لقاء كـ،ـ،ـ،ـارثي
حسان….يا حبيبي ايه عندها شغل
سلمي….هنظبطها مع بعض ملكش دعوه انا بنزل علي خمسه سته و ممكن ابه تنزل شغلها بدري و ترجع في نفس التوقيت ممكن اروح اوديها تقعد مع نوني و ليله شويه
حسان….يعني هما كمان مش عندهم شغلهم انا مش عايز ادربك الدنيا يا سلمي
سلمي…..تدربك ايه بجد انا مش فهماك بجد هزعل منك محدش فينا اشتكالك و بعدين لو قفلت خالص انا يا سيدي هقعد بيها انت مالك هاخد اجازه ما انا خدت اجازه و سافرت و بعدين انا الفتره دي مش باخد حالات كتير و اي عمليه بتجيني بحولها لدكتور تاني زميلي يعني هتتظبط
حسان…..ااا طيب هشوف كده و هقولك هعمل ايه
سلمي…..حسان طيب معلش هكلمك تاني
حسان…….طيب يا حبيبي انا هخرج الوقت و خلصي و كلميني
سلمي….اوك باي
حسان….باي يا قلبي
قفلت سلمي معاه و جابت رقم علا و اتصلت عليها فضل برن شوبه و بعدين ردت بصوت تعبان شويه
علا…..الووو اذيك يا سلمي
سلمي….اذيك يا علا اخبارك ايه يا روحي
علا…..الحمد لله بخير
سلمي…الف سلامه عليكي ان شاء الله تقومي بالسلامه
علا….يارب يا سلمي ادعيلي
سلمي…..هتبقي بخير ان شاء الله انتي و البيبي متقلقيش
علا…..بصوت مخنوق يارب
سمعت سلمي صوت شادي
شادي…..ممكن بلاش عياط و توتر بقي اهدي شويه هاتي انا اكلم سلمي لحد ما تهدي الووو
سلمي….ايوه يا شادي اخبارك ايه
شادي….الحمد لله يا سلمي بخير والله انتي عامله ايه
سلمي….انا بخير هي بتعيط ليه تعبانه اوي كده
شادي…..بابتسامه هي تعبانه اه بس هي متوتره اوي و خايفه و من وقت ما الدكتور قالي هاتها علي المستشفي علي طول عشان هتدخل عمليات و هي مش مبطله عياط
سلمي…..طيب ليه بس هتبقي بخير والله متخليهاش توتر نفسها
شادي….والله عمال اقولها يا سلمي بس هي مرعوبه
سلمي…..لا متخليهاش تخاف هتبقي بخير والله
شادي….يارب دعواتك ليها و خدي هي معاكي اهي قوليلها انتي
سلمي…..ماشي هات
علا…..ايوه يا سلمي
سلمي….في ايه بس مالك المفروض تكوني مبسوطه
علا…..بدموع مبسوطه والله بس خايفه اوي و قلبي مقبوض
سلمي…..لا متقوليش كده ليه بس ان شاء الله هتبقي بخير انتي و البيبي و تخرجوا بالسلامه و بعدين انتي تاني مره يا علا بعني المفروض اتعودتي خلاص
علا…..المرادي انا بتعب كتير و مرعوبه بجد و خايفه علي هنا
