لقاء كـ،ـ،ـ،ـارثي

سلمي…..لا بعد الشر عليكي يا حبيبي هنا هتستناكي تخرجي بالسلامه انتي و اختها و بعدين مش هتطولي يعني في المستشفي ان شاء الله كام ساعه يطمنوا عليكم بس و تخرجوا بلاش بالله عليكي تعيطي اهدي كده و اقراي قران وادعي هترتاحي والله و كمان متعيطيش قدام هنا عشان متخافش عليكي

سلمي…..بدموع لا هي نايمه انا صحيتها لبستها و رجعت نامت علي نفسها تاني مستنين بس حسان يجي ياخدها هي اصلا متعرفش اني هولد مقولتش قدامها انا قولتلها بابي هيجي ياخدك تقعدي معاه كام يوم اصلا انا قلقانه عليها جدا عشان عارفه ان حسان بدأ خلاص في البيت و كمان مش حابه اضغط عليه بس المشكله ان ماما هتسافر عمره بكره الفجر يعني هي هتروح معايا و هتفضل معايا شويه لحد بليل و تمشي

سلمي…..يعني طنط مش هتفضل معاكي

علا…..لا انا معايا الناني بس المشكله ان كل حاجه جات وراء بعضها سفرها هي حاجزه من بدري و تجهيز البيت عند حسان و ولادتي فا كل حاجه متلغبطه و ده متوترني اكتر

سلمي….لا كله خير متتوتريش واصلا انا بكلمك عشان كده بصي يا علا انا عارفه ان حسان خلي البيت فاضي خالص مفيش غير اوضه صغيره لم فيها كل حاجته و يادوب سايب فيها سرير صغير و البيت كله علي الارض و بصراحه كنت بستأذنك لو توافقي يعني ان هنا تيجي تقعد معايا في البيت هنا و مش عيزاكي والله تخافي عليها احنا بنحبها اوي و بعدين هي هتتبسط معانا هي لما جات مع حسان قبل كده كانت مبسوطه لان ايه اختي عندها كلبها و لعبها و كانت بتلعب معاها يعني مش هتزهق و في نفس الوقت هنا افضل ليها لان البيت هناك هيبقي كله عمال و متبهدل علي الاخر و كمان برد عليها غير ريحة الدهانات هتتعب و بعدين هتمل و هتسأل عليكي لكن عندي متقلقيش عليها هتفضل معانا و هاخدها و نروح عند البنات صحابي مش هتزهق صدقيني

علا…..حبيبتي يا سلمي انا والله طبعاً مش عندي اعتراض هنا بتحبك اوي انتي واخواتك وانكل بس انا مش عايزه ازعجكم كمان عشان شغلك و هنا شقيه بتحب الحركه فا هتعمل قلق

سلمي….ياستي ملكيش انتي دعوه احنا هنتعامل معاها و هنخرج و نلعب و هتتسلي و مش هتزهق خالص لحد بس ما تشدي حيلك كده يعني اكيد اول يومين تلاته هتبقي تعبانه و كمان طنط مش معاكي هتتعبك و انتي هيبقي غصب عنك فا كفايه عليكي اوي البيبي و احنا اخوات يا علا