي الوقت ده اخيراً وصلت الطياره وبدأت الطياره تستعد عشان لحظه الهبوط البنات كانوا متحمسين رغم قلقهم من المواجهه اللي هتحصل واللي هما مش عارفين أبعادها هتكون ايه اما دره بمجرد ما عرفت ان خلاص الطياره وصلت وهتنزل علي المطار حست ان قلبها أتقبض حاولت تظهر عكس اللي هي حاسه بيه عشان بناتها لكن نظراتها كان باين عليها القلق

نزلت الطياره اخيراً وبدأ الجميع ينزلوا منها شويه وكانوا في قلب المطار مستنين شنطهم ودره واقفه جنبهم ماسكه أيدها الاتنين في بعض بقلق

خلصوا كل الإجراءات وأخيراً خرجوا بره بعد ما اشترت دره خط مصري عشان تقدر تتواصل مع دعاء في الاول شافت عربيه توصلهم ركبوا بعد ما حط السواق الشنط وركبت دره قدام واتصلت علي دعاء.