ابن ليل

دعاء كانت قاعده بره معاهم وعامله موبايلخا سايلنت ومسكاه في ايدها اول ما رن من رقم غريب بسرعه عرفت انها دره قامت بهدوء راحت علي المطبخ وفتحت الخط

دعاء….بصوت واطي الوو

دره…..دعاء انا دره

دعاء….فينك كل ده قلقتيني عليكي

دره….لسه واصلين من شويه يا دوب خلصنا الاجراءات وخدنا الشنط والوقت انا راكبه وجايه

دعاء…..بتوتر واضح توصلوا بالسلامه يارب انا مستنياكم

دره…..هما صاحين ولا نايمين

دعاء….لا صاحين ابوكي وعبدالله بيلعبوا طاوله وانا قاعده مع بلبله

دره….طيب تمام مش هتأخر عليكم

دعاء…..ماشي يا حبيبتي

دره….دعاء

دعاء….نعم يادره

دره….اوعي تطلعي خليكي معايا

دعاء….اطلع فين مستنياكي طبعاً متخافيش

دره……ماشي يا حبيبتي شويه وهبقي عندكم اول ما ابقي تحت البيت هرن عليكي واقفل

دعاء….بإذن الله يلا سلام🥺

دره….سلام.

قفلت دعاء معاها وبعدين راحت فتحت المايه عشان تغسل وشها كانت عايزه تهدأ بأي طريقه بعدين خرجت بهدوء خدت مفاتيح عبدالله بتاعت الشقه بهدوء وخبتهم خافت يخلص لعب ويقولها يلا كانت عايزه تضيع وقت بأي طريقه.

راحت قعدت جنب نبيله بهدوء حسن كان بيكلم سماح علي الواتس ومبتسم اول ما شافها رجعت بصلها وهز راسه بمعني ايه الاخبار

دعاء بهدوء همس بشفايفها….وصلوا وفي الطريق.

هز حسن راسه وابتسم عشان يطمنها

الدقايق كانت بتمر علي دعاء كأنها سنين حاسه انها تقيله اما دره كل ما العربيه تقرب تحس ان الوقت بيجري

علي قد ما هي خايفه من اللقاء ده علي قد ما هما واحشينها جداً وبتحلم باليوم اللي تترمي فيه فحضنهم.

كانت باصه من الشباك بتتفرج علي الطريق مخرجه راسها بره بتشم ريحه البحر واليوم اللي أفتقدته بشده

السواق بإبتسامه…..واضح ان اسكنديه وحشتك

دره…وهي مغمضه عينها ومبتسمه ومبسوطه بالهواء فوق ما تتخيل

السواق…..بقالك كتير مسافره؟

دره….عشرين سنه

السواق….ياااااه ده عمر اسكندريه اتغيرت خالص مش زي زمان

دره…..من ناحية اتغيرت فا هي اتغيرت لدرجه اني ناسيه كل الشوارع بس كمان لسه حلوه زي ماهي

السواق….طبعاً هو في احلي من اسكندريه حمد الله علي سلامتكم احنا تقريباً وصلنا المكان بس قوليلي بقي الشارع فين

بصت دره وهي حاسه انها تايهه ومش عارفه حاجه

دره…..الشوارع اتغيرت اوي كان في بقاله علي ناصيه الشارع بتاعنا