ابن ليل

دره…..يمكن يكون عندكم حق ويمكن كمان اكون بالغت برد فعلي و اساءت الظن لاول مره بيك يا يوسف بس الكلام ده كان قبل ما اعرف مين هو المستثمر

بصت دينا ليوسف بسرعه والاتنين الصدمه خرستهم

دارين….مين يا مامي؟

دره…..ها يا دينا تقوليهم انتي ولا انا اقول 💔

يوسف….دارين خدي اخوانك واطلعوا فوق

دره….يطلعوا قبل ما يباركولكم

يوسف…..داررررررين خدي اخواتك واطلعي😡

دره…..بس الاول فكر معايا يا تري يباركلكم علي ان دينا هي اللي طلعت المستثمر اللي قولتلي انه مسافر وحاولت تخفي عني هويته واكتفيت باسم d.m عشان معرفش مين هو ولا يباركلكم علي الجواز اللي بقاله تلات سنين

الصدمه ألجمت الجميع البنات كانوا في حالة صدمه بيبصوا لبعض وهما مش مصدقين.

دارين وهي دموعها نازله

بابي الكلام اللي مامي بتقوله ده صح🥺

بصلها يوسف وسكت وفضل يبص عليهم ومش عارف يقول ايه اما دينا فا وقفت بكل ثبات رغم صدمتها لمعرفه دره كل اللي حصل.

دره…..رد يا يوسف عايزهم يباركولكم علي ايه 💔 بصت لبناتها بوجع

ها يا بنات لسه شايفين اني بالغت في رد فعلي

دانه….يعني ايه بابي متجوز من تلات سنين

دره…..قول يا يوسف ازاي قولي يا دينا يا صاحبتي وعشره عمري💔 تلات سنين وانا عامله زي الهبله وسطكم لدرجه اني من وقت ما عرفت بسأل نفسي انا كنت غبيه للدرجادي ووثقت فيكم زياده عن اللزوم ولا انتوا اللي كنتوا شاطرين اوي وقدرتوا تمثلوا عليا
كملت كلامها بنبره وجع و دموعها خانتها🥺 ليه يا دينا عملت معاكي ايه استاهل عليه خيانتك ليا ده انا مكانش ليا غيرك ليه يا يوسف ده انا بعت كل حاجه عشانك بعت اهلي وخسرتهم عشان افضل معاك💔 اديني سبب واحد مقنع انت وهي يخليكوا تعملوا فيا كده وانا هقتنع و هرضا ادوني سبب لخيانتكم وغدركم بيا

طيب هي يا يوسف هان عليها صاحبة عمرها وانت هان عليك مراتك اللي باعت اهلها والدنيا كلها عشانك ماشي موافقه طيب وبناتك يا يوسف🥺 هانوا عليك انا سمعتك انت وهي خرجت وراك لما جالك تليفون ورحتلها شوفتكم يا يوسف وسمعتكم 💔

سمعتك وانت راضي بخطه دينا انكم ترموا كل حاجه وراء ضهركم بعد ما خدتوا مني كل حاجه سمعتكم وانتوا مستنين الوقت المناسب عشان تواجهوني بجوازكم عشان اطلب الانفصال سمعتكم وانتوا بتخططوا ان حتي بناتك يبقوا بره حياتك 🥺