ابن ليل

دعاء…..عارفه انه مكانش ذنبك وكل اللي بتقوليه ده انا عرفاه وصدقيني مكنتش نقصد نزعلك ونوجعك بس كان لازم تعرفي عشان تدي العذر لكرم لحد ما يتعود علي وجودك شويه 🥺

كملوا كلامهم مع بعض وشويه ونزلت دعاء وسابتها

دخلت دره علي اوضتها وقفلت عليها الباب وفضلت تعيط طول الليل لحد ما نامت.
……………

في صباح يوم جديد قامت دره حضرت الفطار كانت ساكته خالص وباين عليها الحزن.

دارين….مامي اساعدك في حاجه انا خرجت كل الاطباق خلاص

دره….لا روحي انتي يا دارين انا جايه وراكي خلاص

دارين….اوك يا مامي

شويه واتجمعوا علي السفره ياكلوا

دانه….مامي احنا هننزل امته

دره…..هو ممكن يا بنات نأجل مشوارنا ده لبكره معلش

دارين….اكيد يا مامي

دانه…..ممكن طبعاً بس ليه حضرتك تعبانه

دره….مش تعب بس مصدعه اوي تقريبا تغيير المكان وفرق التوقيت مع تعب السفر مش مخليني مظبوطه لسه.

ديما….خلاص ننزل بكره عادي يا مامي

ابتسمت دره ليهم بحب وكملوا فطار.

………….

نزلت مها من البيت عشان تشتري شويه طلبات من السوق

كانت ماشيه حزينه وعلي غير العاده ساكته وبتفكر في اليوم اللي هتتقابل عينها مع عين دره 💔

وفجأه لمحت في وشها سونه ماشيه هي كمان ساكته وباين علي عينها الحزن وعلي غير العاده مش حاطه مكياچ

بسرعه استعادت مها قوتها ورسمت الابتسامه علي وشها🤨

مها……الله عروسه المولد تابت ولا ايه ؟

سونه….بتنهيده بصتلها اطلعي من راسي يا مها مليش خلق نتعارك معاكي عالصبح.

مها…..مش بعاده يعني ولا اااااه صحيح هتجيبي الخلق منين بعد ما عَرفتي ان اللي ما تتسمي رَجعت وبعد ما عَرفتي ان صاحبتك دعاء اللي كنتي حاطه راسك براسها ضحكت عليكي 🤨

بصتلها سونه وسكتت💔

مها….ايه ادَتك الصابونه يابت وفضلت تنيم فيكي لحد ما اتفقت مع اللي ما تتسمي انها ترجع ومش بعيد تحاول تقربها من كرم ومش بعيد كرم يسامحها عشان بيحبها😉

سونه…..مهاااا اطلعي من نافوخي انا بنقولك اهو انا شياطين الدنيا بتلعب في نافوخي بمفك انتي جايه يا اختي تحرقي في دمي ولا ما صدقتي يابت تمسكيني من ايدي اللي بتوجعني🥺

مها….ايووووه وانا قولت ايه بس انا بنفطمك وبنوعيكي وبنفتح عينك علي السوسه اللي كنتي راميه روحك في حضنها عشان تكيديني انتي وهي مش كده يابت واهي باعتك في لحظه وكانت عارفه ان السنيوره راجعه