لقاء كـ،ـ،ـ،ـارثي
علا….اكيد والله تسلميلي يارب و بجد شكراً اوي يا سلمي علي ذوقك
سلمي….العفو متقوليش كده ربنا يقومك بالسلامه يارب و هطمن عليكي ان شاء الله اول ما تخرجي
علا….ان شاء الله دعواتك و خلي بالك من هنا
سلمي…..في عيوني والله متقلقيش عليها و يلا روحي ارتاحي شويه لحد ما حسان يجيلك
علا….ماشي يا حبيبتي مع السلامه
سلمي…..سلام يا حبيبتي
قفلت سلمي معاها واتصلت علي حسان
حسان……ايوه يا حبيبي
سلمي…..ايه يا روحي اتحركت
حسان….اه خرجت بعد ما قفلت معاكي علي طول
سلمي….طيب زي الشاطر كده تاخد هنا من علا و تحيبهالي انا لسه قافله مع علا و هي مستنياك و وافقت يا سيدي انها تفضل معايا كام يوم لحد ما تبقي كويسه
حسان….انتي كلمتي علا
سلمي….بابتسامه اه كلمت علا اكيد يعني مش هفضل شيفاك شايل الهم كده و اسيبك
حسان….بابتسامه طيب هي قالتلك حاجه
سلمي….ولا اي حاجه هي اصلا اللي فيها مكفيها ربنا يكون في عونها مرعوبه و بتعيط و هايفه جدا علي هنا قالتلي ان مامتها مسافره بكره عمره فا اكيد شايله الهم اكتر منك و اتبسطت اني هاخدها و عرفتها كمان انك متعرفش اني هكلمها
حسان……بابتسامه ربنا يخليكي ليا بحبك يا سلمي
سلمي….بابتسامه وانا كمان بحبك اوي مش عيزاك تقلق بقي و اطمن خلاص علي هنا و طمن علا و اتفضل هاتلي هنا بسرعه و خد بالك هي نايمه يعني خلي بالك تبرد منك
حسان…..بحب حاضر يا احن و اجمل سلمي في الدنيا كلها مش هتلأخر عليكي
سلمي…..بابتسامه و انا مستنياك يلا خلي بالك من الطريق
حسان….حاضر يا عمري باي
سلمي….باي يا حبيبي.
…………….
بعد ما خلصت تقي احتفال و شافت الهدايا و اتبسطت دخلت علي اوضتها كانت هتذاكر شويه قبل ما تنام مسكت موبايلها و فضلت تنزل صور ليها علي الانستجرام مع اخواتها بالهدايا و التورته و بعدين بصت علي الواتس ملاقتش اتصال من عدي و لا مسدچ فا بعتتلوا هي مسدج تنكشوا.
تقي…..بتعمل ايه ؟
استنت خمس دقايق مكانش فتح المسدچ بس استلمها فا قررت تتصل عليه قبل ما تذاكر رنت ثواني و كنسل عليها فا بصت علي الموبايل و بعدين سابته و قررت تذاكر لحد ما يتصل عليها.
………..
عدي…..ما بعرف يا اخوي والله بس ما تشيل من عمر بعرف ان محمود غالي عليك بس عمر ما عصب غير لما محمود عصب و رفع صوته
