ابن ليل

دعاء…..طيب وازاي دينا دي عملت كده وازاي ابوها سمحلها تعمل كده لما هو محترم بالشكل ده

دره…..لا ماهو حصل حجات كتير كل اللي بحكيه ده كان في البدايه هما وقتهم كانوا في نفس الولايه معايا لحد ما ولدت دارين وديما ودانه كانوا لسه موجودين دينا مقدرش انكر انها كانت حد.كويس جدا هي كمان ساعدتني مع يوسف في الوقت اللي مكانش بيبقي فيه موجود مكانتش بتسيبني في الامتحانات يوسف كان بيبقي في الشغل كانت هي بتيجي تقعد مع البنات والمساعده بتاعتهم او بوديهم عندها

كنت بحبها وكانت بتحبني عمري مل شوفت منها حاجه وحشه وفي اخر سنه ليا في الجامعه حصل النقل لوالدها فا اضطروا انهم يمشوا من الولايه مامتها كمان كانت ست جميله هي امريكيه بس كانت طيبه وبتحب الناس

اتأثرت شويه لما بعدوا عننا بس كنت دينا علي تواصل بيهم لحد ما في وقت دينا اختفت مش بترد خالص عليا ولا عارفه اوصلها بعد حوالي اسبوع قدرت اوصلها وعرفت ان بباها ومامتها عملوا حادثه وماتوا سافرت انا ويوسف علي طول وفضلت معاها يومين كانت حالتها صعبه وفضلت كده سنه بحالها مش بتخرج مش بتتكلم كتير كانت لسه تحت تأثير الصدمه بس علي قد ما بقدر مكنتش بسيبها انا ويوسف لحد ما بدأت بالتدريج تخرج من حالتها دي وفضلنا صحاب هي تزورني وانا ازورها

حاولت كتير اقنعها ترجع تعيش في نفس الولايه بتاعتنا من تاني لحد ما اقتنعت وجات عاشت جنبنا وبدأت تشتغل في كذا حاجه طبعاً هي ورثت كتير اوي من والدها بس كانت خايفه تجازف بالفلوس فا قررت تشتغل في كذا حاجه كانت اتخطبت لدكتور كان زميلي وكان سوري فضلت معاه سنتين بس مقدرتش تكمل قالت انهم مش متوافقين في خلال الفتره دي كنت حاسه ان دينا غريبه مشكتش فيها عمري بس صدمتها في موت بباها ومامتها غيرتها كتير وكل ده كان عادي عمري ما حسيت بأي حاجه غريبه

بس اللي اكتشفته موخراً ان الشركه اللي فتحها يوسف من ثلاث سنين كان نفس توقيت جوازهم هي وقتها قالت هتسافر وترجع محطتش في بالي هي من بوم ما اهلها اتوفوا وهي كانت ديما تسافر يعني كا تضيع وقت تسليه سياحه سواء بره البلد او في ولايات امريكا ووقتها يوسف سافر عشان يبدأ شغل مكنتش اعرف اي حاجه محدش فيهم ظهر عليه حاجه تخليني اشك

بالعكس دينا وقتها رجعت زي الاول واحسن وقدرت تتخطي كل الحزن اللي كانت فيه وقتها انا كنت مبسوطه جدا بالتغيير ده و معرفش ان هي وهو اتجوزوا ولحد انهارده يا دعاء مش قادره اعرف ازاي وليه وامته قدرت دينا تتغير معايا بالشكل ده ازاي رت تغير يوسف من ناحيتي انا والولاد ليه مكتفتش بيه زوجه تانيه من غير ما اعرف زي ما كانت ليه قررت تخرب بيتي ازاي قدرت تقسي قلب يوسف بالشكل ده وهي كمان ازاي اتحولت بالشكل ده 🥺 دينا كانت بتحب البنات لدرجه متتخيليهاش هي تقريبا ربتهم معايا ازاي هانوا عليها وازاي قدرت ان شرط من شروطها البنات ميكملوش مع يوسف🥺💔 كل ما افكر في كل اللي حصل ده احس اني هتجنن مش قادره الاقي تفسير لكل ده حب يوسف ودعمه ووقوفه جنبي ازاي يتحول بالشكل ده دينا اللي مكنتش بحس بالامان انا وولادي غير معاها ازاي تقسي بالشكل ده كانت ممكن تكتفي بجوازها من يوسف بس ازاي تقرر انها تاخده وتاخد كل حاجه بملكها وازاي قدرت تبعده عن ولاده وهو راضي