ابن ليل

دعاء….ايوه يا عبدالله متفقه معاها ومقَدرتش نسيبها تواجهكم بطولها دره اختي وهتفضل اختي

عبدالله….يعني ايه بتكسري كلامي😡

دعاء….بوجع ايوه يا عبدالله بنكسر كلامك وايوه هنقف معاها لاخر يوم في عمري وجه الوقت يا عبدالله اللي تطاوع قلبك مره في حياتك وتبطل تمشي وراء غضبك سنين وانا بنحاول نخليك تسمع صوتها انت وامي وابويا وكلكم كنتوا رافضين كنت بنسمعها بتتوجع عشان بس تسمع صوتكم وتطمن عليكم وانتوا مفيش فايده غضبكم متملك منكم

نبيله….بإرتباك عبدالله طلع مراتك فوق 🥺

دعاء….لا يا اما مش هنطلعوا وسامحيني لو هنكسروا كلامك لأول مره انا طول عمري بنقولك حاضر وطيب ونعم بس جه الوقت اللي نقولك اسمعيني لو مره واحده يا أما الوش اللي انتي مصدراه ده مش وشك الحقيقي وانا اكتر واحده معشراكي ونعرفوا قلبك عامل ازاي ده انا مشوفتش في حنيتك علي خلق الله كلهم ازاي تقوي قلبك علي بنتك

نبيله…..بوجع قولتلك مش بنتييييي

دعاء….لا بنتك🥺 ده انا اكتر واحده شاهده علي دموعك اللي كانت بتغرق وشك كنتي بتحاولي تخبيها عني ديماً عشان منحسش ان دره لسه فارقه معاكي بس هي فارقه و انتي عارفه يا بلبله انها فارقه

وانت يا عبدالله تحب نقولك كام مره لمحتك بتتسمع عليا وانا بنكلم دره ومكنتش بنرضي نحسسك اني شيفاك تحب نقولك كام مره دخلت عليك وانت ماسك صورتها في ايدك وبتكلمها كأنها سمعاك🥺

تحب نقولك كام مره كنت بنتحايل عليك تكلمها وانت تقول لأ وعينك بتقولي انك بتكدب ونفسك تسمع صوتها🥺💔

وانت يا ابا تحب نقولك ان من يوم ما دره مشيت كام حاجه فيك اتبدلت ضحكتك اللي مبقتش من القلب نظره عينك اللي كلها وجع ومطفيه دايماً

وحجات كتير اوي لو فضلنا نعد فيها مش هنخلصوا من حقكم تزعلوا وتغضبوا لكن كل ده ليه حد معين المفروض يخلص اول ما تشوفوا دره قصادكم حضن واحد منكم لبعض قادر يدوب جبال الغضب اللي بنيتوها سد في وشها دره راجعه وهي ملهاش غيركم هتسيبوها تمشي هتسيب اختك وبناتها يا عبدالله دي غابت عشرين سنه
تفتكر هتعرف تتعامل هي وبناتها وتتأقلم بعد عشرين سنه بسهوله كده

هتقدري يا أما تسبيهم ينزلوا في نص الليل والدنيا بتشتي وهما مش عارفين يروحوا فين ويجوا منين🥺💔

عبدالله….بإرتباك وتوتر بعد ما كلام دعاء اثر فيه انتي هتسكتي ولا تحبي تروحي معاها