ابن ليل

انا مكدبتش عليكم وكنت صريحه مكنتش قادره البس دبلته وانا بحب غيره كان صعبان عليا ومصعبش عليكم انتوا لوا بتحبوه بجد كنتوا منعتوا كل ده يحصل كان زمانه متجوز ومخلف وفاتح بيت واحسن دكتور في الدنيا زي ما كان بيحلمممم🥺💔

لو كنت قدرت تفهمني يا اخويا مكنتش اتعاركت معايا ونزلت طلعته علي خالد ابن منصور ومكانش كرم شال الليله بداااالك

بس ازااااي ابويا وابوه قرأوا فتحتنا زي بتوع زماااااان خطبتونا لبعض عشان بتحبوا بعض وعايزين تتمسكوا ببعض اكتر بإرتباطنا احنا

طيب اتبسطوااااا بقي💔 بسبب علاقتكم اللي كنتوا عايزين تقوها اكتر بأرتباطنا  اللي اجبرتوني عليها علاقتكم انتوا كلكم باظت.

انت خسرت صاحب عمرك وانتي يا امي خسرتي امه اللي كانت احن عليكي من اخواتك 💔

وانت يا بابا خسرت صاحبك وعشره عمرك اللي اتربيتوا مع بعض من وانتوا صغيرين وانا خسرت صاحبتي واختي

كل ده ليه عشان لااااازم البت للواد💔

لو كرم شايل هموم ووجع الدنيا كلها في قلبه فا ده يبقي بسببكم انتوا مش بسببي انا لو كرم اتظلم في حياته

فا اتظلم منكم انتوا مش مني انااااا🥺

انا مش عابزه اي حد في الدنيا يقولي انتي ظلمتي كرم عشان كرم ده في يوم كان هو واخته حته من قلبي💔🥺

سابتهم دره وطلعو جري علي شقتها

دارين…..مامي🙄

سابتهم دره ودخلت قفلت علي نفسها الباب وفضلت تعيط بانهيار واخيرا قدرت تقول اللي اتحوش في قلبها عشرين سنه

وسابتهم تحت كل واحد فيهم قاعد باصص في الارض والوجع باين علي ملامحهم💔

وللحديث بقيه…….