ابن ليل

كل حاجه حلوه كان عايش عشانها راحت في يوم وليله من بين ايده

اللي كان بيحبها  وباعته وصاحبه اللي وقف معاه و شال بداله مصيبته وهو يروح بنفسه يجوزها لغيره وحتي حلمه انه يبقي دكتور راح 🥺💔

انتي جيتي وناويتي تقعدي وسطنا وعشان كده تبعدي خالص عن كرم وعن اي احتكاك بيه اللي هو فيه كفايه عليه ولو عمل ايه معاكي تبلعي الظلط 😡

عشان الضرب في الميت حراااام انتي ظلمتي كرم وجه الوقت تبلعي اي ظلم هيظلمهولك

دره….بوجع نزلت دموعها ظلمته انا ظلمته ليه يا امي ليه من زمان مش قادره تفهميني ليه مصممه ان انا اللي ظالمه يمكن انا اتوجعت لما عرفت من دعاء امبارح ان كرم لحد اليوم ده متجوزش ويمكن كمان اتوجعت اكتر لما عرفت انه مقدرش يكمل حلمه الحلم اللي انا فرحت بيه وحبيت نعمل زيه من كتر ما هو خلاني احبه اتصدمت اكتر من اللي بسمعه الوقت كرم مكانش قاتل واتسجن ظلم كل ده وجع قلبي اكتر ما هو موجوع وفجأه بقيت بشيل ذنب كرم ووجعه وبحطه علي وجعي لحد ما قلبي خلااااص هينفجر

قامت وقفت وبصت لهم بوجع

دره….كام مره قولتهالكم زمان انا مش بحب كرم كام مره قولتلكم ان كرم بعتبره اخويا الكبير وزيه زي عبدالله

كام مره قولتلكم اني بحب غيره ومش قادره اشوف كرم حبيبي🥺💔

بس انت يا بابا عملت ايه وانتي يا امي وانت يا اخووووويا

قولتوا اني مكتوبه علي اسم كرم من يوم ما جيت الدنيا قولتوا انكم عشره عمر والبت للواد 💔

خطبتوني ليه وقولتوا انكم من زمان قرأتوا فتحتي انا وهو

طب هو قدر يحبني ويتعلق بيا بس انا معرفتش اعمل ايييييه

انا كنت بسمعكم بتقولوا كده مكنتش بفهم كنت عيله ولما بقيت في اعدادي كنت بفرح لاني بردوا كنت عيله وعايزه تعمل نفسها كبرت وبتتخطب🥺

بس لما دخلت ثانوي حبيت بجد مقدرتش عمري اشوف الحب اللي حبيته ليوسف زي حب كرم .

حب كرم كان حب اخوه وجيره وعشره

مكدبتش علي اي حد فيكم وخبيت مشاعري قولتلكم مش شيفاه غير اخ عبدالله قال مستحيل يروح يقول كده لكرم وانتي مقدرتيش يا امي وحتي انت با بابا قولت مش هتقف في الموقف ده مع عم رفاعي قولتلكم انا هقول لكرم هقول لنجوي هقول لمها براحه وهي تفهمهم رفضتوووا كنتوا عايزين تجبروني علي جوازي منه ولا انكم تقفوا قدامهم وتقولوا الصراحه

قولت لنجوي اني مش قادره اكمل مع كرم شيفاه اخويا قالتلي لو بجد مش عايزه هتكلم انا مع امك قولتلها اتكلمي ولما جات تكلمك قولتلها ده دلع بنااااات سيبك منها كنتي بتحبي كرم اكتر مني يا امي لحد ما خلتيني مش طيقاه  من غير ما يعملي اي حاجه  🥺💔💔