لقاء كـ،ـ،ـ،ـارثي

ليله…..يمشي فين انت بتتكلم جد هو عايز يروح يعني يستقر هناك

عشري….اه والله عايزين يسيب الشغل و خطيبته وكل حاجه هنا ويروح هناك ده علي اخويا بيقولوا اهدا وصلي و ادعي كده هترتاح و تغير رايك لاقيته بيقولوا مش هعمل اي حاجه و مش هصلي اتصدمت ده مش محمود اخويا

ليله….لا بتهرج

عشري….والله العظيم

ليله…..طيب ايه ممكن يوصلوا للحاله دي بجد محمود محترم اوي و بعيداً يعني ان اخواتك كلهم يجننوا بس بصراحه محمود اكتر حد في اخواتك في حاله و طيب و محترم و ذوق و ملتزم ده اتحسد ده ولا ايه

عشري….مش عارف يا ليله والله هتجنن و بعدين جاي قبل فرحي و عايز يسيبني محمود اقرب شخص ليا يا ليله في اخواتي بيفهمني و بفهموا برتاح معاه جداً و بجد مش عارف لو عمل كده هعمل ايه

ليله…..لا يا حبيبي متقلقش ان شاء الله مش هيعمل كده محمود بيحبك و اكيد مش هيسيبك و كمان لازم تحط في دماغك ان هو الوقت وهو في الحاله دي اي قرار ممكن ياخده هو مش هيبقي مركز فيه يعني واحده واحده عليه و خليك جنبه اخلع كده من ابوك و روح اتكلم معاه او لو ليك كلام مع خطيبته و ممكن تكلمها تفهم منها اعمل كده يمكن تقولك اي حاجه تقدر تفهم بيها سبب اللي هما فيه مش جايز يكون في سبب بينهم اصلا و هو مش حابب يقول

عشري….انا بتكلم معاها عادي اه بس مش اوي بصراحه

ليله…معلش بس في ظرف حاصل و كمان اكيد الموضوع يخصها في النهايه اخوك عايز يسيبها ويسيب الدنيا ويمشي وهي اكيد مش حابه ده يحصل افهم منها لو بتحبوا بجد هتحاول تدور معاك علي سبب

عشري….يعني اعمل ايه الوقت

ليله…..كلمها يا حبيبي و افهم منها اللي حصل انا لو كان ليا كلام معاها والله كنت كلمتها محمود غالي عندي و وقت مشكلتنا مسابنيش و لا سابك بس للاسف انا متعاملتش معاها خالص انت اتصرف بقي

عشري…طيب انا هتصل بيها الوقت و ارجعلك

ليله…..تمام يا روحي مستنياك و ان شاء الله خير.

عشري….باي

ليله….باي

…………

قرب فضل من عشري و هو ماسك الموبايل

فضل….هو في ايه ؟ اللي حاصل معاكم

عشري….استني خليك معايا لحظه
اتصل علي رحمه الووو

رحمه….الووو ازيك يا محمد

عشري….بخير الحمد لله يا رحمه انتي اخبارك ايه

رحمه….تمام بخير

عشري….يارب ديماً بصي يا رحمه اولا اسف لو بتصل بيكي الوقت ثانياً انا عرفت اللي حصل بينك و بين محمود و انتي عارفه اني مش فضولي ولا بتدخل في حاجه بينكم بس يعني انا حابب افهم