ابن ليل

دارين…..بإنهيار بابي انت ساكت ليه قول حاجه قول ان اللي مامي بتقوله ده مش صح🥺 قول انك مش هتقدر علي بعدنا ولا ناوي انك تبعدنا عنك

دانه….بابي قول لمامي ان اللي هي سمعته ده مش صح قولها انكم بتهزروا او ده مقلب تقيل شويه 🥺💔

يوسف…..بإرتباك ااااا بنات الكلام ده مش

دينا….بجحود حقيقي يا بنات

بصلها يوسف وسكت

دينا…..كل كلمه سمعتوها حقيقيه

يوسف…..دينااااا

دينا…..ايه يا يوسف 🤨 مالها دينا مش دي الحقيقه واظن احنا كنا متفقين نواجه الكل واهي الفرصه جات من عند ربنا.

ديما….بإنهيار حاولت تقرب من دينا انتي كدااااابه بابي مستحيل يعمل كده

مسكها يوسف وبعدها عن دينا

يوسف….اطلعوا اوضتكم يلاااااا

فضلت دره علي وقفتها بصاله وباصه لدينا وفي دنيا تانيه شايفه دموع بناتها و انهيارهم و شايفه في عيون يوسف قسوه

طلعوا البنات اوضتهم بسرعه

دره…..بوجع🥺💔 طلقني يا يوسف طلقني وحقق أمنيتك قبل ما الشمع يسيح يمكن انت خدت مني كل حاجه بملكها بطريقه قانونيه بس انا كان ممكن أطعن بالتزوير في كل حاجه وصدقني كنت هرجع حقي منك بس عارف ايه اللي منعني يا يوسف ؟

بصلها يوسف من غير ولا كلمه

دره….ولادنا يا يوسف هما اللي منعوني مقدرتش اخليهم يشوفوا ابوهم وامهم وهما واقفين قدام بعض مقدرتش اخليهم يشوفوا وشك التاني مبروك عليك يا يوسف كل حاجه خدتها مني
مبروك عليك انت ودينا خطتكم اللي نجحت بإمتياز🥺.

وبما اني مبقتش املك اي حاجه هنا فا وجودي هنا انا والبنات ملهوش اي لازمه وهرجع مصر واظن ده تاني جزء من خطتتكم اللي كنتوا بتخططوا ليها عشان تخلصوا مننا💔

وعشان انا بنت اصول يا يوسف لاخر لحظه بينا هحققلك أمنيتك مش عايزه اي حاجه ولا هعافر معاك عشان ارجع حقي لان لو علي الفلوس والشغل والبيت كل ده يتعوض صدقني مخسرتش كتير انا لو خسرت يا يوسف بجد فا خسرت قلبي يوم ما صدقك ومشي معاك ورمي كل ذكرياته وراء ضهره يا خساره يا يوسف اللي يهون عليه بناته اللي من دمه يهون عليه اي حد مبروك عليكي يا دينا 💔
تحجزلي اول طياره راجعه مصر ليا انا والبنات معلش هنخسرك شويه من الفلوس اللي خدتها بس لحد ما نسافر يا يوسف مش عايزه اشوفك هنا في البيت 🥺

سابتهم دره وطلعت بسرعه علي اوضتها..

باااااااااك

فاقت دره من ذكرياتها الاليمه علي صوت إعلان وصول الطياره اللي هتنقلهم مصر مسحت دموعها بسرعه ورسمت إبتسامه بسيطه علي وشها.