لقاء كـ،ـ،ـ،ـارثي
نادين….اكيد ممكن
عسال…..عايزين بس نبقي نطمن علي كوبر متعرفيش ايمي و رشيد خدوا ولا لا
نادين…..يا لهوي ايمي نسيت اكلمها و اطمن عليها
عسال….اه راحوا للدكتوره صح
نادين….اه استني اتصل عليها امسك القهوه كده
عسال …طيب انا عايز طفايه
نادين…..هناك يا حبيبي اهي الوووو
ايمي….حبيبي الصغنن
نادين ..حقك عليا و الله كنت مع ميدو و لسه راجعين الوقت البيت و افتكرت انك كنتي عند الدكتوره عملتي ايه
ايمي….بابتسامه استني بس هو الاستاذ ميدو بيعمل معاكي ايه في البيت
نادين……بضحك والله ولا حاجه بيشرب قهوه
عسال…..بضحك قوليلها سبينا في حالنا يا ايمي
نادين…..بضحك سمعتي
ايمي…..بضحك قوليلوا ماشي يا عم ميدو براحتك بس مش اوي
نادين ….ببتقولك براحتك يا عم ميدو بس مش اوي
عسال…..بضحك لا هشرب القهوه وامشي متقلقيش
نادين…..قوليلي بقي عملتي ايه
ايمي….افتحي طيب الاسبيكر عشان ميدو يسمع
نادين….طيب فتحته اهو هو سامعك
ايمي….بابتسامه جاهزين تعرفوا عملت ايه
عسال……انتي روحتي ولدتي ولا ايه يا ايمي
ايمي….بضحك لا مش للدرجادي بس في مفجأه تانيه
نادين…..بابتسامه اوعي تقولي اللي في دماغي
ايمي…..بضحك ايه اللي في دماغك
نادين….ااا مش عارفه بس حسيت بحاجه كده
ايمي….طب قولي حاجه ايه
نادين…..انتي بتقولي مفجأه ايه توأم
ايمي…..بضحك يا بنت الصايعه
نادين..بصوت عالي توأم بجد
ايمي…..بضحك بصي هو توأم بس مش ثنائي
نادين….بصت لعسال يعني ايه
عسال…..بضحك لا حلي اللغز ده بسرعه
ايمي…..بصحك ثلاثه يا ميدو
نادين…..لا لا بجد احلفي
عسال….بابتسامه ده بجد
ايمي كانت فاتحه الاسبيكر و رشيد سامعهم و بيضحك
رشيد…..عيب عليك ياض احنا جامدين اوي
ايمي….بضحك والله ثلاثه يا نادين
عسال……ماشاء الله اللهم بارك يارب مبروك يا ايمي و مبروك يا صاحبي يتربوا في عزكم يارب الله اكبر يا حبيبي ربنا يحفظهم و يقوملك ايمي بالسلامه
رشيد…..بضحك تحسي الواد مش مصدق
عسال….بضحك لا والله مش كده بس الله اكبر ماشاء الله يعني متوقعتش بس مبسوط اوي اوي بجد
ايمي….بضحك حبيبي يا ميدو عقبالك انت و ناديت يارب و ادعولي تكمل علي خير بس
عسال….متقوليش كده ربنا كريم هتكمل باذن الله انتي بس خلي بالك من نفسك واهتمي بصحتك و كله خير والله
