لقاء كـ،ـ،ـ،ـارثي

عشري…..بابتسامه ولا الاكل اكتر مره شوفتك بتاكلي فيها بشهيه يوم الفسيخ يا معفنه

ليله….بضحك عشان بحبه

عشري…..بتحبي حاجه عدله اوي

ليله….بضحك مسمحلكش تتكلم كده علي الفسيخ يا بلطجي

عشري…..بابتسامه انا اسف ليكي انتي و الفسيخ يا ستي

ولعت ليله سيجاره و ابتسمت

ليله……طيب سيبك مني انا و الفسيخ بقي قولي مال صوتك و ايه اللي حصل بين سليمان و محمود

عشري…..مضابق والله يا ليله بسبب محمود و مزاجي مش حلو

نفخت بهدوء الدخان

ليله……طيب ليه يا قلبي حصل ايه

عشري…..اتصل عليا عدي قالي ان هما الاتنين شدوا مع بعض و عمر اتعصب عليهم عشان صوتهم اترفع قدامه و قال لمحمود يمشي و يروح البيت

ليله…..طيب ليه اتخانقوا اصلا

عشري……محمود ساب الكافيه مع فضل و راح الكافيه التاني اللي واقف فيه سليمان و عدي و سليم فا قالوا ليه جيت خليك مع فضل احنا الشغل هنا ماشي و تمام

ليله…..و بعدين

عشري…..ولا قبلين اتعصب عليه محمود و فضل يقولوا انا تعبت كل شويه روح تعالي اعمل في دخلة عمر عرف اللي حصل بعدها محمود قالوا انا عايز اروح سيناء عرف ابوك
اني مش عايز اكمل هنا كلمه منه علي كلمه من سليمان صوتهم بقي عالي في قلب الكافيه فا محمود قرب من سلبمان لولا ان الشباب واقفين كانوا قفشوا في بعض

ليله…..طيب ليه كل ده عشان قالوا يروح لفضل

عشري…..هو ده اللي حصل بس انا واثق ان في حاجه تانيه روحت علي البيت عشان ابويا كلمني و قالي تعالي علي هناك لاقيت محمود محضر شنطتوا و عايز يسافر طبعاً ابويا كان متعصب انه ماشي من غير ما يقول لحد و امي زعلانه طبعاً و اتفاجئت في وسط الكلام انه كمان ساب خطيبته و كان مستني يروح سيناء عشان يقول لابويا و يخليه يروح لابوها و يقفل معاه حوار الخطوبه

ليله……ايوه يعني كده المشكله بينه و بين خطيبته تقصد

عشري…..هو قال مفيش مشكله اصلا هو لا عايز يكمل معاها ولا يكمل في الشغل و حاله متغير خالص انا اول مره اشوف محمود في الحاله دي كل اللي طالع عليه مخنوق مش طايق نفسي ولا طايق حد مش عايز اكمل معاها ولا اكمل في الشغل و عايز امشي

ليله……طيب اكيد حصل بينهم حاجه يا عشري و هو مش عايز يقول

عشري…..خطيبته غلبانه و طيبه اوي يا ليله البت بتحبوا حب و هو كمان بيحبها اوي انا واثق ان رحمه مستحيل تزعلوا يعني وارد يحصل بينهم مشكله يشدوا لكن مستحيل يحصل بينهم مشكله كبيره لدرجه انه يسيبها يعني محمود سياسي لابعد حد ممكن تتخيليه و مش بسهوله ياخد قرار زي ده انتي شوفتي محمود واتعاملتي معاه و شوفتي هو قد ايه طيب خطيبته بقي نسخه منه و يمكن اطيب كمان الاتنين بيحبوا بعض جداً و ده اللي انا مستغربوا و كمان البت مقالتش لاهلها ان محمود قالها انه هيفسخ الخطوبه ده هو قالها الكلمتين و خد بعضه و مشي