ابن ليل

بس السبب الاساسي اللي مخلانيش اقف قصاد يوسف ودينا والسبب اللي مخبياه جوايا حتي عن بناتي يا دعاء

هو اني خفت🥺💔

دعاء….خوفتي من ايه يا دره ده انتي الحق كله كان معاكي اكيد كنتي هتاخدي حقك

دره….انا مخوفتش اني مقدرش اخد حقي كملت بانهيار انا خفت منهم هما يا دعاء خفت يعملوا فينا حاجه قولت لنفسي اكيد مش للدرجادي مستحيل توصل معاهم للاذيه بس لما افتكرت كلامهم مكانش قدامي غير اني اخاف

لما جوزي اللي نمت في حضنه عشرين سنه حبيبي اللي عاديت الكل بسببه
ياخد مني كل حاجه بملكها ويخليني بهدومي لما يتجوز عليا صاحبتي لما اكتشف ان صاحبتي دي هي شريكته بدالي لما اسمع دينا بودني بتقول ان البنات مش هيفضلوا  وهو يوافق بعد ما كانوا حته من روحه حصل ايه عشان توافقها علي كل حاجه بالشكل ده

ازاي قدرت تقسيك علي ولادك بلاش انا
يوسف عامل زي المغيب يا دعاء مش عارفه الفلوس والمكانه اللي بقي فيها والطموح ضيعوا عقله ولا دينا ماسكه عليه حاجه مخلياه يقول حاضر وطيب ونعم صدقيني خوفت اعمل حاجه اندم عليها بعد كده خوفت دينا تأذي البنات ويتأذيني قررت اني اسيب كل حاجه

في ستين داهيه الفلوس وكل حاجه في مقابل اني اخد بناتي في حضني وارجع بيهم علي بلدي🥺

دعاء…..فهماكي بس كمان يا دره بما انك جيتي لو ينفع تعملي كل ده وانتي بعيد عنهم اوعي تترددي تسييي حقك ابداً لو ينفع ترفعي عليهم قضيه متسكتيش

دره….ينفع چاك المستشار القانوني بتاعي وكان ماسك كل شغلي هناك كان عايز يرفع قضيه بس لنا اللي منعته واكيد لو طلبت منه يكمل بتوكيل مني هينفع

دعاء….يبقي تعملي كده يا دره

دره….خايفه البنات يزعلوا خصوصا اني واثقه حتي بعد ما عرفوا اللي يوسف عمله هما لسه زعلانين ومتأثرين وبيحبوا

دعاء….بيحبوا عشان ابوهم بس ده حقك يا دره واكيد هما مش هيرضيهم تسيبي حقك وتقبلي كل اللي حصل فيكي ده بناتك مبقوش صغيرين واكيد فاهمين كل حاجه ولو فرضنا انهم هيزعلوا منك يزعلوا لو هونتي علي بناتك يبقي ميستاهلوكيش يا دره وانا بيتهيألي ان مهما كان حبهم لأبوهم عمرك ما هتهوني عليهم

دره….هشوف يا دعاء انا بس مستنيه نستقر اكتر واشوف دراستهم هيحصل فيها ايه وبعد كده هشوف هتصرف ازاي.

دعاء….خير يا حبيبتي اهم حاجه أنك رَجعتي وسطنا وسواء حقك رَجع او مرَجعش كفايه ان انتي والبنات بخير كل حاجه بعد كده تهون و تتصلح واوعي تزعلي او تبكي عليهم انتي تستاهلي احسن حاجه في الدنيا وخساره فيهم صدقيني قولي الحمد لله