ابن ليل

حسن….بحب يلا يا ست الكل ادخلي ارتاحي واطمني خلصت خلاص

دعاء….يارب تكون خلصت زي ما بتقول يا حسن

حسن…..هيحصل ايه تاني يعني هيتكلموا ما لازم يتكلموا ويتصافو

دعاء….منقصدش علي ستك وجدك واخوك انا نقصد كرم يا ولا لما يعرف انها رجعت مش هيسكت

حسن…..متقلقيش هتعدي زي ما بتعدي علي طول ويلا ادخلي نامي متشغليش راسك ببكره سيبيها تيجي زي ما ربنا مدبرها❣️

دعاء…ونعم بالله احيه عالعقل اللي نزل عليك يا ولا مش مصدقاك😒

حسن….بضحك انا غلطان اقولك كيرو مش هيسكت وهيطربق الدنيا علي راس عمتي وراسك وراسنا كلنا ارتاحتي

دعاء…اهو كده نصدقك مش تقولي هتعدي علي خير😂😂

حسن…..يلا تصبحي علي خير😂

دعاء….وانت من اهله

دخلت دعاء علي اوضتها لقت عبدالله نايم او بيتظاهر انه نايم قررت متجيش جنبه وراحت علي جنب السرير بتاعها ونامت وهي مبتسمه وسعيده❣️

…………

خرجت دره من اوضته عبدالله بعد ما اطمنت ان دانه وديما نامو

وراحت علي اوضتها طلعت علي السرير

ابتسمت دارين وشدت ايدها ونامت في حضنها.

باستها دره من راسها بحب.❣️

دارين……علي فكره طنط دعاء طلعت جدعه وطيبه اوي يمكن اكتر ما كنتي بتتكلمي عنها

دره…..دعاء دي اختي مش مرات اخويا طول عمرنا صحاب وقريبين من بعض ومش جديد عليها وقفتها جنبي

دارين….تفتكري جدو وتيته اقصد بلبله😂 هيتقبلوا وجودنا

دره …..مش عيزاكم تشيلو هم ابدا حتي لو ده محصلش في البدايه بس اكيد هيحصل متقلقيش

دارين…مش قلقانه كفايه انك معانا يا مامي ربنا يخليكي لينا

دره….ويخليكم ليا يا حبايبي

دارين….بس انا بردو عندي فضول اعرف ايه سبب كل ده

دره….بإبتسامه الفضول ده مش طبعك ايه ديما ودانه بهتوا عليكي

دارين….بضحك يعني😂

دره…..هعرفكم كل حاجه بس مش وقته  خلينا الاول نهدأ ونستقر

دارين….زي ما تحبي يا مامي❣️

دره….يلا نامي بقي وارتاحي

دارين…..تصبحي علي خير واه علي فكره اوضتك جميله اوي😍

دره ….بإبتسامه هاديه وانتي من اهل الخير يا روحي ❣️

نامت دارين وغمضت عينها

اما دره فا عينها كانت علي كل ركن في الاوضه وهي مبتسمه وكأنها بتعيد كل الذكريات❣️

اتنهدت تنهيده طويله كلها راحه ولمحت عروستها قامت بهدوء جابتها وراحت علي السرير خدتها في حضنها وغمضت عينها دقايق بسيطه وكانت غرقانه في نوم عميق وكأنها طول السنين اللي فاتت كانت مفتقده الراحه والامان اللي هي حاسه بيهم في اوضتها❣️