ابن ليل

وجه عليه وقت والشغل فتح منه علي الاخر وبدأت اساهده في حجات كتير لان هو كان ديما يحب يفهمني كل حاجه بتمشي ازاي كنت بسأله ليه بتعلمني وبتبقي مصمم اني افهم وانا مش بشتغل معاك كان يرد عليا ويقولي عشان لو جرالي حاجه تقدري تديري الشركه بدالي وتقدري تحافظي علي الشغل وفلوس ولادنا كنت بضايق من كلامه بس من جوايا كنت بفرح انه بيحاول يأمني انا والولاد لو جراله حاجه وفي يوم الموظف الاداري اللي كان ماسك شغل الشركه كله اتوفي وقتها يوسف كان مضايق وهيتجنن لان في الوقت ده يوسف كان بيفتح فرع تاني للشركه في ولايه تانيه هتحتاج منه تعب ومجهود وسفر فا لما حصل كده قرر انه يوقف كل حاجه لان الشركه الاساسيه مفيش حد يديرها

مقدرتش اشوفه في الحيره دي واقف ساكته عرضت عليه وقتها ان انا انزل واشتغل مكان الموظف باعتباري فاهمه كل كبيره وصغيره في الشركه

دعاء….طيب وشغلك

دره …قولتله اني هاخد سنه بدون مرتب في الاول رفض وقالي ازاي تسيبي شغلك اللي بتحبيه انا علمتك عشان لو انا جرالي حاجه وكنتي مضطره تبقي فاهمه لكن تسيبي شغلك الوقت مستحيل فضلت وراه اكتر من اسبوع لحد ما وافق وفعلاً خدت اجازه سنه  وبعد كده سنه جابت التانيه والتالته وطبعاً انا هنا بتكلم عن اخر تلات سنين قبل ما اسيب يوسف كان وقتها البنات كبروا في خلال الثلاث سنين دول وقفنا الشركتين علي رجلهم وقدر يوسف يلاقي حد يمسك الشركه الجديده وكان بيروح ويجي علي الشركتين وانا معاه

دعاء….طيب ولما هو كان بيحبك بالشكل ده وواضح من كلامك انه كان حد كويس ايه اللي حصل لكل ده

دره….بوجع🥺💔 يمكن دخلت في حياتنا الشخص الغلط واللي هي دينا اللي كنت بحكيلك عنها دينا اول معرفتي بيها كانت في البدايه خالص اول ما سافرنا بباها كان دكتور في الجامعه كنت متفوقه في الماده بتاعته هو مصري وكان بيحبني جداً وقرر انه يعزمني انا ويوسف عندهم ووقتها اتعرفت علي دينا و في اخر سنه ليا هو اتنقل في جامعه في ولايه تانيه بس انا وديما كنا بقينا صحاب وكنت بكلمها ديما اتخرجت وكنت بزورهم ديما انا ويوسف لان والدها كان ليه عليا فضل كبير في دراستي. لما اتجوزت انا ويوسف كان وقتها عندي 19 سنه كنت خدت اول سنه جامعه هنا في مصر سافرنا في الاجازه في البدايه كنا مقررين نروح ايطاليا روحنا فعلا بس قعدنا شهر وقرر يوسف اننا نتنقل علي امريكا ومن اول ما وصلنا قدر يخلص كل ورقي فا دخلت سنه تانيه وانا حاسه ان كل حاجه جديده عليا كنت خايفه بس والد دينا مسابنيش وتقريباً عاد معايا اللي بيدرسوه من سنه اولي لانه بيكمل معانا في باقي السنين فا قدرت اتخطي كل ده بسهوله وقفته معايا فرقت كتير عشان كده الراجل ده انا كنت بحبه وبتحرمه جداً