لقاء كـ،ـ،ـ،ـارثي
علا……حبيبتي يا سلمي اكيد والله
سلمي….متقلقيش علبها مع حسان هتسأل عليكي كل شويه والله في النهايه حسان مش هيعرف بتعامل معاها في وسط الدوشه اللي هو فيها بعني شغلوا مع تجهيز البيت كمان انا عارفه انه هيبقي قلقان عليها طول الوقت من العمال و البيت هناك حسان بيقولي برد اوي لانه فاضي فا هنا هتتعب هناك خليها معايا انا و ايه و البنات هتتسلي واكيد حسان هيجي يشوفها متقلقيش عليها و بس تشدي حيلك هرجعهالك و تتفاجئ بالبيبي قولتي ايه
علا……موافقه طبعاً و بجد مش عارفه اقولك ايه انتي شيلتي من علي قلبي هم كبير انا كنت مرعوبه عليها و متوتره جدا و نفسيا زي الزفت بقالي يومين لان كل حاجه جات مع بعضها
سلمي…..ولا تتوتري ولا تخافي و لا تزعلي نفسك احنا اخوات يا علا و بعدين يا ستي لما ابقي اتحط في نفس موقفك ابقي رديهالي اضحكي بقي و متزعليش ركزي مع نفسك و مع البيبي
علا……ربنا يخليكي يا سلمي بجد مش عارفه اقول ايه علي ذوقك و يارب هنا تبقي ضيفه خفيفه عليكم
سلمي…..هنا مش ضيفه هنا صاحبه بيت دي بنت اختي و بنتي يعني ماقلقيش عليها هي مش هتسأل فيكي اصلاً يارب بس لما ارجعهالك متقولش لا
علا….بضحك ادام في كلب في الموضوع هتقول لا انا عارفه و هتبيعني
سلمي…..بضحك لا يا ستي متقدرش ربنا يخليكي ليها المهم بقي جهزيلها لبسها و كل حاجتها و حسان قالي انه جايلك في الطريق وعلي فكره انا والله العظيم ما قولت لحسان اني هتصل عليكي انا بس قولتلوا يجيبها عندي لاني عارفه ان حسان مش عارف يعمل ايه بس قالي هشوف هو اكيد حابب يستأذنك الاول بس انا قولت اطمن عليكي و بالمره استأذنك بنفسي
علا….كلك ذوق والله يا سلمي و مش عارفه اردلك الجميل ده ازاي
سلمي….مفيش بينا جمايل يا علا احما اخوات و مش عيزاكي تقلقي علي هنا خالص
علا…..لا مش قلقانه والله و ان شاء الله بس اعدي بكره و بعده و هقول لحستن يرجعها
سلمي…..قومي علي رجلك الاول و انا هرجعهالك بنفسي
علا…..ماشي يا سلمي تسلميلي يا روحي
سلمي…طيب قوليلي محتاجه مني اي حاجه ليكي انتي
علا…..سلامتك والله كفايه اوي ان هنا هتلقي معاكي
سلمي…..الله يسلمك عموما لو محتاجه اي حاجه متتكسفيش مني انا زي اختك يا علا و لو طنط مش معاكي انا معاكي لحد ما ترجعلك بالسلامه يارب
