لقاء كارثي

لقاء كارثي أميره أسامه صاحبة البطل الواحد . البارت المئه 166. ............................... في وجع ملوش اسم وجع أكبر من البكا وأقسى من الفقد نفسه وجع بيبدأ أول ما تقف قدام ميت لأول مرة في حياتك ... فجأة بتحس إن الدنيا كلها سكتت الأصوات بتبعد والكون كله حوالين منك بيهدى بشكل يخوف لدرجة إنك تقدر تسمع دقات قلبك وهي بتترعش جوا صدرك. ودانك كأن حد ضغط عليها وأنفاسك بتبقى تقيلة وجسمك كله يبرد برودة غريبة مش برد الجو دي برودة الخوف وبرودة الصدمة وبرودة إنك واقف قدام حقيقة محدش بيقدر يهرب منها. وريحة المكان ريحة ملهاش شبيه ريحة الميه و الكافور والصابون و المسك والعود ريحة الموت اللي مفيش كلام يقدر يوصفها. كلمة (النهاية) طول عمرنا بنسمعها لكن في المكان ده بتتشم كلمه ليها ريحة واضحة تقيلة باردة ريحة بتقول إن صاحبها كان هنا من شوية وكان بيتكلم ويضحك ويتنفس ودلوقتي بقى ذكرى. وهنا بتفهم إن النهاية مش مجرد كلمة بتتقال النهاية ليها ريحة والريحة دي اللي بيشمها عمره ما بينساها. تقف تايه مش عارف إيدك تحطها فين ولا تبص على إيه ولا تعمل إيه تلف بعينيك حواليك كأنك بتدور على حاجة ضاعت منك رغم إنك مش عارف إيه هي يمكن بتدور على معجزة على نفس يرجع على حركة بسيطة على أي حاجة تقولك إن ده كابوس وهتفوق منه. بس الحقيقة بتفضل واقفة قدامك في صمت مرعب. والقلب القلب وقتها بيتعصر حرفياً بيتعصر. بتحس بوجع حقيقي جوا صدرك كأن حد قابض عليه بإيده ومش راضي يسيبه. وساعتها بتصرخ تصرخ لدرجة إن صوتك يوجعك وإن نفسك ينقطع وإن دموعك تنشف ومع كل ده تحس إن لسه جواك صرخة أكبر أوجع أعمق صرخة لو خرجت يمكن تهد الجبال ويمكن برضه متكفيش. بعض الأوجاع مفيهاش راحة. وبعض الفقد أكبر من إن الدموع تشيله. وبعض اللحظات بتقسم عمرك لنصين عمر قبل ما تقف قدام الميت وعمر تاني بعد اللحظة دي لأن الإنسان بعد وقفته الأولى أمام الموت عمره ما بيرجع نفس الشخص تاني. و اللحظه دي هي لحظه الوقوف علي غُسل ميت... ...................... عدت الساعات بتقل فظيع علي الجميع عشري خلص مع احمد واخواته التصاريح الخاصه بالدفن و علي الساعه تسعه راح عشري هو واخواته الصحه التابعه للمستشفي بعد ما الدكتور كتب اخطار باسباب الوفاه و طلعوا علي صحه تابعه للمستشفي ختموها و عملوا استخراج لشهادات الوفاه و رجعوا تاني.. وليد كمان رجع هو والشباب بعد ما جهزوا المدفن والمكان الخارجي قدامه ... شويه و بقي يوصل تاني كل اللي مشي و اللون الاسود بقي مكتسح المكان بشكل يخنق الروح.. طبعا كانت ساعات صعبه اوي بتعدي علي نعيمه والبنات و الموجودين حاولوا كتير يخلوها تنام بس مكانتش بترضي و شويه تتعب من نفسها من كتر العياط و الحاله اللي كانت فيها تغمض و ترجع تصحي تاني وهي منهاره الجسم اشتكي من التعب لكن العقل كان رافض يصدق.. رهف و نغم كانوا قاعدين جنب تقي واخدينها في حضنهم نغم كان باين عليها التعب جداً و الحزن البنات كانوا قاعدين كلهم جنب نعيمه وساندين علي كتف بعض كان في حاله من الارهاق الغير طبيعي صداع رهيب عيون ورمت من كتر العياط تكسير في الجسم فظيع سكوت تام و مع كل صحوه لنعيمه تنهار فيها هما كنان ينهاروا معاها.. ليله كانت تعبانه وتعبانه جدا تعب فوق قدرتها مغص رهيب اسفل البطن و واصل لاسفل الضهر و الحوض حتي رجليها مكانتش قادره تقف عليها.. كانت حاسه ان الرحم بيتعصر بقوه و عمال الالم ينزل ويضغط علي العوض كان في سكاكين وجع غريب مش قادره تتحملوا كل شويه تروح تغير و كل شويه تاخد مسكن مبتلحقش ترتاح نص ساعه و مع ذلك كانت بتحاول تتحمل جسمها كان ساقع وشها شاحب حاسه انها مش موزونه خالص بس لسه عندها قدره تعافر مع الالم.. وطبعاً كل اللي شايف ملامحها و حالتها متخيل ان ده بس من حزنها اكيد كانت حزينه و يمكن وجعها كان عندها قدره تتحملوا لان وجع قلبها كان اقوي بس الدم اللي عماله تفقده كان مخلي ملتمحها باينه بشكل ملحوظ وده اترجم من الكل انه بس حزن.. حتي ايمي و عشري اللي بيحسوا بيها من عينها مقدروش يكتفوا ان ليله شبه بتموت جنبهم لان الظرف اللي كان حاصل مبخايش دماغهم تروح لبعيد كده الكل كان حزين و تعبان و ملامحه باهته زيها فا كان صعب الاكتشاف رحاب كانت متبعاها و رايحه حايه وراها و كل شويه تشربها عصير وليله مش قادره بس كانت بتسمع كلامها عشان خايفه تتكلم.. ليله من عادتها لما بتتعب او لما بتزعل مبتحبش تتكلم او تتواصل مع اي حد و يمكن حالتها موقفتش لحد هنا بس في خلال الساعات دي بدأ الكل ينزل منشورات علي حساباته الخاصه باعلان وفاة عادل ونجلاء.. نزلت ليله بوست علي حسابها الشخصي بوست إنا لله وإنا إليه راجعون. بقلوب مؤمنه أنعى وفاة والد ووالدة أختي وصديقة عمري ((نعيمه)) اللذين انتقلا إلى رحمة الله تعالى إثر حادث أليم. اللهم ارحمهما واغفر لهما واجعل مثواهما الجنة و اربط على قلب ابنتيهما وأهلهم جميعاً وارجوا الدعاء الي اشقائها ستقام صلاة الجنازة بعد صلاة الضهر من مسجد الثوره مصر الجديده والدفن في مقابر صلاح سالم ايمي والبنات خدوا نفس البوست وبدأوا ينزلوا علي كل اكونتاتهم الشخصيه و اكونتات شغلهم المطعم و جروب نادين ايه نزلته في بيدچ الشغل بتاعها سلمي نزلت كمان وقبلها اتصلت ايمي بعصام مدير المطعم قالتلوا الخبر و طلبت منه ميفتحش و يعمل حداد ثلاث ايام مدفوع الاجر وطبعاً الخبر بقي ينتشر و الناس عماله تتواصل و اللي يكلم نعيمه و طبعا مكانتش في حاله نفسيه تسمحلها انها ترد بقت ليله ترد و هي مش قادره والبنات يردوا كل معارفهم و كل الناس اللي بتتعامل معاهم في شغل العقارات حتي اهل نعيمه من بعيد بقوا يتصلوا ويعرفوا اصحاب نادر ونسمه عرفوا الخبر بس مكانش معاهم رقم نعيمه لكن عرفوا المكان.... تقي كمان صحابها المشتركين بينها وبين نسمه عرفوا كانت منهاره وهي بتكلم صحابها وعرفتهم كل حاجه الشباب كمان بدأوا ينزلوا فضل نزل نفس الخبر بس غير في الكلام بقلوب مؤمنة بقضاء الله وقدره، أنعى أنا وأسرتي المغفور لهما بإذن الله: الاستاذ عادل و حرمه السيده نجلاء والدي خطيبتي اللذين انتقلا إلى رحمة الله تعالى إثر حادث أليم نسأل الله أن يتغمدهما بواسع رحمته وأن يرزقهما الفردوس الأعلى من الجنة وأن يلهم أبناءهما وأهلهما وذويهما الصبر والسلوان ويشفي مصابهم.. وكتب مكان الصلاه و الجنازه وبقوا الشباب يشيروا هما كمان نفس الخبر مصطفي كمان نزل الخبر و لتاني مره بسبب منشور مصطفي يبقوا ترند لتاني مره مصطفي كام بقاله يومين ترند مصر بسبب فرح ميدو ونادين و كان لسه الكل مركز معاه و مع كل اكونتاته الشخصيه فكان طبيعي اول ما ينزل بوست يكون متشاف... و خلال ساعات زي ما مصر كلها شاركت فرحتهم شاركوهم حزنهم كمان بعناوين تقطع القلب... كأن الفرح الذي عم البلاد لم يكد يكتمل حتى خيم الحزن على من كانوا جزءاً منه.. بين ضجة الفرح وصمت الفقد أيام قليلة فقط.. الفرح الذي أضاء البلاظ انطفأ فجأة بالحزن.. وكأن الفرح لم يكتمل وكأن القدر أراد أن يذكرنا أن ما بين الضحكة والبكاء لحظات لا تُقاس. كانت كلها عناوين حزينه اتفاعل معاها المتابعين و مكانش حد فاهم في البدايه مين مات ؟؟ اهل العريس والعروسه ولا مين ؟؟ المتابعين بقوا يسالوا يدعوا بحزن عندهم نفس الصدمه من غير ما يعرفوهم بس فكره انهم كانوا مشاركينهم الفرحه من يومين صدمت الجميع.. و الحقيقه ان انتشار الخبر زود الاتصالات جدا علي الجميع الناس كانوا فاكرين ان اللي مات اهل نادين فكان بيوصلها اتصالات كتير و طبعا الكل نزل الخبر و ساب الموبايل و محدش خد باله ان الخبر بينتشر و مصر بتشاركهم الحزن و لما بدأ كام حد يلاحظ مكانش حد فيهم عارف بسبب بوست مين الخبر انتشر لان من يوم ما مصطفي بقي ترند هما كمان بقوا ترند صفحهم واكونتاتهم كانت بتزيد اللي عارفهم بيعمل منشن اللي مش عارفهم المطعم والكافيهات و كل معارفهم فا العين كانت عليهم كلهم و الخبر انتشر اسرع من ترند الفرح و الحقيقه ان مصطفي كأن فرحة غيره و حزن غيره كانوا رزق ليه واسع من غير ما يحس اللي كان عنده فضول وقت ترند الفرح و بيدخل صفحته بقي اضعاف بعد انتشار الخبر لان بقي في تعاطف و فضول يعرفوا ازاي وليه و امته و الاهم من كل ده ان تصوير الناس وقت وقوع الحادث و نشرهم لمنظر العربيه و كسر حواجز الكوبري انتشرت و بقي خبر في الصحافه عن حادثه اليمه بالتزامن مع نشرهم هما للخبر بقت الناس عندها صدمه ان دول اصحاب الفرح اللي كان ترند فا الحزن كان صعب ومرعب علي الجميع.. وبقوا ينزلوا الاخبار عليها صوره نادين و ميدو علي الفلاي بورد جنب صوره الحادثه فكان الموضوع صعب.. لكن محدش فيهم اهتم بأي ترند و لا كان فيهم دماغ اصلا و اللي كان مخلي مصطفي مرتاح شويه ان هو ميتفهمش غلط لتاني مره ان صور الحادثه انتشرت قبل ما هو يشير البوست من اخواته هو شير زي ما الكل شير مكتبش حتي حاجه تبين ان اللي ماتوا دول كانوا من يومين بيفرحوا ... ................ اتجمع الكل من تاني في المستشفي كل واحد فيهم كان حابب يساعد نعيمه و مش مجرد اثبات حضور لا هما بجد كانوا بيساعدوا ومهتمين من قلبهم صعبانه عليهم و زعلانين علي نجلاء و عادل و قلقانين معاها علي نسمه ونادر.. ميدو و مصطفي راحوا جابوا بسرعه الأكفان و رجعوا تاني و خلاص بقوا جاهزين للغسل و لكن قبل ما يتم الغسل نعيمه مكانش في كلمه علي لسانها غير اشوف اخواتي اطمن عليهم لازم اشوفهم قبل الغسل و فعلا اتكلموا مع الدكتور و خدها فضل و ليله و سليم كمان راح معاهم راحوا علي الرعايه و كان ممنوع يدخلوا جوه غرف الرعايه لان حالتهم كانت حرجه ولسه معدوش ساعات الخطر فا وقفوا من بره يبصوا عليهم و منظهر كان اصعب بكتير مما تخيلت نعيمه و بقت منهاره اكتر نادر كان نايم خارج من بوئه انبوب تنفس متوصل بجهاز عمال بيصدر صوت بانتظام ملفوف علي راسه شاش رجله فيها جبس جسمه متوصل باسلاك كتير وحواليه اجهزه قلب و ضغط و محاليل متعلقه غير الكدمات و التورم اللي كان باين علي ملامحه نسمه كانت حالتها نفس حالته تقريبا لكن اخف نفس جهاز التنفس و الاجهزه الكتير اللي متوصله بيها و الكدمات و كتفها اللي متثبت بسبب الكسر. منظرهم اصلا و الانبوبه دي خارجه و بوئهم مفتوح كان صعب و مرعب يظهر مدي سوء حالتهم فضل بص لليله بصدمه من المنظر ليله كانت مصدومه و كل اللي جه في بالها دعوه خارجه من قلبها من غير ما تنطق انهم يقوموا بالسلامه و يريح قلب نعيمه.. سليم كان واخد نفس الصدمه سند راسه علي الزجاج و هي عينه كلها دموع و منطقش نعيمه......بدموع فيكم ايه يا حبايبي والنبي حصلكم ايه نادر قوم عشان خاطر اختك قوم متسبنيش واقفه لوحدي من غيرك عشان خاطري والله ما هقدر قوموا انتوا كنتوا فرحانين اوي الصبح يا حبايبي عشان خاطري متعملوش فيا كده كفايه عليا ماما وبابا قوم يا حبيبي والنبي طيب مين هيشيل امك وابوك يا نادر بالله عليك قوم و ما توجع قلبي يارب كده كتير اوي والله عليا طيب هما سابونا ومشيوا اوعوا انتوا كمان تسيبوني اول مره احس اني محتجالك اوي كده يا نادر والله اول مره يا حبيبي احس اني مش عارفه اتصرف لوحدي ضهري اتكسر يا نادر قوم عشاني والنبي طيب لو مش هتقوم انت ونسمه اوعدوني تبقوا بخير اوعدوني محدش فيكم يسيبني ويكمل علي اللي باقي مني هو اصلا مش باقي مني حاجه بس لو قومتوا والله العظيم هبقي احسن شويه غصب عني يا حبايبي والله مش قادره اعمل ده من غيركم ولا احرمكم انكم تشوفوهم لاخر مره بس لازم ده يحصل متزعلوش مني والله مش بأيدي انا نفسي تبقوا جنبي اصلا انا مش عقدر اقف لوحدي بس مينفعش ابهدلهم ولا اسيبهم الثلاجه برد عليهم اوي والله غصب عني متزعلوش مني و سامحوني انا بس جايه اقولكم انهم هيمشوا خلاص سكتت ثواني وهي منهاره ورجعت بصتلهم وكملن ماشيين و اكيد كان نفسهم تبقوا جنبهم عشان تطمنوهم بس مفيش وقت يا حبايبي حقكم عليا و عشان خاطري قوموا نادر خلي بالك من اختك و هي هتخلي بالها منك انا والله مش هتاخر عليكم بس وحياة غلاوتي عندكم ما حد فيكم انتوا كمان يغفلني لحد ما ارجع والله هموت فيها شدها فضل لحضنه وفضلت تعيط فضل....بس بس يا قلبي كفايه عشان خاطري والله العظيم هيبقوا بخير وكويسين نعيمه.....كويسين ايه بس دول مفيهمش حاجه سليمه يا فضل هيروحوا مني والله ليله......نعيمه متقوليش كده وادعيلهم عشان خاطري فات كذا ساعه من وقت ما خرجوا من العمليات والحمد لله مفيش مضاعفات او اي حاجه خطر والله العظيم هيقوموا ويبقوا زي الفل متخافيش عليهم نعيمه.....بدموع هيبقوا كويسين صح ليله....بوجع و حزن فظيع هيبقوا كويسين والله يا نوني نعيمه.....هموت من غيرهم يا ليله ليله...بوجع ضمتها لا يا عمري محدش هيموت تاني خلاص ادعيلهم انتي بس كتير ماشي خليكي قويه نعيمه....مش قااااادره ليله.....لا هتقدري مش انتي واقفه قدامي اهو كويسه قدام قادره تقفي تبقي قويه و اقوي حد في الدنيا كمان مش انتي بتحبيهم نعيمه....ااووووي ليله... خلاص لو بجد بتحبيهم اثبتي اقفي علي رجلك واهدي و خافظي علي نفسك عشان لماي قوموا هيحتاجوكي اكتر بكتير ما انتي محجتالهم ويلا سيبيهم يرتاحوا يا قلبي و خلينا نروح نخلص اللي ورانا و نرجعلهم تاني مش يمكن حالتهم تبقي احسن بكتير لما نرجع فضل....نوني يلا حبيبتي خلينا نخلص الوقت بيجري لازم نلحق نمشي قبل صلاه الضهر بصتلهم تاني وهي جواها كلام كتير مش راضي يطلع كانها بتتمني من ربنا يحفظهم لحد ما ترجع خدها فضل براحه ومشيوا خطوات بطيئه حطت ليله كفها علي كاف سليم ليله....سليم يلا يا حبيبي هتبقي كويسه والله اجمد عشانها علي فكره ده اكتر وقت نسمه محتجالك فيه سليم...بتنهيده كلها وجع مسج دموعه بكفه وبص لليله هتقوم صح؟ ليله...بحزن ابتسمت بهدوء هتقوم والله وهتبقي بخير متخافش و بعدين انت عارف ربنا كويس خلي ثقتك فيه كبيره سليم..... بخنقه ثقتي فيه كبيره اوي والله بس مجاش في بالي ابدا اتحط في اختبار زي ده عقلي هيقف يا ليله نسمه كان بقالها كذا يوم كأنها بتودعني يمكن قلقت شويه من كلامها بس قولت عادي نسمه حساسه شويه و اي مشاعر سواء فرح او حزن بتأثر عليها شويه تقولي عيزاك مبسوط حتي لو انا مش موجوده شويه تفكر في مصاحف واذكار وتقولي صدقه جاريه مكنتش متخيل انها بجد بتودعني ليله.....متقولش كده والنبي و بعدين بتودعك ايه بس ماهي بخير اهي و بعدين هي طلبت منك حتي لو مش موجوده تكون مبسوط وده مش معناه انها تبقي مش موجوه خالص يمكن هي كانت مش عيزاك تزعل لو جرالها حاجه وهي حاليا محتاجه انك تكون اقوي عشانها و ادعيلها يا سليم يمكن الصدقه اللي كانت حابه تعملها دي هي سبب نجاتها متوقفش دعاء يا سليم والله العظيم لا خزن ولا وجع ولا دموع هينفعوا الوقت مش بيقولوا الدعاء بيغير القدر ادعي و غير قدرها هي واخوها نسمه بتحبك وبتثق فيك جدا متخذلهاش بعدم دعاك ليها واوعي تفقدثقتك في ربنا هتبقي بخير و هنفرح بخروجها هي ونادر و الكابوس اللي كلنا فيه ده اكيد هنفوق منه قريب بس عشان ده يحصل لازم كلنا نبقي جامدين و نقوي بعض ماشي يا حبيبي مسح دموعه وهز راسه بهدوء ليله...يلا تعالي هنرجعلهم تاني بص سليم علي نسمه و بص علي نادر و بعدين خرج مع ليله قرب عشري منهم هما الاتنين و من غير اي كلمه خدهم في حضنه ثواني وبعدين بعد وبص لسليم عشري.....اصلب طولك عشانها لو بجد بتحبها اقف مع تختها واكرم ابوها وامها عشان لما تقوم هي واخوها يعرفوا ان كان وراهم رجاله مفهوم هز سلبم راسه بهدوء طبطب عشري علي كتفه وسابهم سليم ومشي كام خطوه عشري..... انتي كويسه ؟ ليله....بشبح ابتسامه بسيط الحمد لله هما هيدخلوا امته عشري....المفروض داخلين خلاص بيجهزوا تقريبا بيفصلوهم عن بعض عشان كل واحد يكون في مكان وقت الغسل غمضت ليله عينها ثواني بوجع وبعدين هزت راسها ليله....طيب تعالي نشوفهم راحوا عليهم نعيمه كانت بتعيط في حضن زوزو و ايمي ومنهاره عشان اخواتها والبنات حواليهم دموعهم نازله و بيحاولوا يهدوا فيها دقايق و جالهم اتنين ممرضات بلغوهم ان المكان بتاع الغسل جاهز.. و وقفوا يتفقوا مين هيدخل الغسل مع نعيمه لانها بنتهم و هي اللي ليها الحق تشوف مين يدخل وليد....نعيمه حبيبتي انا اسف والله اني هسالك سؤال زي ده بس انتي بنتهم وحقك تقولي مين يقف علي غسلهم ومين لا حطت ايدها علي وشها و هي منهاره بتتسأل اسئله اصعب من الحجر علي قلبها اميمه....قولي يا نور عيني دي امانه وانتي الوقت مسؤوله عنها افتكري لو قالوا قدامك و وصوكي مين يقف عليهم ومين يغسل و مين يساعد ليله....نعيمه مش شرط يكونوا رفضوا دخول حد عليهم بس لو انتي عايزه خد معين يدخل معاهم و الباقي يستني قولي عادي نعيمه....بوجع وانهيار امي وابويا كانوا بيحبوا الكل و عمرهم ما قالوا محدش يقف عليهم امي بتحبكم كلكم و ابويا كمان اللي حابب يدخل ويساعد يدخل بس اللي هيدخل مع ابويا بالله عليكم استروه و اعملوا كل حاجه نادر لو كان موجود كان عملها هو ملهوش غيرنا خليكم حنينين عليه و براحه عليه والنبي كفايه اللي هو فيه ابويا مكانش بيحب المايه البارده بالله عليكم كفايه عليه الثلاجه.. انهارت ايمي وخدتها في حضنها انهارت هي كمان معاها فضل بعد عينه ودموعه كانت نازله والكل واقف دموعه نازله من كلامها حنان....لا حول ولا قوه الا بالله يارب امينه...يارب ريح قلبها يارب نعيمه...بعدت عن ايمي و مسحت دموعها و بقي عندها جزء بسيط من القوه او اصطناع القوه يلا متتأخروش عليه عيزاه يبقي حلو اكتر ماهو حلو يا وليد حماده و حمودي خليكم جنب ابويا و اي حد من الشباب حابب يدخل يدخل هو ملهوش غير نادر و انتوا الوقت بداله اميمه...طيب يلا خلينا احنا نروح وهما يتفقوا مع بعض براحتهم راحوا البنات كلهم معاها قدام غرقه الغسل محدش كان راضي يسيب نعيمه و وقفت اميمه وبصت تاني لنعيمه اميمه...نعيمه يا نور عيني انا عارفه انك معندكيش مانع الكل يدخل بس احنا عددنا كبير شوفي حابه مين يكون معاكي نجود....ادخلي يا اميمه مع نعيمه والبنات و حبايبها احنا هنقف هنا كلنا العدد كبير و حرام كل ده يدخل اميمه...لا والله مش قصدي يا نجود نجود...عارفه والله بس حقيقي عددنا كبير اوي احنا بس هنقفلكم هنا عشان لو احتاجتوا حاجه وعشان نبقي قريبين من نعيمه نعيمه....بوجع ادخلي يا جوجو معانا انتي وامونه امي كانت بتحبكم اوي زوزو كمان وحنون ادخلوا لامي هي مكانش عندها اخوات اخواتها ماتوا و كانت بتعتبركم اخواتها و حبيتكم اوي و عشان تساعدوا اميمه وقمر في غسلها ليله....بوجع واضح ايمي انتي و ايه و نادين وامنيه خليكم مش هتقدروا اميمي...بعدت ليله عنها و هي دموعها مش بتقف وسعي مش هسيبها غمضت ليله عينها و هزت راسها شمال وبمين عارفه ان ايمي مش هتسكت امينه.....ايمي لياه معاها حق يابتي انتي لساتك تعبانه هليكي هنا ايمي.....انا قولت مش هسيب نعيمه نعيمه....خليكي يا ايمي عشان خاطري والنبي كفايه عليا اللي انا فيه ايمي.....حطي لسانك في بوئك قولت هدخل ليله.....طيب خليكي انتي يا ايه و نادين انا عارفه انكم مش هتقدروا واللي مش قادر ميدخلش ماشي تقي....بدموع والنبي خلوني ادخل اشوفها والله دي كانت امي و كنت بحبها اوي و النبي خليني ادخل يا نعيمه نعيمه.... بدموع و عياط فظيع مدتلها ايدها ودخلوا كلهم و الباقي فضل بره اللي دخل مع نعيمه ايمي و ليله و سلمي ونادين وايه مرضيوش يسيبوها رغم ان التلاته كانوا بيتنفضوا و اميمه وقمر و مها مرات وليد وتقي نجود وامينه و حنان و ماريز بمجرد ما دخلوا و شافوا منظر السرير بتاع الغسل و هي حنان نايمه و متغطيه بالابيض الكل اتخطف قلبه كان منظر صعب صعب ضعب وبمجرد ما نادين شافت المنظر هي والبنات كانوا واقفين منهارين خصوصا لما لمحوا نادين قربت منها ضمت راسها و نامت علي صدرها نادين.....بدموع وخوف مسكت في سلمي لا لا والنبي لا شوفوها طيب يمكن عايشه والنبي والنبي لا كله بصلها علي حاله الانهيار اللي كانت فيها سلمي.....بدموع اخرجي يا نادين مش هتقدري ايه اخرجي انتي كمان معاها والنبي هتتعبي والله هزت ايه راسها وهي بتعيط بلأ قربت حنان منها ضمتها كانت بتترعش حنان...نادين اخرجي يا ماما مش هتقدري تقفي قربت منها ليله بسرعه و مسكت ايدها ليله....تعالي بره مش هتقدري نادين....شوفها يا ليله والنبي الاول ليله....بلا يا نادين يلا ايه تعالي معاها ايه...بدموع لا مش هخرج انا هسكت والله مسكت ليله نادين من أيدها وفتحت الباب شيرين كانت واقفه هي و كل البنات و ريهام و امنيه و نغم ورهف ليله....شيرين متدخلش تاني خلوها معاكم ضمتها ريهام بسرعه كانت منهاره ومش قادره تقف علي رجليها شيرين....بس يا ماما بس يا حبيبتي دخلت تاني ليله وقفلت الباب ليله....بهمس اللي فيكم انتوا الثلاثه مش قادره تقف تخرج سلمي....لا انا تمام هساعدكم ايه....والله ما هتكلم هفضل واقفه هنا تقي....وانا كمان هقف والله مش هعمل حاجه بصتلهم بحزن وراحت قربت من اميمه بهدوء وهمستلها وهي مرعوبه تقولها حرام لانها مش هتقدر تسيب نعيمه ليله....اميمه عايزه اسالك سؤال اميمه... مسحت دموعها قولي يا نور عيني ليله.....بهمس و دموع انا عندي البريود حرام اقف علي نجلاء اوعي تقولي اه والنبي مش هقدر اسيب نعيمه اميمه....لا يا حبيبتي مش حرام لا الحائض ولا اللي في نفاس ولا حتي اللي علي جنابه مفيش نص او حديث منع او حرم وقوف حائض او علي جنابه او عليها دن نفاس علي ميت لما امك ماتت كانت عندي الدوره و يومها سالت نفس السؤال لاحمد قالي نفس الكلام و غسلت امك بايدي و بعدها كنت خايفه اتاكدت بنفسي وسألت اكتر من شيخ الحائض طاهره عادي و حتي اللي علي جنابه المسلم لا ينجس لا ميت ولا حي يا حبيبتي متقلقيش تقدري تقفي وتشاركي كمان في غسلها و تكفينها ليله....طيب الحمد لله اميمه...يلا تعالي قربوا منهم نجود كانت واقفه جنب نعيمه حاطه ايدها علي ضهرها تطبطب عليها و دموعها نازله وايمي جنبها بتموت نجود...قومي يا قلبي قومي وسيبها حرام يا نعيمه نعيمه...بدموع سابتني خلاص يا جوجو اسيبها ازاي بس ايمي.....اهدي يا نعيمه اهدي واجمدي حبيبتي عشان تقدري تقفي معانا واحده من المسؤولين عن الغسل وقفت تتكلم مع امينه واميمه بهدوء انا ظبط كل حاجه والنايه وكله جاهز محتاجني غي حاجه ولا اخرج اميمه....شكرا يا حبيبتي اتفضلي انتي لو احتاجتلك هنادي عليكي الست....ربنا يصبركم يارب خرجت وسابتهم اميمه.....يلا يا جماعه اسمعوني كويس كلكم نعيمه بصيلي يا ماما رفعت نعيمه وشها وبصتلها وهي ضايعه اميمه.....بصوت مخنوق وحزن فيظع اللي موجود كله يروح يتوضأ ويرجع واستعينوا بالله واذكروا ربنا وما حدش يرفع صوته الي مش قادر يقف من البنات يخرج احنا مش هنقدر نتلهي معاكم و نسيت اللي محتاجنا اجمدوا واقفوا اللي عايز يساعد يجمد كده مش عايزه صوت او عياط الميت بيتعذب ساد الصمت علي الجميع بحزن فظيع اميمه...يلا اتوضوا الاول عشان نبدأ واحدة واحدة راحت اتوضت و مكانش في غير صوت بسيط للمايه اللي نازله و صوت بكاء بسيط طبعا ماريز كانت واقفه معاهم ولانها مسيحيه مكانش مطالب منها تعمل اي حاجه خالص لكن احتراما للمكان و لعبادتهم غسلت بس وشها و ايدها كويس و شمرت اكمامها ورجعت وقفت وبصت لاميمه بهدوء ماريز....بدموع لما ام حماده ماتت اخر ايامها كانت علاقتي بيها كويسه و كانت بتحبني و انا وقفت علي غسلها و اتقالي انه مش حرام اني اقف و ممكن اساعد يعني اناولكم مايه او اي حاجه تطلبوها اميمه....بهدوء طبطبت علي كتفها عارفه يا زوزو مش حرام يعني بتقفي عادي و ممكن تساعدي لكن الغسل نفسه لازم اللي يقوم بيه يبقي عارفه شروطه كويس ماريز....عارفه انا هقف بس معاكي شوفي عايزه ايه وهساعدك كملت بدموع دي كانت غاليه يا اميمه اوي اميمه....بتاثر فظيع ضمتها اهدي يا زوزو ادعيلها حبيبتي هي اكيد مبسوطه ان كل حبايبها معاها يلا خلينا نبدا قربت اميمه من السرير بعد ما اتوضت بهدوء كشفت وش نجلاء و غمضت عينها بوجع انهارت نعيمه و ايمي و سلمي وايه وتقي حنان....لا اله الا الله امينه....بحزن انا لله وانا اليه راچعون نجود....بدموع يا حبيبه قلبي ربنا يرحمك يارب ويغفرلك يا جميله يا طيبه قربت قمر ومها من البنات يهدوهم قمر....ايه انتي واقفه انتي وهي تهدوها ولا تزودوها عليها اللي فيكم هترفع صوتها هخرجها بالعافيه ايمي....بوجع مش قادره يا قمر قمر.....اهدي واقفي علي رجلك او اخرجي عشان متتعبيش مها.....اجمدوا يا بنات نعيمه محتجالكم بصت اميمه كتير لنجلاء كأنها مستنيه تفتح عينها و تقول إن هي بخير اميمه.... الفاتحه يا جماعه الكل بدأ يقرا الفاتحه نعيمه....بدموع وانهيار والنبي خليهم يشوفوها تاني والله بتضحك و الله ده مش وش واحده ماتت ضمتها امينه و فضلت منهاره نعيمه نعيمه ...والله يا طنط امينه بتضحك امينه....بتطمنك يابنتي بتطمنك انها بخير ادعيلها و اجمدي استري امك و اقفي معاها لاخر مره كملي المطلوب منك يلا يابتي شدي حيلك احنا كلنا معاكي و معاها. ليله....يلا يا قلبي يلا يا نوني تعالي بصي خليكي واقفه هنا متعمليش حاجه خليكي جنبها بس وقفتها ليله قدام راس نجلاء قربت نجود وجابت كرسي نجود...اقعدي يا نعيمه اقعدي حبيبتي جنبها اميمه....يلا عايزه المل هنا بيساعد كانت طيبه وجميله وبتحب وبتساعد الكل كانت مجامله و تعرف تقف مع الكل وجه الوقت اللي نردلها كل ده مش عايزه عياط مش وقته الكل يساعد ليله....بهمس انتي كويسه اميمه...انا زي الفل يلا كله يساعد بدأت اميمه تطلع الحاجه بتاعت الغسل كلها و ترصهم علي تربيزه قريبه قمر ومها جهزوا المايه امينه راحت تظبط الكفن و تجهزوا نجود شمرت كمها هي وزوزو وقربوا من اميمه.. حنان وقفت علي جنب و مسكت المصحف و بدات تقرا قران اتنهدت اميمه بقلب مكسور.. اميمه....يلا احممم بسم الله وعلى ملة رسول الله اللهم اغفر لها وارحمها.. وبدأت اميمه تغسلها و الكل جمد قلبه شويه وبدا يساعد يناول مايه ايه مقدرتش و ققت جنب حنان تعيط و ماسكه في كتفها سلمي وابمي و تقي بقوا ياعدوا اميمه نجود وامينه وماريز و مها وقمر الكل بيساعد و ليله عماله تناول اميمه كل حاجه وهي عينها علي نعيمه اميمه كانت بتسمي مع كل خطوة وتصب المايه. نعيمه...بهمس سندت راسها علي راس نجلاء كده يا نوجا هونت عليكي تعملي فيا كده هونت عليكي يا ماما طيب كنتي عرفيني ان اليوم ده ممكن يجي كنتي قولتيلي هيبقي صعب ازاي اااااه والنبي قومي والله انا هموت من غيرك انتي عارفه اني انا ضعيفه اوي بس انا ضعفت اكتر والله قووومي لو بتحبيني قومي خلينا نروح والنبي يا ماما صحيني يلا من الكابوس ده و النبي خدينا كلنا وامشي اميمه...اركوا الله الجميع...لا اله الا الله اميمه....اذكري الله يا نعيمه وقومي يا ماما من عالكرسي ده يلا يا حبيتي خلينا نخلي امك عروسه و هتبقي عروسه بايدك انتي يلا ساعديني امك هتفرح لو ساعدتيني انتي بصولها نعيمه وهي منهاره وقامت بهدوء قربت اميمه منها المايه اميمه...يلا حطي هنا دي امانه هنوصلها لربنا في احسن حاله صح يا نعيمه هزت راسها بهدوء اميمه...كانت بتحاول تفوقها او تلهيها او تخليها تشارك معاهم بقت تغسل و تحرك فيها شمال ويمين و تسمي وتكبر و تتشاهد و بتغسلها بضمير حبها كان باين من طريقه غسلها قربت من راسها و بدأت تغسل شعرها اميمه...يلا يا نوني يلا يا حبيبتي سرحيها براحه مسكت نعيمه المشط وهي ايدها بتترعش و بدات تسرحها للحظه حست انها بنتها الصغيره مش بس امها وبقت تسرحها بحنان فظيع والبنات شغالين في صمت ودموعهم مش بتقف و عينهم علي نعيمه ليله...بهمس اساعدك نعيمه...بصتلها وابتسمت شعرها جميل صح ليله ....بدموع و ابتسامه هي كلها قمر نعيمه...بدموع هتوحشني يا ليله والله ليله...باستها من كتفها هتوحشنا كلنا بس اوعي تزعليها عشان خاطري كفايه عياط عينك باظت متوجعيهاش عليكي كملت نعيمه تسريح وهي بتعيط انتهت اميمه من الغسل و بدأت تجفف جسمها بهدوء فظيع نشفوا المغسله كويس و غيروا الملايه اللي فوقها لانها كانت غرقانه و بدأت اميمه تحط الكفن و يجيبوها يمين وشمال و ظبطت الكفن وشدته كويس حواليها وسوت طرفه عند رأسها و بدأت تقفل الكفن عليها و سابت بس وشها و بكل هدوء قربت من راسها طبطبت عليها و باستها من جبهتها كانت خلاص اميمه جابت اخرها و الثبات اللي كانت فيه بدأ ينهار و بدأت تتكلم بصوت مسموع الكلام اللي كانت بتقولوا خلت الكل قشعر دموعهم مكانتش بتقف لحظه اميمه....امنوا ورايا اللهم اغفر لها وارحمها وعافها واعف عنها وأكرم نزلها ووسع مدخلها واغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس الجميع....بدموع امين كملت بصوت باكي اميمه...اللهم اجعل قبرها روضة من رياض الجنة ولا تجعله حفرة من حفر النار. الجميع...آمين يا رب العالمين اميمه...اللهم آنس وحشتها في قبرها وثبتها عند السؤال واجعل الملائكة تبشرها برحمتك ورضوانك. الجميع....آمين. اميمه...اللهم إن كانت محسنة فزد في إحسانها وإن كانت مذنبة فتجاوز عن سيئاتها واجعل ما أصابها رفعة لها وسبباً في دخولها جنتك الجميع.....آمين. اميمه...اللهم اجعل أول ليلة لها في قبرها خيراً من كل ليلة عاشتها في الدنيا وافتح لها باباً إلى الجنة يأتيها منه روحها وريحانها. اميمه.....آمين يا أرحم الراحمين قربت من ودنها بهدوء واتكلمت بصوت عالي نسبياً وهنا الكل متحملش اميمه...يا نجلاء يا بنت آدم انتي رايحة دار الحق و إحنا لسه هنا في دار الباطل دار الفناء والتعب والابتلاء. حطت ايدها علي راسها وهي بتعيط انا عارفه انك سمعاني يا حبيبتي وانا بذكرك اميمه....يا نجلاء يا بنت ادم لو سألك الملكان من ربك؟ قولي الله ربي. يا نجلاء يا بنت ادم لو سألك الملكان ما دينك؟ قولي الإسلام ديني كملت بنبره الم ودموع وخنقه وهي سامعه صوت شهقات الكل اميمه....يانجلتء يا بنت ادم لو الملكان من نبيك؟ قولي محمد صلى الله عليه وسلم نبيي ورسولي انتي سبقْتينا لرب كريم. وإحنا لسه منتظرين يومنا كلنا رايحين نفس الطريق انتم السابقون ونحت اللاحقون سامحينا إن قصرنا معاكي و اذكرينا عند رب كريم لا ينسى عباده وربنا يجعل قبرك روضة من رياض الجنة و يبدلك داراً خيراً من دارك و أهلًا خيراً من أهلك و يجمعنا بكي في جنات النعيم يا نجلاء يا بنت حواء وآدم.. مسحت دموعها بهدوء اميمه....يلا قربوا يا بنات ودعوها و ادعولها و طمنوها مسكت العود والمسك و بدأت تطيبها وهي بتدعي اللهم اجعل ريحها ريح الجنة واجعل آخر منزلها خيراً من كل منازل الدنيا." بقت عمالها تحطلها في كل مكان في الكفن و تمشي ايدها بحنيه اللهم كما طيبنا جسدها بالمسك والطيب فطيّب منزلها في قبرها واجعل رائحتها في الجنة أطيب من هذا المسك. خلصت و فضلت تعيط بهدوء وبدأ البنات يقربوا يبوسوها من راسها قبل ما اميمه تغطي وشها.. اميمه...يلا يا حبايبي ودعوها قبل ما اغطي وشها قربت ماريز بهدوء باست راسها وفضلت حاطه راسها علي جبهه نجلاء ماريز ....هتوحشيني يا غاليه هيوحشني كلامك وعشرتك الطيبه يا جميله يا محترمه ربنا يرحمك يا حبيبتي اطمني يا نجلاء ولادك في عيني وقلبي يا حبيبتي طول ما انا فيا نفس هيفضلوا جوه قلبي متخافيش عليهم اطمني هتوحشيني بعدت ماريز و قربت منها حنان باستها نجلاء....في امان الله و رعايته يا حبيتي ربنا يرحمك و ينور قبرك لا اله الا الله اشوفك علي خير كل البنات ايدهم كانت علي وشهم و منهارين و بدات ليله تنهار شويه اكتر من الاول بقت عماله تفقد في ثباتها شويه شويه و اللحظه دي بالاخص كانت صعبه نجود.... بدموع كده يا نوجا كده كنا متفقين بعد ما نجوز العيال نخرج ونروح ونيجي و نقعد مع بعض ضحكتي عليا انتي هتوحشيني اوي نعيمه ونسمه ونادر في عيني متخافيش عليهم دول وسط اهلهم واهلك ربنا يرحم يا غاليه باستها وبعدت كانت منهاره قربت امينه بهدوء طبطبت علي خدها وباستها من جبهتها امينه.....اللهم ارحمها رحمه تغنيها عن كل خلقك في امان الله يا طيبه امانتك امانتها اطمني وارتاحي لا اله الا الله نشوفك علي خير قربت قمر تودعها هي كمان مالت عليها وهي بتعيط جامد قمر.....بدموع مكانش لينا غيرك انتي وزوزو يا نجلاء كده تخلي بينا هتوحشينا اوي والله يارب يرحمك يا حبيبتي و ينور قبرك مها......باستخا وطبطبت علي وشها وابتسمت زي القمر يا نوجا الله اكبر عليكي يا حبيبه قلبي يا غاليه هتوحشني وهيوحشني كلامي معاكي ورغينا بس انا مش زعلانه عشان ربنا ديما بيختار الطيبين وانتي كنتي طيبه وجميله و مطمنه عليكي عشان مع حبيبك يا نوجه متخافيش علي ولادك دول في عيننا في امان الله يا حبيبتي قربت سلمي بهدوء وهي منهار باست راسها و فضلت تعيط شويه وهي حضناها من غير ولا كلمه كانت بتتقطع وافتكرت والدتها مكانش عندها جمله تقولها شويه وبعدت وهي مفحومه في حضن قمر قربت ايه بهدوء و بصتلها و بعدين باستها براحها وهي بتترعش هي كمان مكانش عندها حاجه تقولها بقت تعيط و بتقول حجات بهمس مش مفهومه بس كانت منهاره شدتها حنان بهدوء من عليها وضمتها و فضلت تعيط في حضنها ليله....اميمه نادي نادين تسلم عليها قربت تقي وحضنتها جامد وهي ماسكه فيها وعماله تعيط تقي.....والنبي يا نوجا قومي والنبي ما تعملي فينا كده طب انتي عارفه انا كنت بحبك قد ايه صح انا كنت لعتبرك امي التانيه والله و النبي ما تمشيش عشان خاطري وخاطر نسمه شدتها مها و هي بتعيط حضنتها مها....بس يا قلبي بس حرام متعذبيهاش تقي...هتوحشني اوي واللللله قربت نادين في ايد اميمه وهي بتتعرش و باصه عليها ومرعوبه حنان....تعالي يا حبيتيي ودعيها وادعيلها دعوه حلوه بصت نادين لحنان وبعدين قربت من نجلاء وهي باصه عليها وقفت جنب راسها وبصت للبنات بخوف و بعدين عيطت جامد و قربت منها باستها وانهارت حرفيا نادين.....لا اله الا الله يا نوجا قومي والنبي يا نوجا متعمليش فينا كده انتي مكسرتيش نعيمه بس والله انا كنت بعتبرك امي زي زوزو واميمه والنبي قومي ده انتوا اللي عوضتوني عن حجات كتير اوي انهيار انهيار لحظات مرعبه وصعبه الكل بيعيط علي عياط بعضهم موقف مهيب بجد ماريز مسكت نادين وفضلت وخدها في حضنها اميمه....حبيبتي يا غاليه يا جميله يا محترمه يا احلي واجمل عشره اللهم لا اعتراض بس فراقك وجعني يا نجلاء و مكانش نفسي اشوفك في موقف زي ده بس ده خال الدنيا والله السلام امانه يا غاليه هتوحشيني و هتقطعي بيا اوي ربنا يرحمك وينور قبرك يا ست الكل يا جميله.. طبطبت ليله علي كتف ايمي ايمي....بدموع وللله ما قادره والله مش قادره يا ناس نجود.....بدموع ايمي ايمي مش هينفع كده هتتعبي والله ايمي.....اكتر من كده تعب نجلاء قومي والنبي قولوا ان كل ده حلم يا نجلاء احنا كلنا كنا بنضحك ومبسوطين من يومين مكانش وقته خالص محدش فينا كان مستعد كسرتونا والله العظيم اوي حضنتها جامد وهي منهاره و بعدوها عنها بالعافيه و بعدين قربت ليله منها باستها بكل هدوء من راسها و فضلت تمشي ايدها علي دراعها ليله....بابتسامه هتوحشيني يا نوجا انا عارفه انك مطمنه علي نعيمه و نسمه ونادر طول عمرك بتتكلمي معايا وبنرغي و بتوصيني علي حجات كتير و انا عمري ما هنسي ولا وصيه فيهم ارتاحي انتي ودولا بصتلها بتاثر وبدات تعيط اكتر ليله.....بس كان لسه فيها شويه يا نوجا والله كان لسه في وقت عارفه انه مش بايدك بس ياريت المده طولت شويه امي هتكون جنبك يا نوجا هتخلي بالها منك متخافيش و انتي خلي بالك منها بحبك اوي يا احلي نوجا في الدنيا باستها من راسها و بعدين قامت باست نعيمه من خدها براحه ليله...يلا سلمي عليها عشان اميمه تكمل نعيمه.....فضلت تهز راسها بهدوء وهي بتعيط متاخدوهاش مني يا ليله والنبي سيبوها شويه مش هقدر ليله....مش هناخدها هتفضل لسه معانا شويه متخافيش بس نغطيها عشان حرام عشان ترتاح بعد وقت من الانهيار واللحظات الصعبه والتقياه قدروا يقنعوا نعيمه وياخدوها واميمه قفلت الكفن. ............... اما عند الشباب فا كان الوضع مش احسن حاجه اشترك في تغسيل عادل وليد وحماده واحمد و وقف معاهم الشباب ساعدوهم رشيد مقدرش يدخل كان بيبص عليهم و يشوفهم محتاجين حاجه ويخرج الجو العام للحزن والمستشفي كانوا ضاغطين علي اعصابه جدا خصوصا انه عنده فوبيا من المستشفيات وريحتها حسان فصل معاه هو و اخوات عشرس و اخوات فضل و والده... تامر و حودا و سلبم وفضل و عشري و ميدو وسلامه كلهم كانوا جوه احمد حالته كانت وحشه اوي الفقد بقي بالنسباله صعب شعور الوحده من غير عادل كان صعب بالنسباله هو ملحقش يفوق ان سلمي وايه سابوه.. حماده كان صدمته جايه عليه بسكوت وحزن و دموع كان عامل زي الطفل الفراق كان صعب عليه اوي مكانش قادر يشوف عادل نايم النومه دي و كان تعبان اوي الضغط والسكر و قلبه كله حاجه مكانتش منتظمه احمد كان خايف عليه و مخليه قاعد و هو واقف جنبه طول الوقت الشباب كانوا بيساعدوا وليد في كل حاجه و عسال اكتر حد كان بيساعد لانه فاهم في الغسل و بغد ما خلص كل حاجه الكل ودعه بخزن فظيع و ساب وليد وشه عشان نعيمه تيجي تودعه هي واي حد حابب و قف عشري و الشباب علي جنب اللي ساند و اللي ايده وراء ضهره ولللي مربع عينه وبدأ البنات يدخلوا بهدوء يبوسوا راسه و يخرجوا.. قربت سلمي و ايه في الاول وكانوا اول مره يشوفوا عادل بعد الحادثه وشه كان في جروح كتير و كدمات و صعب جدا الاتنين انهاروا اتصدموا لما شافوا كده احمد وتامر و سلامه وحسام قربوا منهم يهدوهم براحه و صوت همسهم مسموع نسبياً كانوا عايزينهم يسكتوا عشان نعيمه بس عياطهم قطع القلب خلوهم باسوا راسه وخرجوهم بسرعه وبعدين قربت امنيه و نادين هما كمان كانوا منهارين ميدو قرب من نادين و كانت مرعوبه و مقدرتش تقرب خالص و خرجت مع ميدو و هي مش قادره بعدين قربت ايمي وتقي وليد.....تقربي تبوسيه وتخرجي مسمعش صوت عشري.....بهدوء تقي اهدي وبراحه عشان حرام يا حبيبتي قربت وبصت علي وشه و بعدين نامت علي صدره و صوت عياطها بقي عالي جداً عدي بصلها بحزن و مفيش كلام يتقال اصلا حقهم كلهم يبقوا منهارين بالشكل ده لانها مش مجرد موته عاديه دي حادثه و جات فجأه و كلهم متدمرين و عادل لانه كان قدام مع السواق فكان طبيعي يبقي متبهدل بالمنظر ده شدها وليد و هو مدمع و خدها في حضنه وبعدين شاور لعدي يخرجها ايمي فضلت تعيط بهدوء و مسكت بطنها جامد كانت مش قادره ايمي....بهمس يا حبيب قلبي يا حبيب قلبي ايه اللي جرالك بس ربنا يرحمك يارب و الله العظيم هتوحشني حماده.....يلا يا بنتي يلت متعذبيهوش حرام رشيد....يلا يا ايمي خرجها رشيد و قربت ليله مع نعيمه اللي كانت بصاله وهي دموعها نازله وطت ليله باست راسه بهدوء و طبطبت علي كتفه و بعدين بصت لنعيمه ليله....بهمس يلا يا حبيبتي يلا يا قلبي نعيمه....بدموع باست راسها وبعدين لفت ايدها ضمته اوي اوي اوي و هي دموعها مش بتقف بس كانت اهدا شويه و اتكلمت بهمس مسموع ريحتك حلوه اوي يا دولا ريحتك تجنن يا حبيبي هتوحشني اوي يا عمري اااااااه اااااه يا حبيبي فضل.....طبطب علي ضهرها يلا يا قلبي تعالي معايا خرجت معاه بهدوء وسابته و كلهم خرجوا وليد قفل علي وشه هو واحمد و خلصوا كل حاجه.. و بدأوا يجهزوا عشان العربيات بتاعت دفن الموتي هتاخدهم و يطلعوا علي المسجد في الخارج نعيمه....بدموع فضل انا خايفه اسيب اخواتي لوحدهم فضل....مش هيحصل اي حاجه يا قلبي و انا اصلا اديت للدكتور اطتر من رقم لينا و سجلتهم بره في الريسيبشن و عرفتهم اننا راجعين تاني و لو في حاجه انا معرفهم بتصلوا فورا بس الدكتور قالي ان حالتهم احد الوقت مستقره يعني هما بخير سلامه....مش هنتأخر عليهم باذن الله يا نعيمه و هنرجعلهم علي طول متقلقيش نعيمه....بدموع طيب انا هركب مع مين فيهم يا فضل مع امي ولا مع ابويا انا مش عايزه اركب مع حد واسيب حد فضل....متقلقيش يا قلبي العربيه بتاعت المستشفي كبيره الاتنين هيكونوا مع بعض اطمني ضمها في حضنه وباس راسه فضل سانده عليه كانت خلاص مش قادره و بدات تحس ان هي تعبت فا سندت عليه و فضلت في حضنه شويه. و بدأوا هما كلهم يجهزوا و شويه و الشباب شالوا النعشين و خرجوا بيهم علي بره نعيمه كامت منهاره وهي ماشيه وراهم و البنات منهارين بس حواليها و نجود مسكاها من ايدها خرجوا بره طلع عشري و حسان فوق سحبوا معاهم اول نعش و بعدين التاني و نزلوا من الباب و بعدين طلع فضل نعيمه قعدت ايمي....انت هتسيبها اركب معاها فضل.....هركب طبعا يلا روحوا انتوا اركبوا عشري.....سيبي عربيتك هنا و تعالي معايا انا ليله بحزن فظيع وتوهان هزت راسها مسكها عشري من ايدها وراح فتحلها الباب و ركبها عشري.....عمر تعالي انت عربيتك مش معاك في مكان عمر ....لا لا هركب مع ساره متقلقش عشري....طيب لو في حد ملهوش مكان في مكان معايا عمر...اطلع انت بس يلا بدأوا كلهم يركبوا و بعدين اتحركوا فضل....مسك كفها باسه نعيمه خدي يا قلبي المصحف ده اقراي فيه شويه نعيمه مسكت المصحف بهدوء وهي دموعها بتجري و فتحته وبدأت تقرا صوت عربيه الاسعاف وهي ماشيه بيهم خلي قلبها اتقبض و بقت مش قادره توقف عياط وهي بتقرأ و كل شويه تبصلهم و تايهه خالص و قت بسيط و وصلوا عند المسجد ركن الشباب و نزلوا بسرعه شالوا النعشين واتحركوا ايمي.....سلامه سلامه خليك معاهم دخلهم كلهم واطمن علي البنات وتعالي سلامه...طيب طيب يلا فضل سلامه مع البنات و الشباب راحوا بسرعه عالمسجد بدأ البنات كلهم يدخلوا و سلامه واقف مستني يطمن عليهم رحاب كانت واقفه جنب ليله عينها عليها ومش راضيه تسيبها رحاب...بهمس يلا يا ليله متفضليش واقفه كده غلط عليكي ليله....بهمس مش هينفع ادخلي يا رحاب انا بس مستنيه سلامه يمشي رحاب.....بهمس انا مش هسيبك لوحدك و بعدين انتي ممكن تدخلي عادي مش حرام انتي بس مش هتصلي ليله...انا مش عايزه اشيل ذنب يا رحاب رحاب.....ليله والله عادي مش حرام هيبقي حرام لو انتي هتبهدلي المكان لكن انا شايفه انك كويسه الوقت ومش متغرقه و بعدين انا معايا باد تاني لسه في الشنطه خلينا ندخل التويلت و غيري تاني و بعدين مش هتصلي انتي هترتاحي شويه و تقعدي مع نعيمه و وقت الصلاه ارجعي وراء يلا تعالي بس عشان متتعبيش هزت راسها ودخلوا جوه اللي دخل صلي و اللي دخل فضل مع نعيمه اللي منهاره و هي باصه عليهم من فتحات بسيطه بتشوف امها وابوها بدا ناس كتير توصل من معارفهم و من اهل نعيمه من بعيد اصحاب نسمه و اصحاب نادر اللي بيشتغل معاهم و صحابه الشباب كمان وصلوا تحت مع الشباب تمارا و اصحاب تقي و نسمه جم والد و والده رشيد و والد و والده حسان والده رحمه مرات محمود جات و مقدرتش تنسي ان البنات وقفوا مع بنتها يوم فرحها و اهل ازواج اخوات فضل واخوات عشري محدش قصر خالص و الكل جه حتي الشباب ناس كتير من معرفهم واصحابهم جم لما فضل نزل و عشري صحاب سلامه وعسال من المنطقه جم لانهم اتعرفوا عليهم وقت الفرح المسجد كان زحمه جدا كان في ناس كتير اوي بعد وقت بسيط الضهر اذن قاموا كلهم صلوا و بعدت ليله مع ماريز وراء و دتها رحاب بهدوء وبعدين رجعت بسرعه تصلي معاهم ماريز.....بهدوء وهي بتعيط انتي مش هتصلي ليه ليله....بدموع عندي البريود يا زوزو ماريز.....بحزن طبطبت عليها طيب يا حبيبتي شدتها براحه في حضنها نامت ليله علي صدر ماريز و هي دموعها بتنزل بحرقه فظيعه وفضلوا قاعدين شويه والصلاه خلصت و بعدين سمعوا صوت الشيخ بيقول هنصلي صلاة الجنازه كان في صمت فظيع في المسجد مفيش غير صوت بكاء و شهقات و صوت نعيمه كان واصل لحد ماريز وليله ماريز....بدموع ربنا يصبر قلبك يا نعيمه يارب بقوا عمالين يدعوا معاهم لعادل ونجلاء وشويه وخلصت الصلاه سمعت ليله صوت عياط نعيمه فظيع و صوتها واضح راجت عليها بسرعه كانت منهاره و الكل بيهديها وبياخدها في حضنه بصت لليله واتركت في حضنها نعيمه.....خلاص يا ليله خلاص يا ليله هموت يا ليله ليله.....بس بس يا قلبي بس وحياتي عندك و غلاوتهم عندك اهدي نجود...يلا يا حبيبتي لا عشان هيخرجوا خدوها بهدوء علي بره كان الشباب خرجوا بسرعه حطوا النعشين في العربيه و راح كام واحد فيهم يجيب البنات و اهلهم عشان محدش يتوه منهم خدوا الشباب البنات وامهاتهم و ركبوهم العربيات و اطمنوا ان الكل ركب و بعدين اتحركوا وراء وليد علي المدفن نعيمه كانت عامله زي التايهه طول الوقت ماسكه في البنات او في فضل ... وبعد ما خلص الغُسل واتصلى عليهم مكانش فاضل غير أصعب خطوة في الرحلة كلها الطريق للمدافن. الطريق اللي كل دقيقة فيه بتوجع لأن الكل بيبقى عارف إن دي آخر مرة هيكون فيها معاهم وإن بعد شوية مش هيفضل منهم غير الذكرى. العربية بتمشي ببطء والقلوب تقيلة كأنها شايلة جبل محدش عايز الطريق يخلص ومحدش مستعد للحظة اللي هيوصلوا فيها. أصل أول ما يدخلوا المقابر كل حاجة بتبقى حقيقية أوي. ودي كانت صعبه علي نعيمه بالاخص او اللي جرب نفس الطريق اللي كانوا بيكلمونا من شوية ويحضنونا ويبصوا في وشهم بعد دقايق هيبقوا تحت التراب. وده يمكن أصعب إحساس ممكن يعدي على أهل الميت إنهم عارفين إن ده آخر مشوار هيجمعهم بيه وإنهم بعد شوية هيمشوا ويسيبوه هناك ويرجعوا من غيره لأول مرة. الدقايق اللي قبل الدفن بتبقى أقسى من الخبر نفسه لأن الوجع بيكون لسه عنده أمل كداب أمل إنهم لسه موجودين لسه معانا لسه نقدر نبص لهم حتى لو من بعيد.... في طرق كتير بنمشيها في حياتنا لكن مفيش طريق بيوجع زي طريق المقابر لأن بعض الطرق مش بتتاخد بعدد الكيلومترات دي بتتاخد بحجم اللي بتسرقه من قلبك وطريق المقابر بيسرق منك حاجة عمرها ما بترجع بيسرق إحساس الأمان وبيسيب جواك فراغ كبير فراغ مهما عدى عليه سنين عمره ما يتملي وأول ما الأب والأم ياخدهم منك التراب مش هم بس اللي بيتدفنوا لا بيتدفن معاهم عمر كامل وضحكة وبيت وذكريات ونسخة منك انت كمان بنخرج من المقابر بنفس اسمنا ونفس ملامحنا لكن روحنا مش هي هي حاجة جوانا بتكون اتدفنت معاهم وحاجة في قلبنا بتفضل هناك ومبتعرفش ترجع تاني. ................ دخل وليد في الاول بعربيته و وراه عربيه الاسعاف اللي شايله النعشين و فضل ونعيمه اللي راكبين بدأ الشباب و كل الموجود يركنوا عربياتهم و ينزلوا يجروا عشان يلحقوا عشري مسك ايد ليله و بقي يمد بيها عشان يلحقهم وهي مش قادره كأن رجليها خلاص مش شيلاها و الوجع بينشر في بطنها وضهرها و في جواها حاجه بتتعصر ايمي كمان مكانتش قادره عندها تقلصات فظيعه و خبط جامد و وجع رهيب رشيد كان ماسكها وماشي بيها براحه وكل شويه تقف تمسك بطنها كأن عندها طلق ثواني و يمشي وترجع تكمل و هو خايف عليها و في نفس الوقت عارف ان هي مش في حاله كويسه لو قالها اقعدي او ارتاحي او متجيش مش هتسكت فكان ساكت عمال بس يقف معاها ويمسكها ويسندها.. لحد ما وصلوا عند العربه كانوا فاكرين انهم سبقوهم بس نعيمه كانت منهاره و مش راضيه تنزل ولا تنزلهم و عماله تتحايل عليهم يستنوا شويه. فضل....يا حبيبة قلبي يلا وليد...نعيمه حرام يا ماما متعذيبهمش حماده...يا بنتي انزلي وخلي الرجاله ياخدوهم نعيمه...بدموع هيهون عليك بابا يا حماده والنبي سيبوهم شويه حرام عليكم مستخسرين فيا شويه دول هيمشوا العمر كله حماده.... والله ما حد فيهم هيمون يا بنتي بس اكرام الميت دفنه حرام يا نعيمه لو بتحبيهم اكرميهم يا بنتي احمد.....نعيمه نعيمه تعالي انزلي نعيمه....بدموع والنبي يا حمودي سيبوني شويه احمد....يا نعيمه مش هينفع يا بنتي يلا يا ماما يلا استهدي بالله متعذبيهمش حسان.....يلا يلا يا نعيمه فضل يلا نزل عشان ناخد منك فضل...مش عارف يا حسان لازم تنزل وانت شايف ليله.....نعيمه تعالي والنبي طيب بصي هندخل جوه بس و هنفضل معاهم شويه نعيمه.....بدموع هياخدوهم مني يا ليله لو نزلوا ليله...بحزن محدش هياخدهم يا قلبي انزلي بس وخلينا ندخلهم يلا يا قلبي عشري الكبير...انزلي يا بتي هاتي يدك تعالي تعالي معاي نسبقهم بالداخل نزلت نعيمه وخدها عشري الكبير و هو حاطت ايده علي كتفها و ليله ماسكه في ايدها من الناحيه التانيه و دخلوها وراح وراهم البنات بمجرد ما ليله حطت رجلها علي درج المدفن و لمحت مدفن ابوها ومدفن امها مفتوحين حست ان هي داخت وقلبها اتخطف و بدل ما كانت بتسند نعيمه هي اللي مسكتها فيها بسرعه بصتلها نعيمه بسرعه و عرفت ان ليله اتاخدت لما شافت المنظر مسكتها جامد وبصتلها وهي بتعيط بصت ليله علي المدفن وهو مفتوح كانت مبرقه مصدومه مخضوضه روحها بتتسحب منها و بكل تلقائيه حطت ايدها علي رقبتها حست ان في حجر واقف في حلقها البنات كلهم كانوا وراهم المدفن كان كبير و واسع و متجهز وليد جهز كل حاجه فيه اتفتح و اترش مايه و اتحط بره وجوه كراسي و عملهم جزء زي صوان عشان الشمس و حط علي تربيزه كبيره مايه كتير مقصرش.و عمل اكتر من الواجب ثواني و دخل الشباب بسرعه وراء بعض كلهم شايلين النعشين حماده....وسعوا يا بنات وسعوا كلكم بسرعه دخلوا و حطوا كل نعش قدام العين بتاعته و قبل ما يخرجوهم عشان ينزلوا يدفنوا نعيمه بقت تزق فيهم كلهم و مش عايزه حد يقرب منهم و جالها حاله هيستريا عياط وانهيار وصريخ طالع من قلبها و كل اللي طالع عليها نعيمه....سيبوووووهم محدش ياخدهم ابعدوا عنهم رشيد......نعيمه نعييييمه صوات لا نعيمه...محدش ياخدهم مني حرام عليكم محدش حاسس بيا حماده....يا بنتي اهدي حرام كده امينه.....اكرام الميت دفنه يا نعيمه نعيمه....سيبوووووني ابعدوا محدش هينزلهم وليد....نعيمه مش هينفع كده فضل امسكها شويه نعيمه.....حرام عليكم انا مش هشوفهم تاني سيبوهم في حضني خمس دقايق بس والنبي سببوهم دول اخر خمس دقايق انا لسه مش مستعددددددده ابعدواااا سلمي.....بدموع استنوا طيب شويه والنبي سيبوها خمس دقايق الكل كان منهار ومحدش عارف يسكتها و هي عماله تبعد اي حد يقرب منهم احمد......يابنتي حرام مينفعش هي كده بتعذبهم والله عشري....نعيمه طيب خلينا نخلص ومش هنمشي هنفضل قاعدين شويه واقعدي معاهم براحتك نعيمه...مش هنزلهم يا عشري مش هقدر احطهم تحت التراب سيبوني شويه معاهم والنبي والله هموت من غيرهم حسوا بيا يا ناس دول ابويا امي طيب هروح ازاي من غيرهم هشوفهم واكلمهم تاني ازاي و النبي يا فضل والنبي خليهم شويه فضل....بحزن فظيع و عينه كلها حمراء يا نعيمه حرام والله هما كده مش مرتاحين نعيمه...بقهر طيب وانا يا فضل وانا هما ارتاحوا خلاص و ماشين مع بعض انا اللي مش مرتاحه ومش هرتاح تاني و النبي سيبوني ايمي قوليلهم حاجه قوليلهم حاجه يا ليله مسكوها الاتنين و فضلوا يطبطبوا عليها ليله...بدموع ابعدوا شويه خلوها معاهم خمس دقايق وليد....يا ليله يا ليله حرام ليله.....بانفجار كانت محتجاه من بدري خمس دقااااايق حرام تفضل معاهم اخر خمس دقايق سيبوووها بقي ابعدوا عنها وليد....طيب طيب اهدي خلاص نعيمه خمس دقايق بس عشانهم يا قلب اخوكي عشان حرام قربت نعيمه منهم و قعدت وسط النعشين علي ركبها شويه تبص لامها وشويه لابوها نعيمه....بدموع يا امي و النبي متسبنيش اصحي والنبي هياخدوكي مني لو مقومتيش مش هقدر اسيبك والله بصت لابوها بابا بابا قوم انت طيب قوم خليك معايا حد فيكم يفضل ويرجع معايا والنبيييييي مش هقدر اعمل فيكم كده و الله ما قادره قوم بقي مش قادره هموت والله بصت لامها تاني طيب عشان خاطر نسمه ونادر يا ماما بلاش انا هما محتاجينك هقولهم ايه طيب قومي دقيقه قوليلي اعمل معاهم ايه و امشي تاني طيب قومي اديني اخر حضن عشان يقويني شويه والنبي يا ماما فضلت تكلمهم وتعيط و الكل واقف ساكت قرب فضل منها بهمس فضل....نعيمه يا قلبي بصتلوا وهي منهاره نعيمه...مبيردوش عليا يا فضل مبيردوش هيسيبوني يا فضل فضل......نعيمه كفايه و حياة غلاوتهم وغلاوتي عندك خلينا نريحهم يا حبيبتي نعيمه.....مبيردوش يا فضل فضل...مش هيردوا يا نعيمه خلاص يا قلبي اعملي اللي عليكي للاخر يا قلبي خلينا ننزلهم و نكرمهم ماشي يلا يا حبيبتي استغفري و استعيذي بالله من الشيطان و قومي معايا نعيمه....يطب احضنهم واسلم عليهم. والنبي فضل...طيب يا قلبي يلا سلمي عليهم وادعيلهم و طمنيهم قربت نعيمه من نعش ابوها حطت ايدها عليه و مسكت فيه جامد و هي نايمه فوقيه منهاره و بعدين قربت من امها فضلت تبوس فيها نعيمه.....هتوحشوني اوي والله قومها فضل و شاور لامه والبنات بعينه يمسكوها بعيد عشان الشباب يبداوا يطلعوهم وينزلوا بيهم و بمجرد ما شافتهم بيطلعوهم و بينزلوا بيهم بقت تصرخ من قلبها والكل ماسك فيها نعيمه...يا اميييييييييييييييييي ابووووووويا ابوياااااااااا سيبوووووني يا اميييييييييييييييييييييييي البنات بقوا يعيطوا و انهاروا كلهم عمالين ياخدوها في حضنهم و يهدوا فيها كانت بتصوت و بتصرخ صريخ مش طبيعي طالع من قلبها وروحها بجد لحد ما بقت شبه معندهاش صوت صوتها راح و اتجرح و شها كله الشعيات اللي فيه انفجرت بقي وشها كله نقط دم محبوس صرخت بروحها مش بصوتها وليد كان طالع نازل في قبر امه وقبر ابوه و كان باين عليه الصدمه والحزن والوجع خلصوا و طلعوا و بدا العمالي يحطوا الحجاره ويردموا و بقي في شيخ عمالي يطلب منهم يقراوا الفاتحه ويدعوا و يامنوا وراه لمحت ليله وليد منهار في حضن اميمه قربت منه بهدوء و بصتلوا وليد.....بدموع شوفتهم يا ليله شوفت امي وابويا يا ليله بصتلوا ليله بوجع و ضمته وهي دموعها نازله بهدوء ليله....بهمس حقك عليا حقك عليا مكانش لازم تنزل معاهم حقك عليا اميمه.....بدموع الله يرحمهم يارب اهدي يا نور عيني اهدي يا حبيبي ادعيلهم كانت احظات صعبه ومرعبه الكل واقف حزين و اللي منهار و اللي مكسور و موجوع احمد وحماده كان قلبهم بيتقطع و مش قادرين يستوعبوا ان خلاص مبقاش في عادل نفسيتهم كانت وحشه جدا فضلوا يأمنوا وراء الشيخ و قرا قران و كذا حد فيهم بقي يقرا قران و فضلت نعيمه قاعده جنب المدفن علي كرسي معاها قران و بتقرا بقوا داخلين خارجين يرتاحوا بره شويه و الشباب يوزعوا عليهم مايه و شويه مع نعيمه جوه مكانتش راضيه تمشي الوقت.. ديماً بعد اي دفن ميت الكل بيدفن و يبداوا ينسحبوا شويه شويه لحد ما يفضل اهل المتوفي او القريبين اوي لكن مع عادل ونجلاء محدش مشي كان الكل موجود محدش رضي يمشي و يسيب نعيمه محدش كان هاين عليه يمشي بالسرعه دي وجع نعيمه كان كبير و مصيبتها كانت بجد كبيره لكن وجود الكل جنبها و بالشكل ده كان مخلي الوجع اهون او بمعني اصح لما بتلاقي حد ترمي عليه وجعك او تقسم معاه الوجع او حتي تترمي في حضنه بيبقي وجعك اهدأ و بعد مرور حوالي ساعه و بعد اقناع من فضل والبنات لنعيمه وافقت تمشي او بمعني اصح كانت شايفه انها لازم تمشي عشان ترجع لاخواتها وتطمن عليهم.. وقفت دعتلهم كتير و هي دموعها نازله وبعدين خرجت مع فضل وهو مسندها كانت مرهقه وتعبانه وخلاص جسمها اشتكها مجهود وتعب و عياط وانهيار و صدمه و وقفه فصلت والكل فصل معاها وليد كان واقف بره و الشباب وقفوا معاه و حماده واحمد بيسلموا علي الناس معارفهم و اهل نعيمه من بعيد و جيران و اصحاب اخوها و اصحاب نسمه و اصحاب الشباب وليد.....شكر الله سعيكم جميعاً ان شاء الله العزاء هيكون بعد بكره في مسجد الشربتلي في التجمع بامر الله .. الكل سلم وعرف المعاد و المكان و بداوا يمشوا قعدت نعيمه مكانتش قادره تقف وقف فضل جنبها كانت سانده علي وسطه و عماله تسلم علي الناس و دموعها مش بتقف تايهه وضايعه مش بتتكلم بتمد بس ايدها سامعه كلتم كتير من كل اللي بيواسيها و بيطبطب عليها سامعه دعم من صحاب نادر و صحاب نسمه اللي قالوا هيروحوا المسشتفي و بقوا ياخدوا ارقامها البنات و الشباب بياخدوا رقم فضل ورقم سليم عشان بتواصلوا معاهم البنات كمان قعدوا مكانوش قادرين ايمي كانت جايبه اخرها خلاص و تعبانه جدا هي وامنيه ايه كمان مكانتش قادره سلمي ونادين بيقاوموا عشانهم وليله طبعا من بدري وهي بتعافر مع نفسها بس خلاص استسلمت قعدت و سندت راسها علي نادين كانت واقفه قدامها و ماسكه راسه بايدها عماله تحرك ايدها علي راسها فضلت ليله ماسكه نفسها بالعافية بتتحرك من هنا لهنا وكأن جواها طاقة مالهاش آخر. الأدرينالين كان رافعها فوق طاقتها مخلياها صاحيه ومركزه ومش حاسه بأي وجع. تطمن على ده وتجري على ده وتسأل على الكل وكأنها ناسيه نفسها أصلًا او خايفه تسأل تلاقي نفسها محتجالهم في وقت هما كلهم ضايعين فيه وكل ما حد يقولها ترتاح كانت بتهز راسها بلأ وترفض كأن جسمها لسه رافض يصدق إن الضغط عدى. لكن أول ما اتأكدت إن كل اللي حواليها بخير و وقفت مع نعيمه لحد ما وصلت ابوها وامها لمكانهم وإن مفيش حاجة محتجاها تاني علي الاقل الوقت حست بحاجة جواها بتتفك واحدة واحدة. أنفاسها بقت أهدى ورجليها اللي كانت شايله جسمها بالعند والقوه والضغط بدأوا يخذلوها فجأة حست بكل التعب اللي كانت مأجلاه وكل الوجع اللي كانت مخبياه الأدرينالين سكت لأول مرة من وقت الحادثه. بصت حواليها نظرة أخيرة كأنها بتتأكد للمرة الأخيرة إنهم فعلًا بخير وبعدها ارتخت كتافها ببطئ الأدرينالين انسحب من جسمها بهدوء وساب مكانه إرهاق تقيل. ساعتها بس سمحت لنفسها تستسلم استسلمت وهي مطمنه كأنها كانت مستنيه اللحظة دي من أول ما بدأت الحادثه. وديماً فعلا العقل البشري عنده قدره يقاوم تعب و وجع في الصدمه اكتر من اي وقت عادي وقت وقوع الصدمه بيحصل للعقل توقف بتختلف من شخص لاخر في ناس بتبقي مجرد صدمه لحظيه مدتها ثواني وناس دقايق و ناسه ساعه وناس ساعات و ناس تانيه ايام واسابيع وشهور و اثناء الصدمه دي سواء كانت لحظيه او مدتها طويله برضوا بتنقسم الناس لنوعين نوع الصدمه تأثر عليه بالسلب و ميبقاش حتي قادر يقف علي رجله و نوع تاني بيبقي في عنده باور غير طبيعي يقدر يقف و يسند و يشيل و يتعامل و يتحمل مسؤوليه اكتر من العادي.. لكن النوع الاول لما يبدأ يفوق من صدمته اول حاجه بتحصلوا انه بيرجع يقف تاني علي رجله بعد ما كان فاقد كل قوته لكن الشخصي القوي لما بيفوق من صدمته بيضعف لان عقله وقت حدوث الصدمه بيتحمل صدمه قويه وفي نفس الوقت بيكون قوي قوه غير عاديه فا رجوعه تاني من حاله الصدمه دي بيبقي رجوع صعب بيضعف و بيستسلم لانه بيبذل جهد قوي اثناء الصدمه ولما بيرتاح انه قدر يقف كما يجب ان يكون الادرينالين بتاعه بعد ما كان مرتفع جدا بيبدأ ينهار تدريجياً و بيسلم للامر الواقع في ناس ممكن تتعرض لجروح مميته او حتي ضربه رصاص و تقدر تقاوم متحسش بوجع تطمن ان مفيش قلق علي كل اللي حواليها وبمجرد ما تحس ان بقي في معاها حد يشيل ويساعد جسمهم بيبدأ ينهار والعقل يترجم انه مجروح او متصاب و يفقد وعيه و ينهار ممكن حد فيهم يموت وممكن حد يتنقذ علي اخر لحظه.. المقصود ان الشخص القوي بطبيعيته او ديما هو ايد العون لكل اللي حواليه وقت صدمته بيركن كل حاجه علي جنب وده مش بمزاجه هو عقله اللي بيتحكم فيه لكن بعد ما بيطمن ان كل حاجه بخير بيبدأ عقله يرجع و ينبه جسمه انه في خطر فا يستسلم للنهايه.. وده اللي حصل مع ليله بالظبط من اول الحادثه هي خدت الصدمه شويه و مكانتش بتنطق لكن مع اول صرخه لنعيمه بعد معرفتها بخبر موت اهلها صدمتها وصمتها اتحول لباور غير طبيعي جايز هي محبتش تعرض حياتها للخطر بس هي عقلها غاب حقيقي و بدأت تقف تاني علي رجليها وهي شايفه الكل حواليها منهار و بمجرد ما حست ان هي وقفت مع نعيمه لاخر لحظه في مشوار ابوها وامها واطمنت علي البنات كانت خلاص جابت اخرها قامت ليله بهدوء و بعدت عن نادين قربت من عشري ليله....بهمس عشري هات مفتاح العربيه عشري...في حاجه ولا ايه ليله....لا حر هقعد وافتح التكييف لحد ما تخلصوا عشري....طيب يا قلبي امسكي انتي كويسه ولا فيكي ايه ليله....حرانه بس يا عشري عشري.....تمام يا قلبي جاي وراكي علي طول ليله....تمام خدت ليله المفتاح و مشيت بهدوء من غير ما حد يحس بيها ولا رحاب اللي كانت وسط البنات مع نعيمه. الوحيده اللي لمحتها سلمي بس فضلت مكانها فكرت انها رايحه تجيب حاجه او بتعمل حاجه وراجعه وصلت ليله للعربيه بتعب فظيع فتحت و دخلت فتحت التكييف وسندت راسها علي الكرسي وهي مش قادره جسمها جايب عرق من كل حته حاسه ان الباد سربت وبدا الدم ينزل اكتر جسمها بقي في رعشه و شها شاحب وابيض عينها عماله تقفل وهي بتعافر انها متفقدش وعيها خمس دقايق وقربت سلمي من العربيه خبطت علي الشباك فتحت ليله عينها و حركتها بهدوء ناحيه الشباك و حست ان سلمي قدامها بترقص كانها ثلاث نسخ عماله تروح وتيجي حتي الكلام كان خارج من سلمي علي ودن ليله كأنه في فلاتر بتغير الصوت و مش مفهوم سلمي.....ليله انتي ولا ايه سمعاني بصتلها ليله و بقت تعافر تفتح عينها فتحت سلمي الباب بسرعه لأنها حست ان ملامح ليله مش طبيعيه و مش عارفه حتي ترد عليها و منظر عينها كان واضح انها مش تمام فتحت بسرعه وقربت من ليله ضربتها بهدوء علي وشها سلمي... ليله ليله فيكي ايه ؟ مالك يا قلبي حاسه بايه ليله جسمك متلج فيكي ايه ليله....بهمس سلميييي سلمي.....ايه قولي مالك ؟ ليله.....سلمي بهدوء نادي عشري انا بجهض من امبارح برقت سلمي و بصتلها كأنها خدت صدمه قويه و خبطه علي دماغها سلمي....بتقولي ايه انتي ايه ؟ ليله....بجهض يا سلمي بجهض سلمي.....ايييييييييه و في اللحظه دي كانت ليله اخر قوه فيها انهارت و بعد ما ارتاحت ان حد منها عرف سابت نفسها و مالت بهدوء علي صدر سلمي و فقدت الوعي نهائي.. و سلمي بمجرد ما ليله راحت منها بالمنظر ده صرخت صرخه خلت المدافن كلها سمعت بيها و بقي في صدي صوت سلمي.....عشررررررررررري حساااااااان حد يلحقنيييييييي ليلههههههههههههههه محدش فكر لحظه يمكن معرفوش سلمي فيها ايه ولا بتنادي علي مين فيهم بس الكل جري وخرج علي بره و لما لمحوا ليله فاقده وعيها في حضن سلمي بص عشري بصدمه وطار عليهم لدرجه انه بعد سلمي بسرعه من كتفها وخدت ليله في حضنه سلمي......بدموع عشري بسرعه ليله بتقولي انها بتجهض من امبارح الكل بص علي سلمي و بعدين علي عشري و بعدين علي ليله عشري بصلها وبص لليله بقي في حاله ذهول منه ومن البنات الشباب واخواتها و الكل و بصت رحاب بصدمه عليهم و مقدرتش تسكت ايمي....انتي بتقولي ايه ليله مكانتش حامل ؟ سلمي....مش وقته خلونا نلحقها عدلها عشري بسرعه وربط الحزام و رجع الكرسي لوراء رحاب..... بتأثر و دموع في عينها ليله كانت حامل و مرضيتش تعرف اي حد انها بتجهض هي بتجهض من امبارح عشري بصلها عشري بغضب وطار جري ركب العربيه و الكل جري ركب و اتحركوا وراه ايمي و سلمي ركبوا مع عشري وراء و فضلت ايمي ساكته مش بتنطق راكبه بس وراها و حاضنه راسها بايدها وطلعوا بيها بسرعه علي المستشفي عشري كان طاير و كلهم وراه بسرعه و اقرب مستشفي ليهم من نفس الكريق كانت المستشفي اللي فيها اخوات نعيمه. وصل عشري علي هناك ونزل جري فتح الحزام و شالها و اول ما شالها حس ان في مايه بص عالكرسي و علي الارض مكان ما خرجها كان في دم اتصدم و سلمي بقت تصرخ وايمي باصه عالارض بصدمه جري عشري بيها و هما وراء وبدا الشباب يركنوا بسرعه ويدخلوا وراهم دخل عشري و هو بينادي بصوت عالي علي حد يلحقوا عشري....دكتور بسررررررعه مراتي بتجهض وعندها نزييييييييف خدوها منه بسرعه والكل كان في خاله ذهول محدش عارف اصلا امته كانت حامل عشان تجهض.. و بعد مرور اربع ساعات علي الساعه 8 مساءاً بدأت ليله تفوق... وللحديث بقيه.....

مقالات ذات صلة