ابن ليل

دره….يابنات يلا أصحوا الطياره وصلت وبينادوا علي الركاب عشان يتحركوا

قاموا البنات بتعب وبدأوا يتحركوا.

ديما….كده خلاص رايحين مصر

اتقبض قلب دره بمجرد ما تخيلت المواجهه اللي كل شويه بتقرب اكتر

ابتسمت ابتسامه هاديه نسبياً وهزت راسها.

دره…..إن شاء الله يا بنات خلاص فات وقت طويل مبقاش فاضل غير كام ساعه و ترتاحوا انا عارفه ان انتوا تعبتوا اوي

دارين….بتردد مامي ااا

دره….شكلك عابزه تقولي حاجه يا دارين صح ؟

دارين….لا لا خلاص مفيش

دره…أسالي يا دارين قولي كنتي عايزه ايه

دارين….يعني يا مامي انا مش حابه أسالك أي سؤال يضايقك بس بصراحه محتاجه أسالك سؤال

دره….قولي ياروحي انا مستحيل اضايق من اي سؤال منكم

دارين….يعني هو أحنا لما نوصل إن شاء الله طنط دعاء هتكون موجوده في شقه جدو تحت🥺

دره….بإستفسار هي قالتلي هتكون موجوده بس ليه السؤال ده؟

دارين…..مفيش بس يعني انا شايفه ان وجودها مع حضرتك هيكون أفضل عشان متبقيش لوحدك🥺

دره…..قربت ايدها من خدها بحنان اطمني يا روحي وبلاش الخوف اللي انا شيفاه عيونك انتي واخواتك ده انا قولتلكم امي وابويا واخويا مهما كان غضبهم مني مستحيل يكون قلبهم قاسي ولو فرضنا ان قلبهم قسي عليا لما يشوفكم معايا مستحيل قلبهم ميلينش وانا واثقه انهم هيفرحوا بيكم اوي حتي لو مبينوش ده في الاول بس انا عارفه وشايفه اللي جوه قلبهم من قبل ما اشوفهم ولو علي دعاء اطمني يا ستي هي قالتلي هتفضل تحت معاهم وكده كده انا هبقي معاها عالموبايل اول ما نوصل هعرفها ولو مش تحت هتنزلنا أطمنتي❣️

ابتسمت دارين وهزت راسها بحب❣️

دره….يلا بينا بقي قبل الزحمه دي

دارين…يلا بينا.

طلعوا علي الطياره وبعد حوالي نص ساعه بدأت الطياره تتحرك إلي ارض الوطن.

………..

اما في أسكنديه علي الساعه اتنين صباحاً كان الفرح خلاص بيخلص اغلب الناس مشيت وخلاص هيزفوا العريس والعروسه انسحب بكر والشباب بعد ما باركو تاني لسمير

بكر……ايه يلا نطلع

هيما…..اطلع انت يا بكر شويه ونيجي وراك

بكر…. علي فين يا صايع منك ليه🤨

هيما….ياعم هنروحوا البحر شويه ونرجع

بكر….الوقت ؟ انتوا مش شايفين الجو عامل ازاي

محمد….ما تطلع يا بكر بقي هنتمشوا شويه ونجيب اكل ونرجع

بكر….طيب انا بنقولكم اهو لو اتأخرتوا أمكم مش هتسمي عليكم 🙄