ابن ليل

السواق بإبتسامه….المحلات اتغيرت واتغير نشاطها خلال العشرين سنه دول الف مره اكيد البقاله دي مبقتش موجوده

دره….مش عارفه بس انا عارفه الشارع بتاعنا اكيد متغيرش اوي يعني

دارين…..مامي طيب كلمي طنط دعاء هي تديله العنوان

دره….بسعاده هو ده الشارع بتاعنا

السواق….متأكده؟

دره….ايوه بصت بسعاده علي يافطه إعلان محطوطه باسم زكريا الجمال وشاورت عليه زكريا الجمال ده ابويا ودي محلاته

السواق….تمام هدخل الشارع

بمجرد ما دخل السواق الشارع بالعربيه قلبها فضل يدق بسرعه رهيبه وهي بتبص علي كل شبر في المكان يمكن الشكل اتغير بس كل حاجه في مكانها زي ما هي البيوت والقهوه والمحلات بتاعت والدها وبتاعت رفاعي

دره….البيت هناك اهو 🥺❣️

السواق….بإبتسامه حمد الله علي سلامتكم.

دره….الله يسلمك يارب دارين صحي اخواتك يلا

دارين….حاضر ديما دانه يلا اصحوا

دانه…..بنعاس وصلنا🥱؟

دارين….ايوه يلا اصحي

مسكت دره الموبايل رنت علي دعاء جرس وبعدين قفلت

اول ما رنت علي دعاء حست دعاء ان قلبها وقع في رجلها وبسرعه خبطت حسن في ايده

بصلها حسن و هزلها راسه بمعني في ايه

دعاء…..بهمس شفايف وصلوا تحت🥺

قام حسن بهدوء راح علي البلكونه لمح العربيه واقفه تحت ودره والبنات واقفين والسواق بينزل الشنط

دخل تاني بسرعه وراح علي المطبخ.

حسن….امي ايه اكياس الزباله دي كلها مخرجتيهاش ليه.

دعاء…..نسيت يا حسن كنت هخرجها

حسن….طيب خليكي انا هخرجهم

مسك حسن كام كيس وراح فتح الباب وخرج ورد الباب وراه حاجه بسيطه

وبعدين نزل بسرعه علي تحت كانت دره حاسبت السواق ومشي اول ما شافت حسن أبتسمت بحب

دره…..حسن❣️

حسن….بإبتسامه نورتي مصر يا عمتي

دره….تعالا يا ولا في حضني🥺

قرب منها حسن شدته دره لحضنها بحب

دره…..ماشاء الله مكنتش اعرف انك اطول مني كده

حسن….بإبتسامه طالع لابويا بقي

دره…..تعالوا يا بنات سلموا علي ابن خالكم حسن دول بقي يا حسن بناتي  دارين الكبيره و دانه وديما توأم

مدلهم حسن ايده وسلم عليهم

حسن……يلا اطلعوا انا نزلت اخد منكم الشنط لما عرفت انكم وصلتوا قولت اني هنرمي الزباله وخلعت منهم

دره….حد عرف حاجه

حسن….لا مفيش غير انا وامي بس يلا تعالو

وقفت دره ثواني و خدت نفس طويل

حسن…..مالك وقفتي ليه يلا متقلقيش انا وامي معاكي