لقاء كارثي أميره أسامه صاحبة البطل الواحد . البارت المئه 173. ............................... في مواقف الموت فيها مش بيخوفنا قد ما بيعجزنا.. بيخلي الكلام نفسه يبان قليل والمواساة تبان كذبة صغيرة قدام وجع أكبر من أي كلام. لما الموت يخطف مننا صديق بنبقى موجوعين عليه.. لكن الوجع الحقيقي بيبدأ لما نقف قدام ولاده نبص في عينيهم فنلاقي عين الأب اللي مش موجود ونسكت. نبقى عايزين نقول أنا اسف ربنا يصبركم هو في مكان أحسن.. لكن كل كلمة بنحس إنها ما تساويش حاجة قدام ابن فقد أبوه او امه أو ابن فقد السند والامان اللي كان فاكر إن عمره ما هيروح. لدرجة إننا ساعات بنبقى مكسوفين نبص في عينيهم.. مش لأننا عملنا حاجة غلط لكن لأننا عارفين إننا واقفين قدام وجع مفيش في إيدينا علاج ليه . مفيش حضن هيرجع أبوهم ولا كلمة هتسد مكانه ولا دعوة هتقدر تمسح اللحظة اللي عرفوا فيها إن الشخص اللي كانوا بيجروا عليه لما الدنيا تخوفهم مش هيكون موجود تاني. فنفضل ساكتين.. نطاطي عينينا ونخاف نرفع راسنا ونبص لهم كأننا بنعتذر بعنينا عن حاجة إحنا نفسنا عاجزين عنها. وأصعب ما في الفقد. إنك أحياناً ما بتكونش محتاج حد يقول لك كلام بتكون محتاجه يعمل حاجة مستحيلة.. وهو انه يرجعلك اللي مات. وده بالضبط اللي للاسف مفيش حد فينا يقدر يعمله عشان كده مبنقدرش نبص في عين حد فقد عزيز لان نظره الرجاء اللي بتكون في عينه لينا بتقتل بالبطئ و بتحسسنا بالعجز. ................. قعدتهم مع بعض فضلت مستمره و الاجواء بينهم كانت مليانه حزن علي ضحك علي مواساه كل حد كان بيحاول يعمل اللي قدر عليه عشان يريح نعيمه او حتي يشغلها شويه حماده جالهم هو و محمود و ريهام و الحقيقه ان وجود ريهام و محمود مع مصطفي وايه وسلامه و ميدو هون كتير عليهم ضحكهم و خلق روح تحسس شويه بالامل فصلت نعيمه عن حزنها و وجعها جايز كانت معاهم بنص روح ونص قلب و نص عقل لكن مكانش حد فيهم بيسيبها تسرح خالص و بمجرد ما تروح في دنيتها يوجهوا ليها الكلام عشان تنتبه معاهم و يمكن نفس الروح دي فصلت ايمي شويه عن التوتر والقلق اللي كان بينهش في قلبها جايز ايمي كمان كانت تبان هاديه و تبان شايفه الموضوع بسيط و اخره راحه و هتعدي بس هي كانت بجد مرعوبه حاولت متظهرش ده لرشيد او للبنات او لاهلها و يمكن كمان من غير ما تقصد عملت اللي ليله عملتوا و خبت جواها عشان خافت علي غيرها و عشان كده ليله ما صدقت مسكتها عليها او بمعني اصح كانت عايز تلفت نظرها ان احساها بالغير مش مبالغه ولا هو اهمال للنفس قد ما بيكون غصب عنك و انت في قلب الموقف لام اي بني ادم فينا وهو جوه موقف معين بيكون ليه حسابات مختلفه يمكن هجوم ايمي علي ليله وقت تعبها كان طالع من قلبها و شايفه ان ليله غلطت و هي لو مكانها مش هتعمل ده بس لما اتحطت في نفس الموقف ونفس الشعور و نفس الاحداث اللي تاعبه كل اللي حواليها لقت نفسها تلقائيا بتداري خوفها وقلقها عشان غيرها و عشان الوضع مش متحمل اكتر من كده ضغط و حقيقي وجودنا جوه اي موقف بيغير نظرتنا و الجميل ان ايمي وليله فاهمين بعض بطريقه تجنن و جايز تكون كمان مبقتش موجوده الوقت.. قلب التربيزه اللي ليله لما بتتزنق ديما بتعملوا ايمي كمان عندها نفس الطبع بيظهر مع المواقف هي طلعت في ليله وقالتلها ماصدقتي و بتقلبي التربيزه بس الحقيقه ان ضحكه ليله ليها كانت ضحكه فهم لانها فهمت ان الطالعه نفسها بتاعت ايمي عليها كانت قلب تربيزه بتلهيها كالعاده بعصبيتها اللي بينهم مش حب او عشره او تعود او بفهم لطباع بعض الحب اللي بينهم تخطي كل المراحل دي وبقي عشق روح لروح.. ودي حاجه تجنن بجد . يمكن كمان الاجواء الجميله اللي الشباب هونوا بيها القاعده غيرت مود ليله شويه لان ليله شخصيه موديه جدا و برغم انها بارعه في انها تخبي وجعها و تقف علي رجليها حتي لو هي من جوه منهاره عشان بس تسند وتقوي الا ان كان في جزء كبير من الوجع بينهش في قلب ليله حب ليله لعشري مكانش حب عادي هي لقت فيه كل حاجه اتمنتها كل حاجه كانت نقصاها كل دواء لاي وجع اتوجعته اهتمام عشري بيها و حبه اللي ظاهر في عينه قدام الكل من غير كسوف نظرته ولمسته كلامه ابتسامته لما تبص فجاه وتلاقيه باصصلها ومبتسم كل دي حجات خلت ليله تحس انها ملكت الدنيا واللي فيها و ان عشري كان العوض اللي ربنا كاتبه ليها عشان كده وجعها كان مضاعف مش بس وجع ام فقدت ابنها ولا وجع ام قررت تخفي اثر ابنها عشان الوضع ميسمحش انها تتكلم ولا وجع ست بتتقطع و بتتالم يمكن وجعها كان مضاعف اكتر لانها حلمت حلم جميل اتمنت انه يكمل و هو انها تجيب من عشري طفل تحضن بايدها حته منه ومنها كان نفسها تشوف عشري البلطجي اللي لسانه طويل ودماغه ناشفه اللي رجولته طاغيه و حضوره طول الوقت طاغي لما يتحط في ايده طفل هيبقي عامل ازاي كان نفسها تشوفه و هو بيلعب مع ابنها او بنتها كان نفسها يطلعوا نسخه منه حلمت كتير لكن صحيت من الحلم قبل ما يكمل.. فا وجعها كان كبير ومهما خبت هو عارف انها موجوعه عشان كده كان عايزها تنزل الشغل في اسرع وقت حتي ايمي جزء كبير من عصبيتها علي ليله كان وجع عليها لانها بتحاول تبين انها مش موجوعه في الوقت اللي مينفعش تخبي وجعها عليها هي لانها عارفه انها بتموت فا كل واحد فيهم كان شايل وجع و شايل قلق نادين دماغها مقسومه بين نعيمه واهلها و بيتها اللي ملحقتش تفرح بيه وشغلها و قلقها علي اخوات نعيمه سلمي اللي من غير ما ابوها يقصد فكرها بوقت كان نفسها تنهار فيه ومقدرتش تبين حزنها ومعرفتش فكرها بوقت صعب كانت ببن نارين فيه بين انها تنهار زيهم وبين انها لازم تكون الطرف الاقوي قصاد ثلاثه غيرها استسلموا.. و يمكن قبل ابوها كمان كل اللي حصل مع نعيمه و اهلها و وجعها عليهم كلهم و حزنها علي ليله و توترها علي ايمي و شغلها اللي مش عارفه تعمل فيه ايه و جوازها اللي ملحقش اما ايه فا كانت اقل واحده فيهم يبان عليها انها شايله اكتر من طاقتها بس الحقيقه ان هي كمان غصب عنها اتوجعت اوي وبالرغم من انها عمرها ما حست بغربه او يتم مع احمد وسلمي وتامر الا انها اكتشفت ان حتي شعور الحزن اللي نعيمه حاسه بيه تجاه ابوها وامها هي اتحرمت منه لا قدرت تعيش معاهم و تفتكرهم و لا قدرت تحزن عليهم معندهاش اي ذكري سواء حلوه او حزينه معاهم متعرفش حاجه عنهم كانوا بيحبوا ايه مش بيحبوا ايه كانت تشبه مين فيهم طباعها كانت زي مين اكتر لدرجه انها مش قادره حتي تتخيل حياتها معاهم لو كانوا عايشين و كبرت وسطهم بيتها كان هيبقي ازاي اوضتها هيبقي شكلها ايه علاقتها باحمد وسلمي وتامر كانت هتبقي ازاي كل دي حجات ايه اتمنت انها تحصل و كانها كانت نفسها تقول لنعيمه يابخت احساسك بالوجع.. لكن بعيداً عن كل المشاعر الحزينه المكبوته جوه كل واحد فيهم سواء بنت او شاب الا ان وجود مصطفي مع ريهام و محمود و سلامه والجو الجميل اللي كان بينهم هون كتير اوي و غير مودهم بعتلهم طاقه امل جون قلبهم دخل عليهم الفرحه ولو لوقت بسيط.. و بالرغم من كل ده شعور حماده كان مختلف تماماً كان قاعد معاهم لكن في دنيا تانيه الحزن باين مش بس في عينه ده باين علي جسمه علي قعدته علي حركته الحزن لما بيتمكن من بني ادمن جسمه بيترجم ده من غير مبالغه.. حماده وضعه كان مختلف عن الكل يعني كلهم موجودين عشان نعيمه الا هو كان موجود غصب عنه مش عشان هو مش عايز يجي لكن عشان شعوره تجاه نعيمه كان يوجع بجد مكانش قادر يشوفها ولا قادر يشوف وجعها ولا عارف يبص في عينها كسرتها و حزنها وخوفها كانوا مخلين حماده حاسس بالعجز مش عارف يعملها ايه عشان يساعدها نظرتها ليه كانها بتطلب منه يعمل حاجه مش في ايده كلامها وقت الحادثه وهي بتتحايل عيه يعمل حاجه خلاه حاسي انه متقيد و كان في حاجه في ايده يعملها وهو رافض مكانش قادر يشوفها في الحاله دي حاسس انه خان صاحبه في انه مش عارف يهون وجع بنته و زي ما قولنا موجوع بيطبطب علي موجوع نعيمه حست بحماده و بمشاعره بقت هي اللي عمال تطبطب عليه كل شويه و تبتسم في وشه لان منظر حماده من غير كلام او تعبير او حتي دموع كان يقلق اي حد و هي خافت عليه من الحزن يجرالوا حاجه هو كمان مكانش عندها قدره تسمع خبر تاني وحش علي اي حد فكانت بتحاول تحسسه انها بخير.. و يمكن منظر حماده ده رعب ايمي و وترها اكتر علاقتها بابوها وامها علاقه تجنن لدرجه انها فكرت لو هي في موقف نعيمه هيحصلها ايه اكيد هتموت لان مهما كان وجع نعيمه و تعبها هي كمان مكانتش قريبه منهم بقوه لكن ايمي حياتها كلها معاهم حتي لما اتجوزت اول مره انفصلت بعد شهور و مقدرتش تعيش بعيد عنهم و فضلت سنين كتير معاهم احد ما اتجوزت رشيد اينعم اتعودت علي بيتها الجديد لكن مشاعرها و احساسها و انتمائها ليهم هما متقدرش تعيش من غير حد فيهم ولا حتي تقدر تفكر الحياه من غير وجودهم هتبقي ازاي فا كانت قاعده هتتجن عشانه و عينها مش بتنزل من عليه.. ............ الكل كان قاعد بيتكلم ويهزر و في مود حلو وهادي و هو ساكت وباصص للارض نعيمه....بهدوء ايه يا حماده عامل ايه ؟ بصلها حماده بهدوء و ابتسم ابتسامه باهته حماده...الحمد لله يا نعيمه انتي كويسه نعيمه... بابتسامه حزينه انا زي الفل يا حماده بخير طول ما انت بخير طبطب علي كفها وهو بيهز راسه و سكت معندوش حاجه يقولها.. ........... سلمي....يعني انتي هتنزلي بكره نغم...اه باذن الله اول يوم تدريب حسان...بابتسامه طيب ايه مستعده نغم... بابتسامه هو انا متحمسه بس بصراحه مش مستعده سلمي...طيب ليه انا عارفه ان ده خلمك يا نغم نغم...اكيد بس خايفه اوي حسان....خايفه ليه نغم...مش عارفه يعني هو بجد ده كان حلمي و مبسوطه بجد اني هبدا انزل شغل بس معرفش ليه احساس الخوف متملك مني سلمي...لا متخافيش وادخلي بقلب جامد عشان تقدري تنجحي و تثبتي نفسك لو روحتي من اي يوم و انتي باين عليكي التوتر والخوف مش هتقدري تاخدي وضعك و ممكن اي حد يستوهن بيك و خدي بالك ديما النظره الاولي هي اللي بتدي انطباع لغيرك عنك حتي لو بعد كده اتعودتي علي الوضع هيفضلوا ديما فاكرين نغم بانها البنت اللي جات و هي خايفه وهي مش واثقه في نفسها فا متديش لحد فرصه ياخد عنك اللنطباع ده حتي لو خايفه لازم تداري خوفك حسان... اوعي تبالغي في خوفك يا نغم عشان اوقات المبالغه في الخوف بتأدي للفشل نادين...حسان و سلمي معاهم حق يا نغم اتبسطي و روحي و انتي من جواكي رايحه تحققي حلمك ده نغم...والله انا مبسوطه و متحمسه و فرحانه و اكيد مش خايفه لدرجه اني حاسه اني هفشل بس انا جوايا مشاعر غريبه اكيد انتوا فاهمني حسان...اكيد لان الموضوع جديد عليكي و علي فكره اوقات الحماس الزايد بيقلب خوف عسال....بصي يا نغم مش عيب انك تخافي او تتوتري مفيش اي حد من الموجودين هنا ممرش بنفس شعورك ده في خوف بييجي مع كل بداية جديده خوف طبيعي جدا مش معناه إننا ضعاف أو إننا مش قد اللي داخلين عليه. بس لما تروحي مكان لأول مرة بتدخلي وإنتي مش عارفة مين الناس اللي هتتعاملي معاها ولا شكل المكان ولا إيه اللي مستنيكي ولما تستلمي شغل جديد ممكن تحسي إن كل حاجة حواليكي غريبة وإنك محتاجة وقت عشان تفهمي النظام تحفظي الوشوش تعرفي المطلوب منك وتلاقي مكانك وسط الناس. وأحياناً الخوف بيكبر في دماغنا لدرجة يخلينا نتخيل إننا هنفشل قبل حتى ما نبدأ. لكن الحقيقة إن محدش بيدخل بداية جديدة وهو عارف كل حاجة أول يوم مش مطلوب منك تكوني شاطرة في كل حاجة خصوصا انك نازله اصلا تدريب مش نازله تبداي شغل رسمي المطلوب بس إنك تكوني موجودة مركزه تتعلمي تسألي و متتكسفيش او تخافي لا ده حقك وانتي نازله تدربي عشان تتعلمي و محدش بيتعلم الا لما يسأل و يجرب خدي خوفك معاكي وادخلي عادي الخوف هيبقي وقتي بمجرد ما تشوفي الناس تلفي لفه معاهم تتعرفي عليهم بعدها هتحسي انك اهدأ مش عيب تروحي وانتي خايفه خلي خوفك يمشي جنبك مش قدامك ومع كل يوم هيعدي المكان اللي كان غريب هيبقى مألوف والوشوش اللي كنتي متوترة منها هتبقى عادية والحاجات اللي كنتي خايفة منها هتكتشفي إنك كنتي أكبر منها بكتير أحياناً إحنا مش بنحتاج شجاعة عشان نبدا يا نغم إحنا بنبدأ وبعدها الشجاعة هي اللي بتتولد جوانا كمل بابتسامه فهمتي حاجه حسان...اهو قالك كل حاجه نغم.... بابتسامه فهمت و بصراحه هو واضح ان مش نادين بس اللي شاطره في شغلها انت كمان شاطر عسال...بص لنادين و ابتسم و بعدين بص لنغم هو مبدايا كده مفيش اشطر من نادين بس هو عموما اي حد عايز ينجح و يبقي شاطر في شغله لازم يعافر عشان يوصل و يعرف يوظف مشاعره يعني خوف ولا حماس و لا قلق طبيعي نادين....نغم شاطره و بتتعلم بسرعه وانا بنفسي جربتها واكيد باذن الله هتنجح خصوصا ان المرادي هي هتشتغل في حاجه بتحبها نغم ...يارب يا نادين سلمي....ان شاء الله بكره هكلمك و هلاقيكي مبسوطه نغم....بابتسامه ان شاء الله يا لومي سلمي....صحيح انتي قاعده لسه مع بابا صح نغم....هو بصراحه انا من وقت اللي حصل مش عارفه امشي يعني مش قادره اسيبه اول كام يوم كنا معاكم وفي نفس الوقت هو مكانش كويس خالص خوفت عليه و حاولت ابقي معاه عشان يتكلم يبقي ملهي مع اي حد خصوصا ان انتي وايه مع نعيمه سلمي...احنا منقدرش نسيب نعيمه نغم...عارفه طبعا انا اقصد اني حاولت اكون بعوض جزء بسيط من وجودكم سلمي...لا متقلقيش انتي عوضتي جزء كبير يا نغم بابا بيحبك و اتعود عليكي عشان كده يعني مش حابه اكون بتقل عليكي او بشيلك فوق طاقتك او حتي بحرجك بس اتمني لو تقدري تفضلي معاه شويه كمان خليكي لو مش قادره طبعا و حابه ترجعي خلاص المهم ابقي عدي عليه علي الاقل نغم...انتي بتقولي ايه يا سلمي انا قاعده بمزاجي علي فكره انا اللي مش قادره اسيبه وامشي و مفيش بينا احراج انتي عارفه ده كويس انا مليش غيركم و وجودي مع بابا و تامر مش حاجه فوق طاقتي وبعدين انا اصلا لو روحت هبقي لوحدي سلمي....عارفه والله ربنا يخليكي لينا انا بس عارفه انتي كنتي قد ايه متحمسه تروحي البيت الجديد عشان كده مش حابه انك تكوني مضايقه نغم...بابتسامه بالعكس والله العظيم بصي يا سلمي انا لما كنت متحمسه لبيت جديد ده عشان اكيد اي حد فينا حابب يكون ليه مكان و في نفس الوقت مكنتش حابه احس اني تقيله عليكم اوي مع ان محدش حسسني بده بس حاليا الوضع متغير انا عندي بيت و اقدر اروح اي وقت لكن كمان بقي عندي عيله حاسه بالمسؤوليه تجاهها حتي لو مش في ايدي حاجه اعملها بس علي الاقل ابقي جنبكم حسان.... بابتسامه انتي جميله يا نغم و مش شرط علي فكره يبقي في حاجه في ايدك تتعمل كفايه مشاعرك دي نغم....والله العظيم لو اقدر اعمل عشانهم اي حاجه حتي لنعيمه و حياة ربنا مش هتأخر لان وقت ما انا كنت محتاجه حد يعمل عشاني اي حاجه هما كلهم مقصروش و عملوا معايا اكتر بكتير من اللي توقعته و محدش قصر معايا حسان....هما بيحبوكي يا نغم و لما بنحب اي حد تلقائي بنقف جنبه من غير ما يطلب و عايز اقولك مش كلنا بيبقي في حاجه في ايدنا تتقدم لحد بنحبه بس اوقات مشاعرنا بتبقي كفايه عشان نخفف عنه زي بالظبط وجودنا هنا مع نعيمه محدش فينا عنده حاجه يقدمها محدش فينا في ايده حاجه تتعمل وهي نفسها عارفه اننا عاجزين عن تقديم اي مساعده تريحها بس احنا معاها لاننا بنحبها و خايفين عليها و انتي وجودك مع عمي حتي لو مش هيقدم حاجه تريحه كفايه انك جنبه نغم....طبعا ده حبيبي والله ربنا يخليه لينا كلنا سلمي...يارب يا نغم و بجد شكرا اوي علي وجودك نغم....مفيش بينا شكر يا سلمي و لا انتي مش معتبراني من العيله بتاعتكم سلمي....بابتسامه لا طبعا ده غصب عنك مش بمزاجك حسان...اوبااا يعني انا كده بقي عندي حماتين ايه ونغم سلمي....بابتسامه فكر بقي تزعلني شوف هيعملوا فيك ايه حسان...الكلام ده صح يا نغم اخد ساتر ولا ايه نغم...بابتسامه هو صح بس انت مش هتزعلها حسان...بابتسامه شوفتي واثقه فيا ازاي سلمي....بابتسامه بتثبتك علي فكره حسان...تفتكري سلمي....طبعا مش عاشت مع ايه وعرفت طباعها نغم....في دي عندك حق ............ عشري كان فارد دراعه وراء ضهر ليله وساند راسه و مغمض عينه وليله وايمي عمالين يتكلموا علي حماده ليله...في ايه يابت مالك بصاله كده ليه ؟ ايمي....انا مرعوبه علي ابويا يا ليله ليله....ماله ابوكي زي الفل و هيبقي احسن ان شاء الله لسه الموضوع في بدايته يا ايمي هياخد وقت لحد ما يتعود انتي مش لاقيه حاجه توترك ايمي....زي الفل ايه بس انتي مش شايفه منظره عامل ازاي ده مقالش كلمتين علي بعض من وقت ما جه و زوزو نفسها قلقانه عليه خايفه الزعل يعمل فيه حاجه ليله....بعد الشر بس الموضوع مش سهل عليه يا ايمي متنسيش ان ابوكي و حمودي و عادل كانوا صحاب اوي و ملهمش غير بعض هما الثلاثه بصراحه ربنا يكون في عونهم حتي حمودي واجع قلبي الموضوع صعب يا ايمي حطي نفسك مكانه تقدري يا بت تعيشي من غيري ايمي...بصتلها بسرعه اعوذ بالله غلي لسانك يابت انتي عايزه تولديني يارب يجعل يومي قبل يومك انتي والبنات ليله....بعد الشر عليكي وعليهم انا اقصد اننا لو حطينا نفسنا مكانهم هنموت يا ايمي فا متستغربيش حزنه ايمي...مش مستغرباه يا ليله انا بس خايفه عليه ابويا اصلا مش متحمل و موت عادل كسره ابويا بيعتبر حمودي و عادل اهله اخواته و بعدين احنا من زمان متوجعناش الوجع ده يا ليله يعني الحمد لله يارب مكانش في اي حاله وفاه فا لما تجيلك بعد وقت طويل و في حد غالي بتكسر يا ليله تحسي كانك اتعودتي علي وجود الناس دي و بما ان الموت اتاخر بتطمني انه مش جاي فا لما بيجي بتتصدمي و ده بيتهيألي اللي ابويا حاسس بيه ليله.... عارفه و ده مش واحد اللي مات يا ايمي دول اتنين حتي امك علي فكره واخواتي البنات ومها مرات اخويا كلهم هيتجننوا علي نجلاء يعني كل واحد فيهم حاسس بوجع مضاعف ايمي...خدي بالك يا ليله اوعي يغرك قعدة زوزو و تماسكها ده دي هتموت علي نجلاء بس هي خايفه علي ابويا اوي فا مش قادره تبين زعلها ليله....والله العظيم متأكدة مش دي زوزو اصلا اللي اعرفها حتي لو بتتكلم بتضحك تبان جامده زوزو مشوفتيهاش انتي وهي بتعيط في حضن اميمه في المستشفي لما كنتي انتي والبنات بتاخدوا المحاليل بس امك علاقتها بابوكي قويه و انتي عارفه ان ملهاش غيره ايمي....طبعا امي من غير ابويا هتقلب طفله صغيره يا ليله مع انك لو دورتي علي اساس عمود بيتنا هتلاقيه امي مش ابويا رغم ابويا طبعا و جوده فارق بس امي اللي شايله كل حاجه امي روح البيت يا ليله بس يمكن وجود ابويا هو اللي مقويها ليله....ربنا يهليهم لبعض و يديهم الصحه و يفضلوا وسطنا بس تسمعي مني نصيحه مع اني عارفه انك بنت الجزمه ايمي....قولي ليله...طيب اوعديني توافقي لو انا بجد.غاليه عندك ايمي....قولي وهوافق والله ليله....روحي معاهم يا ايمي مش عشان حاجه ولا هقولك عشان بيت و عشان رشيد ولا حتي عشان يا ستي ترتاحي بس روحي عشان ابوكي وامك بصتلها ايمي بحزن و سكتت ليله...بصي يا ايمي انتب عارفه ابوكي مرتبط بيكي قد ايه انتي الحته الشمال عنده و الركن الهادي اللي بيرغي ويتكلم ويضحك معاه و جودك هيفرق هتتملمي هترغي معاه هتلهيه شويه حتي زوزو هيفرق معاها وجودك اه بتتناقروا و بتمسكوا في بعض بس هي بتموت فيكي و بحس كده لما بتبقي جنبها حتي وانتي بترخمي عليها مرتاحه و مطمنه صدقيني وجودك هيفرق معاهم لان خدي بالك اخوكي نزل شغله و امنيه حتي لو معاهم وجودها مش هيبقي كافي يعني ممكن تقدر علي حجات وحجات لا من الاخر متعرفش تسيطر اختم محترمه انما انتي محدش هيقدر عليكي هتخرجيهم من الاكتىاب هتسهري معاهم هتغيري المود شويه ايمي....طيب ونعيمه يا ليله اسيبها ازاي مش هقدر والله علي الاقل لما اخواتها يفوق حد منهم علي الاقل احس ان البت قلبها هدي شويه ليله...طيب و تفتكري قعدتك جنبها هتفوقهم لسه يا ايمي ربنا مأذنش و بعدين لو هنتكلم كلام عقل اللي فايقين دول ليهم حق عليكي الوقت يعني ابوكي وامك محتاجينك نسمه ونادر ان شاء الله هيبقوا زي الفل و انا واثقه ان ربنا هيراضي قلب نعيمه بس احنا منعرفش هيقموا امته و علي ده ما يحصل ابوكي ممكن يدخل في اكتىاب يبقي ليه يا ستي متروحيش انهارده خليكي معاها علي الاقل عشان ترتاحي من مشوار الدكتوره والعربيه بكره روحي ايمي....انا عارفه ان قعدتي مش هتفوقهم بس انا حاليا قاعده عشان نعيمه مش هتهون عليا اسيبها يا ليله ليله.....هتسيبيها وتروحي فين احنا بينا تلت ساعه يا ايمي و بعدين هي نفسها اللي طلبت ده منك و من البنات و انا يا ستي نوجوده معاها و البت ايه معاها و نادين و سلمي هتروح وتيجي عليها هي كمان هتمشي بكره غصب عنها و انا يومين بالكتير وهتلاقيني بنزل الشغل يعني برضوا هسيبها بس مش هنسيبها خالص يعني هخليها تيجي تقعد معاكي تيجي المطعم تفك شويه اللي فاضي فينا يروح معاها لاخواتها ماهي برضوا قعدتها في البيت كده هتموتها و طول ما كلما قاعدين هي قاعده لكن لو بدانا نتحرك و خدناها معانا نلهيها شويه الموضوع هيفرق خدي بالك قعدتنا وحاله الحزن دي مش حلوه ليها لما تلاقي اننا بدانا ننزل و نروح ونيجي عليها وهي تجيلنا هتبدأ تحس ان في حياه انتي مشوفتيهاش انهارده و رحمه امي يا ايمي نعيمه قلبها وقف لما نادر تعب ايمي....كويس اني مكنتش معاكم لو كنت شوفت المنظر ده كنت روحت فيها هي بتحكيلي وانا قلبي مقبوض اصلا انا خايفه عالواد ده اوي يا ليله ليله....هتعدي يا ايمي والله بس احنا لازم نهونها علي بعض شويه مش عايزين حزن تاني والنبي خليكي معاهم عشان يتحسنوا و انا هعمل كل اللي اقدر عليه عشان الخم نعيمه شويه ايمي....انا خايفه تزعل مني يا ليله ليله...تزعل ايه يا هبله انتي ماهي اللي طلبت ده الف مره من الكل و خدي بالك نعيمه محرجه جدا من الشباب مش عايزه تحس انها وخدانا منهم ايمي....هما مش مضايقين اصلا دي هبله ليله....عارفه بس هو ده اللي بتفكر فيه فا خلينا نريحها و نريح ابوكي وامك و الدنيا تمشي و زي ما قولتلك خليكي انهارده و روحي بكره و هخليها هي تقولك ده بنفسها و انتي عارفه اني مش هسيبها يا ايمي انا والبنات يعني هنسد بدالك و هي عارفه ان ابوكي هيطمن بوجودك يعني مش هتضايق ايمي....بتنهيده طيب خلينا لما يجي بكره نشوف هيحصل ايه ليله...خير ان شاء الله بس اعملي حسابك بكره هتمشي ايمي....احييييييه عليا بت عشري نام بصت ليله علي عشري بسرعه و اتصدمت عشري كان مسلم تماما و نايم نوم مش طبيعي كانه هلكان وبقاله زمن مش نايم ايده علي اخر وسطها و التانيه علي رجله و نايم ليله.....بصت لايمي بحزن عشري تعبان اوي ايمي....شكله باين اصلا و عينه فظيعه و الشباب قالوا منمش حرام صحيه يا ليله ينام جوه ليله....لو صحيته مش هيرضي ينام تاني و بصراحه اخاف يصمم يمشي و يسوق وهو كده ايمي....لا طبعا يسوق ايه خليه هنا ليله....مش هيرضي انا عارفه عشان محدش من الشباب موجود هيتحرج ايمي....يتحرج ايه امال يسوق وهو عينه زي الدم كده بقولك ايه خليه نايم زي ماهو لحد ما الكل يمشي ابقي صحيه ينام جوه ليله...اسيبه نايم قدامهم بالمنظر ده لا مش هقدر ايمي....ما انتي بتقولي لو صحي هيمشي ليله....معرفش بقي بس اكيد مش هسيبه تعبان بالمنظر ده ايمي....طيب بقولك ايه صحيه براحه و قوليلوا تعالي عيزاك وادخلي جوه عالاوضه خديه في حضنك هو بالمنظر ده هيروح تاني و هو نومه تقيل لو نام سيبيه ليله....اممم طيب و الشباب تفتكري حد يزعل ايمي.... لا طبعا امال يسوق وهو بالمنظر ده و بعدين ماهو نايم بت متعصبنيش قومي خدي جوزك حرام شكله ضايع و اللي يزعل يا اختي ياخد مراته في دراعه ليله.... بابتسامه ما انتي هتتاخدي في دراع رشيد انتي كمان ايمي...بابتسامه لا انا جوزي فري مش بعيد يدخل ينام في حضن عشري ليله....بابتسامه طب استني اما ادخلوا ايمي....ماشي بصت ابمي لبعيد و مرضيتش تبص لعشري عشان ميتحرجش لو حس ان حد شافه وهو نايم ليله....بهمس عشري عشري حبيبي هزته براحه عشري عشري فتح عينه بصعوبه و ققلها تاني هزته بسرعه ليله...عشري حبيبي قوم فتح عينه وبصلها بسرعه عشري....ااا ايه مالك مالك ليله....بابتسامه هاديه مفيش يا قلبي ممكن تقوم معايا في الاوضه شويه عيزاك عشري...انا نمت صح نمت ليله....ااا لا لا غمضت بس انا عيزاك جوه شويه عشري...مالك في حاجه وجعاكي ليله... انا زي الفل والله بس عيزاك شويه جوه عشري...طيب طيب يلا قومي تعالي قام عشري بهدوء و هي قامت وراه راحت فتحت باب اوضتها و هو دخل وراها و هو خلاص مش شايف بعينه و حاسس انه هيغم عليه من قله النوم. قفلت وراها و مسكت كفه عشري....ايه يا قلبي فيكي ايه انتي كويسه ليله....زي الفل مالك يا بلطجي قلبك بقي خفيف كده ليه عشري....ما انتي جيباني هنا اكيد في حاجه خوفت عليكي والله ليله....قعدت عالسرير و هي ماسكه كفه وشدته براحه قعد جنبها ولا حاجه بس حضنك وحشني عشري.... بابتسامه تجنن ده بجد ليله....ايه مستغرب وحشني طبعا يلا ارفع رجلك و خدتي في حضنك شويه عشري.....هو انا ممكن اخدك في حضني وانا واقف بس لو رفعت رجلي هسلم راسي للمخده والجدع اللي هيعرف يصحيني ليله...بضحكه تجنن لا با حبيب يانا مش بتحضن علي الواقف و بعدين مش هتنام متقلقش هو حضن صغير قد كده وهقومك عشري..... بابتسامه يابت الرجاله بره يقولوا خدتك و دخلت الاوضه ليه ؟ ليله... بضحك عادي بتحضن عشري...بحب طب تعالي رفع رجل واحده و فرد دراعه وبصلها وهو مش قادر عامل زي الطفل اللي بيقاوم النوم ابتسمت ليله و قربت منه و نامت في حضنه باس راسها بوسه طووووويله و ضغط بكفه علي ضهرها اوي حطت ايدها علي صدره و ضمته جايز كانت بتضحك عليه و عملت خطه بينها وبين ايمي عشان يدخل معاها بس الحقيقه ان حضنه وحشها و حضنته جامد صوت نفس عشري اللي كان بين شوق و حب و لهفه و اشتياق كان مخليها مبسوطه رفعت وشها ليه و مسكت دقنه و ابتسمت ليله......قلبك ماله يا بلطجي بيدث بسرعه ليه انت تعبان عشري....بابتسامه باس مناخيرها اه تعبان بيكي ليله....بضحكه جميله احنا اتفقنا علي حضن مش معاكسه عشري....حاضر يا ستي حضن مش معاكسه ضمته تاني و فضل تحرك كفها علي خده و هي ساكته و هو ساكت دام الصمت بينهم حوالي دقيقتين ثلاثه خست ان كفه بيتزحلق من علي ضهرها بهدوء و رجع رفعه تانيه كانه انتبه و بيقاوم النوم سكتت و سابته فضلت تحرك كفها علي خده دقايق لحد ما كفه فضل يتزحلق و مترفعش تاني عرفت ان عشري نام فضلت قاعده جنبه تاني خافت تقوم فا يبقي لسه متعمقش في النوم و يصحي وهي عارفه ان عشري لو واعي مستحيل يوافق يبات عشان ميضايقش الشباب مر حوالي عشر دقايق رفعت وشها بهدوء لقته في دنيا تانيه خالص و شكله هلكان و مقتول قامت بهدوء و نزلت من علي السرير فتحت التكييف و قفلت الستاره براحه و بعدين قربت منه براحه قلعته الشوز و رفعت الرجل التانيه قلعته الفرده التانيه براحه خالص عشان ميصحاش كانت عايزه تعظل راسه بس خافت يصحي فا سابته يتعمق اكتر في النوم و بعدين ترجع تعدل راسه رفعت عليه الغطاء و باست راسه و بعدين قفلت النور و خدت موبايله و خرجت براحه وقفلت وراها... قربت علي بره و مالت علي حماده باست راسه بصلها وابتسم طبطب علي كفها قعدت جنبه علي ايد الكرسي ليله...ايه يا حبيبي مش هنروق كده شويه ونفك حماده....بابتسامه حزن هز راسه الحمد لله ليله...اكيد الحمد لله بس خد بالك لو فضلت كده هتتغبنا كلنا معاك و هتخوفنا عليك واولهم البت اللي جنبك دي بص حماده علي نعيمه نعيمه....بابتسامه حزينه طبطبت علي كفه التاني ايه يا حماده عايز تخوفني و توجعني عليك انت كمان بصلها بنظره حزن ولمعه في عينه نعيمه.... بابتسامه يعني صاحبك يا عم ضحك عليا و خد الجو بتاعه معاه تفتكر بقي هسيبك كده تزوغ من تحت ايدي انت كمان نزلت دموع حماده في صمت كانه طفل و بقي كتفه يتهز نعيمه.....لا والنبي يا حماده ليله....بس يا حبيبي كفايه والنبي ما تجمد كده يا حماده امال يعني انا عماله اقول البت نعيمه توتو طلعت انت اللي توتو حماده...بوجع حقك عليا يا بنتي نعيمه...بدموع متقولش كده يا حبيبي و بعدين مش انت اللي كنت بتقولي ده نصيبهم حقك انت في ايه بقي ادعيلهم يا حماده ادعيلهم ابويا كان بيقول انه بيحب دعوتك اوي حماده...ربنا يرحمه يارب بدعيله والله بدعيله في كل لحظه هو ونجلاء و بدعي لاخواتك يا حبيبتي يقوموا وتاخديهم في حضنك نعيمه....طيب عشان خاطري بطل عياط بقي زوزو فتنتن عليك علي فكره و بتقول انك مغلبها خد بالك دي شريره ومحدش فينا هيقدر عليها ليله...اه لو فاض بيها هتنفهك يا حماده و تفخنا روق كده يا حبيبي و اهدي بقولك ايه انا عارفه انك بتحب البت بنتك ام لسان طويل بكره غصب عنها هخليها تجيلك حماده....لا لا خليها قاعده معاكي ومع نعيمه انا بخير يا ولاد نعيمه...لا قاعده فين ترجع بقي عشان ترتاح كمان و بعدين انا مش عيزاها بنتك هتولد بسببي خد بالك كل يوم اقومها مفزوعه ليله....بابتسامه اهو شوفت محدش فينا عايزها خدها انت بقي اهي بنتك و تتحملها ياعم حماده حماده...بنظره حزن شدي حيلك يا بنتي عشان خاطر ابوكي وامك يا نعيمه عارف والله انك تعبانه اوي بس امانه يابنتي ورجعت لربك هنقولوا لا احمديه اهو رزقك بيه شويه حلوين و خد امانته تاني اجمدي عشان اخواتك يا ماما ربنا يجمعنا بيهم كلهم في جنته نعيمه.....ربنا يرحمهم يارب الحمد لله المهم عشان خاطري انت كمان خد بالك من نفسك يعني مين بقي اللي هيجي معايا لما نادر يفوق مش انت وحمودي و لا هتسيبوني لوحدي حماده....لا طبعا اسيبك ده ايه انتوا كلكم عندي زي ولادي بالظبط وانتي عارفه كده يا نعيمه نعيمه...عارفه طبعا يبقي روق يا حماده و ادعيلهم و بيتهيالي يعني ان شاء الله ربنا هيريحنا شويه صح حماده...بحزن صح يا حبيبتي صح ربنا يزود صبرك وايمانك و رضاكي يا حبيبتي نعيمه...ويخليك لينا يا حماده انت وحمودي ليله....يكون في علمك لو مرجعتش حماده بتاعي هجيب لزوزو عريس الوليه لسه صغيره نعيمه...بابتسامه خد بالك منها هتقلب علينا كلنا حماده....بابتسامه ماشي يا ستي انتي وهي ربنا يحفظكم من كل شر و يبعد عنكم هم الدنيا وتعبها نعيمه...يارب ليله....يارب يا حبيبي قامت ليله من جنبه براحه وراحت جنب ايمي ايه يا كئيبه رشيد....بتعيط عشان شافت حماده ليله...عايز عروسه يا اختي زهق من امك ابتسم رشيد و هي ابتسمت ايمي....عروسه بعد ايه بقي خرج خدمه هلاص ضحكت ليله ورشيد رشيد...مفيش فايده في لسانها ليله....مسحوبه منه مترتبش اعمل حسابك دي مينفعش تربي عيالك هيطلعوا تربيتهم وسخه صحكوا هما الاتنين رشيد...هما يطولوا ايمي....قلبي ليله....لا اوعي تيجي سكه هتبوظلك الواد و البنات مش هيتجوزوا من لسانهم ايمي...بضحك ما انا لساني زفر واتجوزت اهو رشيد....ولو عالواد العيله اللي مفيهاش صايع حقها ضايع ليله....بضحك خلاص بوظتوا العيال وارتاحتوا لا انا هاخدهم مش هسيبهم ليكم ايمي.....ليه وانتي فاكره انك مش هتدبسي في حد وانا هربي لوحدي خدي حبيبتي واحد و حد تاني واحد وانا هاخد واحد مقدرش انا علي وجع الدماغ انا خلقي ضيق ليله...ياستي ارتاحي وانا هاخد الثلاثه ايمي....بقولك ايه ليله....اييييه ايمي....عشري نام ليله...بابتسامه اه رشيد...ايه ده والله كنت هقولك هو فين عشري فكرته في الحمام ليله....لا خدته دخلتوا جوه لاقيته غمض و مش عايزه حد يشوفوا وهو نايم وتعبان بالمنظر ده بس ادعي لو صحي ميطينش عيشتي رشيد....ليه خليه يرتاح جوزك عامل زي الخفاش منامش ايمي...عشان انتوا يعني متضايقوش لو هو فضل هنا رشيدد..هياكلكم يعني ده مقتول يارب بس انتوا تسيبوا الراحل في حاله ضحكوا هما الاتنين ليله...طيب بقولك ايه ابقي قول انت بقي قدام الشباب عشان محدش فيهم يضايق رشيد....ياستي يضايقوا ليه ما ينام ويرتاح اصلا عشري انتي بيتهيالي مجربتيش قبل كده تشوفؤه مطبق تعبان ليله...لا مره وقت نا عمل العمليه لما خطفني رشيد....بضحك لما خطفني لا لا دي كانت نومه ارهاق انما نومه التعب و تطبيق بالايام لو جدعه صحيه انا بعرفك بس عشان لو حاولتي ومردش متخافيش و اتحداكي انه يصحي الصبح اصلا ده هيفضل نايم لبكره و ممكن يكمل لبعده ايمي...نهار اسود ليه هو مقتول مش هياكل ولا يشرب ولا يدخل التويلت رشيد....والله ولا هيقوم هو بجد تعبان فا سيبوا بقي ايمي....علي الله ميصحاش مصروع علي صوت من صوت نعيمه يقوم يدور فينا الضرب ضحكوا هما الثلاثه ليله...لا خليه نايم براحته بس معلش عرفهم برضوا عشان كأنها جايه منك هو لو فايق والله مش هيرضي يقعد انا عارفه رشيد....تصدقي وتامني بايه ليله...بالله رشيد....مافي اي حد فينا كلنا ممكن يضايق الا عشري ايمي....خير يعني الراجل بيغير وانتوا لا رشيد..مش غيره ولا قلة ثقه فينا بس هو طبعه كده واحنا حافظينه احنا ممكن مع بعض تمام انما هو يضايق و في نفس الوقت برضوا بيعمل حسابنا انا واثق انه لو صاحي مستحيل يقعد هو امبارح مطبق لانه مش عارف ينام من القلق علي ليله حتي قولتلوا كنت خليك معاها قالي لا مش هينفع فا هو ده طبعه ليله...عارفه والله انها مش قله ثقه هو بس زي ما بتقول ده طبعه بيخاف يزعل حد منه رشيد...لا يا ستي زهل ايه بس اصلا هو مينفعش يمشي وهو تعبان بالمنظ ده مش هيقدر ليله....ما عشان كده انا خوفت رشيد....خليه مرتاح .............. في البلكونه ... سلامه....ليه يا قلبي مش حاسه انك عايزه ترجعي مش قولنا كده نهدا و نستني شويه عشان اكيد كل اللي حاصل ده مأثر عليكي ايه....انا هستني والله بس انا بعرفك اني مش حاسه اني هقدر و في نفس الوقت مش عايزه اندم يا سلامه زي ما البنات قالوا بس اللي حصل ده خلي عندي طاقه سلبيه حاسه اني مش قادره اعمل حاجه ولا هقدر سلامه....لا هتقدري الموضوع بس لسه في البدايه و طبيعي تحسي بالطاقه دي ان شاء الله نطمن علي اخوات نعيمه و الجو يهدا شويه و الامور ترجع لطبيعتها هاخدك و نسافر نغير جو عشان نشحن الطاقه دي من تاني انا عارف يا قلبي ان كل حاجه جات وراء بعضها فرحنا و بعدين علي طول فرح نادين وميدو و بعدها اللي حصل فا مخدتيش وقتك في اي حاجه بس انا هعوضك ايه....خالص والله انت مش مقصر يا سلامه زي ما قولت هو كل حاجه جات وراء بعضها سلامه...كل حاجه هتتحسن يا قلبي و انا عارف ان تعب نسمه ونادر لو خف شويه و بقوا وسطنا ده هيخفف كتير فا ربنا يقومهم بالسلامه يارب.. ايه ....يارب يا سلامه انا مرعوبه عليهم و مرعوبه علي نعيمه سلامه... كله هيعدي بامر الله ادعيلهم انتي بس ايه....ربنا يقومهم بالسلامه يارب ............. باب الشقه خبط قام مصطفي يفتح لقي وليد اخو ليله و طالع وشه مخطوف لونه ابيض مصطفي....اهلااا عم وليد وليد....ايه ده درش هنا عامل ايه مصطفي...الحمد لله تعالي اتفضل وليد...مين هنا مصطفي....الامم العربيه المتحده ادخل ادخل دخل وليد و هو مبتسم بس باين عليه انه مش طبيعي سلم علي الكل و باس ليله واطمن عليها وسلم علي نعيمه وبعدين قعد سلمي.....تشرب ايه يا وليد وليد...بطريقه مضحكه مايه بسكر يا سلمي دمي نشف ايمي....انت مالك والله لسه كنت هقولك فيك ايه ليله...مالك مصطفي.....بضحك طلعلوا كلب وليد....بص بسرعه علي مصطفي ولااا انت شوفتني ضحكوا كلهم مصطفي.... بضحك نهار اسود هو طلعلك ده انا بهزر اصلوا لسه كان قافشني من شويه وليد....يخربيت عقلك هو اللي عنل في دراعك كده مصطفي...لا لا انا جريت بس اتخربشت في الباب هو طلعلك بجد وليد.....قطع خلفي ابن الواطيه ليله...بابتسامه هو ماله الكلب و نالك ده هادي والله اكيد انتوا اللي عصبتوه وليد...ورحمه امي ما جيت جنبه ولا شوفته حتي معرفش طلع مره واحده منين نططني ايمي.....لا يكون بقي مسعور وليد....لا هو مجريش عليا علي فكره انا اتخضيت و مشيت بسرعه علي المدخل ملحقنيش بس هو رعبني مش واخد بالي منه اصلا و فجأه هوهو عليا و الدنيا ساكته قلبي وقف رشيد.....شكلك معصبه انت ومصطفي وليد....و الله ولا كلمته ليله....مجاش جنبك طيب وليد...لا لا تمام قطع خلفي بس فضل.....اتلكك بقي يا وليد وليد....بضحك علي رايك سلمي....طيب انت بجد عايز مايه بسكر وليد..بصلها وابتسم انتي لسه واقفه لا بهزر عايز اشرب بس والنبي يا سلمي سلمي....طيب هعملك قهوه وليد...ماشي تسلم ايدك بصلهم ايه نوني عامله ايه نعيمه...بابتسامه الحمد لله يا وليد وليد...يارب ديما و منشوفش فيكي حاجه وحشه انتي واخواتك نعيمه...يارب يا وليد اللهم امين وليد....طيب ايه مفيش اخبار عنهم مش احسن ؟ نعيمه...والله ما بقيت عارفه حاجه يا وليد كلام الدكاتره يطمن بس انهارده نادر قلبه وقف مرتين قدام عيني وليد....بصدمه ده بجد نعيمه....اه والله اسال فصل وليله ماهما كانوا معايا وليد....يعني ايه مش المفروض انه عدي مرحله الخطر فضل....الدكتور قال ان مرحله الخطر عدت بس احنا لسه في مرحله ممكن يحصل فيها تطورات لكن فضلنا موجودين عملوا فحوصات كتير عشان يعرفوا سبب توقف القلب و الحمد لله مفيش اي سبب مرضي وليد....طيب ولحد ما مشيتوا كان بخير صح فضل...اه الحمد لله القلب انتظم و اطمنت عليه كذا مره من وقت ما رجعنا وليد....طيب انتي خايفه ليه هيبقي زي الفل يا بت بيشوف غلاوته عندك نعيمه ....غالي والله يا وليد بس يقوم انا خاسه انهم علي بال ما يفوقوا انا اللي هموت وليد...بعد الشر عنك وعنهم متخافيش والله هيبقوا زي الفل و علي فكره بتحصل يعني عادي حوار ان القلب يقف ده ان شاء الله خير نعيمه...يارب يا وليد مها وتقي والبنات كويسين وليد...زي الفل مها جيالكم بكره هي و اميمه وقمر و تقي عماله تجمع المحاضرات والملخصات لنسمه و انهارده راحت هي و كام حد من صحاب نسمه للدكاتره بتوعها اتكلموا معاهم قالتلك نعيمه....لا والله هي كانت قيلالي هتجمع المحاضرات وليد...لا راحت و حتي انا كلمتها و قالتلي ان الدكاتره كلهم طلعوا متعاونين جدا وفي منهم قالولها هيظبطولها الدنيا و يعملوها تسجيل للمحاضرات و لما تفوق هيشتغلوا معاها اونلاين لكل اللي فاتها نعيمه...بابتسامه حزن الحمد لله يارب تفوق هي بس و تبقي بخير وليد...هتبقي زي الفل والله وهنفرح بتخرجها احمد.....فيهم الخير والله ماريز...اه والله محترمين ربنا يجازيهم خير سلمي....اتفضل يا وليد وليد....تسلم ايدك يا سلمي سلامه...فين يا بنتي المايه بسكر وليد....بضحك ما بلاش انت ولا عشان مراتك بتحب الكلاب ايه....والله لو طلع كلب وانا معاه هيسيبني ويجري سلامه....طب تصدقي لو طلع هسببك بجد وليد....بنتنا مبتخافش ياعم سلامه ايه.... بابتسامه والنبي مش مكسوفين من نفسكم و انتوا خايفين من كلب مصطفي....اشوفه بيجري وراكي يارب حنان...ياواد ليه حرام عليك محمود...انا مشفتوش و انا طالع تامر...ولا احنا مكانش في كلاب ايه...باااس يبقي ده عفريت مصطفي...منك لله انا ناقص رعب وليد....بضحك اهو راضي عن الكلب الوقت احمد...الكلب اخره تطعيم انا العفريت هيبهدلوا مصطفي....بضحك شكرا يا عم احمد علي الرعب الاورجانيك ده وليد....بص لليله انتي جوزك فين صحيح ليله....نايم فضل...ايه ده عشري نايم؟ ليله....انا خليته يريح جوه شويه لانه مش قادر كان بينام و خوفت يسوق و هو تعبان كده وليد....لا خليه احسن ينام ويرتاح رشيد.....هو هينام هنا انهارده كينفعش ينام بمنظره ده عشري منامش ولا داق النوم بقالوا اربع ايام ليله....علي فكره انا واثقه انه هيزعل مني عشان سيبته ينام بس هو بجد مش قادر و كان لازم اخليه يتراح شويه فضل...انا صحيت انهارده لاقيته صاحي بره منامش خالص و منظر عينه فظيع سيبك منه خليه يرتاح عسال....هو اصلا مش هيقوم خالص الوقت سلامه...معاكي علي بعد بكره كده احمد...هو نومه تقيل حسان.....مش حوار نومه تقيل بس عشري ممكن يطبق بالايام لكن وقت ما يسلم راسه للمخده حقيقي مبيحسش بالدنيا سلامه.....بابتسامه لا وممكن تصحيه و تكلموا و يرد عليك و ممكن تسالوا علي حاجه ضايعه منك يقولك هي فين ولما يصحي بقي بجد ميبقاش فاكر اي حاجه حماده...النوم سلطان يا ابني و البني ادم لنا يبذل مجهود كبير و يفضل صاحي وقت ما بينام مبيبقاش دريان بالدنيا سيبوه يرتاح وينام و يبقي يقوم وقت ما يقوم براحته عسال....بس ابقي خليه ياكل يا ليله بالله عليكي هو فطر معلنا الصبح حاجه بسيطه وكان علي 11 تقريبا وانا كلمته كذا مره لما جابكم و مشي مكلش حاجه ليله....ماهو انا خايفه اصحيه يعرف انه نام هنا من غيركم يتحرج و يمشي و انا مش عيزاه يسوق و هو تعبان كده وليد....ياستي سيبيه الهلكان مش هيدور علي اكل مش هيفرق معاه غير النوم هو لو جاع هيصحي عسال....ولو صحي و صمم يمشي خليه يجي علي شقه نادين ميرجعش زايد متاخر ليله.....ماشي تمام رشيد....سيبوه هو مش هيصحي والله الوقت خالص ليله.....انا هسيبه احد الصبح علي الاقل عشان حتي لو مرضيش ينام تاني يبقي ارتاح شويه رشيد..اه احسن كده فضلوا يتكلموا مع بعض شويه كلهم و بعدين قرب وليد من ليله بهدوء وليد....ليله عايزك شويه ليله....طيب قوم في البلكونه قام وليد مع ليله وليد....بعد اذنكم شويه جماعه احمد..اتفضل يا حبيبي حسان....اتفضل يا وليد سلامه....اجي معاكم وليد.....بابتسامه تعالي يلا سلامه...حبيبي دخل وليد مع ليله في البلكونه ليله...تعالي اقعد قرب وليد قعد جنبها ليله....ايه في حاجه ولا ايه وليد....لا مفيش امسكي المفاتيح دي بتاعت المدفن ابقي اديها انتي لنعيمه اي وقت تاني ليها ولاخواتها عملت لكل واحد نسخه بس بصراحه مش حابب اضايقها الوقت و ده ليكي انتي ليله....ما انا معايا و بعدين ما انت اديتها تقريبا يوم الدفن ولا انا مهيسه وليد....لا مش مهيسه اديتها فعلا بس انا غيرت القفل انهارده وعملت نسخ لينا كلنا حتي معايا نسخه لاميمه هديها لمها تديهالها بكره و كده كده قمر وقت ما بتروح بتبقي مع اميمه ليله...طيب وغيرت القفل ليه وليد.....روحت انهارده مكانش راضي يفتح نهائي القفل قافش هو بقاله كتير متغيرش تقريبا الراجل الله يهديه غسل الباب فا المايه عملت صدا علي القفل مرضيش يفتح روحت جبت قفل و كسرنا ده و حطيت الجديد وطلعت نسخ زياده لينا ليله....طيب تمام هبقي اديهم انا لنعيمه وليد....طيب تمام قوليلي بقي يا قلب اخوكي عامله ايه الوقت ليله....زي الفل يا حبيبي وليد..احسن الحمد لله ليله...اه والله بخير متقلقش انت عارف اختك بتعدي وليد....يمكن انا معرفتش اقعد معاكي من وقت اللي حصل لوحدنا بس في حجات اكيد لازم تعرفيها اولهم اهل عشري يا ليله ليله.....بصتلوا باستفهام مالهم ؟ وليد...دعوه امك ليكي في الارض يا ليله ابتسمت ليله بهدوء ليله...عارفه وليد....يمكن تبقي عارفه بس مشوفتيش بصراحه وقت ما حصل اللي حصل و لاقيت رحاب بتحكي ان انتي كنتي عارفه و مرضتيش تقولي وكل الكلام ده اول حاجه جات في بالي اللي هيفكر يضايقك سواء عشري او اهله مش هسكت لان قلقت انهم يشوفوا انك سبب في ده و دول ناس عرباويه زي الصعايده العيال بتفرق معاهم اوي و قلقت بصراحه من ابوه و امه قولت هيلموكي طريقتهم معاكي هتبقي مس احسن حاجه ممكن عشري ياخد وقف فا قولت اللي هيقرب منك مش هسمي عليه بس بصراحه ربنا اللي حصل صدمني اول حاجه عشري كل مشكلته كانت مع رحاب و خوف عليكي هو مسالش عن اللي في بطنك ولا كان مهتم ودي اول حاجه طمنتني بس كان مضايق عشانك و خايف لقيت ابوه جه و الله يا ليله الملام اللي قالوا خلاني من غير ما احسن ابتسمت و ارتحت ليله...بابتسامه هاديه وحزينه قال ايه وليد....هو حاول يتكلم مع عشري كلمتين عشان يفوقوا كده شويه و قالوا مش هتبقي ابني ولا اعرفك لو فكرت تتكلم مع ليله او تضايقها البت دي جدعه و اللي عملتوا عشان الكل يتحط عالراس في جمله قالها وقعت قلبي ثواني بس هو لحقني لقيته بيقولوا انا راجل عرباوي و عايز كل ولادي يكون معاهم عيال قولت بس هيقول ايه ده في اليوم اللي مش عايز يعدي لاقيته لحقني قالوا لو مش هتجيب عيال طول عمرك كفايه انك معاك ليله وانا عن نفسي مش عايز اشوف احفادي منك لو مش من ليله هنا حسيت اني ارتاحت ابتسمت ليله ابتسامه تأثر وليد....حسيت وقتها قد ايه الراجل ده بجد بيحبك و قد ايه احترمته حتي امه والله يا ليله كانت هتتجنن و مبطلش دعاء ليكي حتي لما خرجتي قبل ما تفوقي بقت عماله تقرا قران و تدعي وام فضل كمان و مرات علي وعمر و سليمان ومحمود كلهم كانوا مضايقين عشانك بجد و حبهم باين ليكي بس بجد اللي اثر فيا هو ابوه ليله....ده حبيبي ده انا عارفه ان هو وامونه بجد بيحبوني كان نفسي افرحهم بس مليش نصيب وليد....هتفرحيهم و هتفرحي انتي وعشري و هتفرحينا يا ليله المهم انك كويسه الوقت اي حاجه تانيه تتعوض المهم حطي الناس دي في عينك يا ليله هما بجد بيحبوكي ناس ولاد اصول ليله.....متقلقش يا وليد ربنا عالم غلاوتهم عندي قد ايه وليد.....بأبتسامه نيجي بقي لاخر حاجه تخص عشري ليله....حاجه ايه ؟ وليد...عايزك تطمني و ترتاحي من ناحيه شقه امك اعتبري المووضع محصلش و البيت زي ماهو لا في حاجه هتتباع ولا حاجه هتروح منك بصتلوا ليله بصدمه و كأنها اصلا افتكرت حوار فرحات اخر مره كانت بتوصل نعيمه كان هو المفروض رايح مع وليد وعمر يقابلوه اللي حصل نساها كل ده و بصتلوا وهي مبرقه. ليله.....انا نسيت يا وليد بجد خلص طب ازاي وليد...بابتسامه جوزك يا ستي خلص كل حاجه هو وعمر بصراحه عمر كمان مقصرش ليله...طيب امته وازاي انتوا اصلا مقابلتوش فرحات يومها لما عرفتوا اللي حصل مشيتوا صح وليد....صح و ان جيتي للحق لولا عشري فكرني انا كمان كنت هنسي زيك بسبب اللي حصل ده بس عشري فضل فاكر الموضوع و هو وعمر مبطلوش كلام مع محامين و مع الناس اللي تبعهم من جوه الحي في شبرا كان معاهم واسطه محترمه وصلت للناس بتوع الحي و خلصنا الحوار و طلع فرحات الكلب فعلا متفق مع موظف من جوه و مديله مبلغ محترم و كان قايلوا ان بعد ما يتم اخلاء البيت من السكان ويبدا تنفيذ الهدم هيديه باقي الفلوس الراجل خاف واعترف و طبعا فرحات الجبان لما عرف بقي عنال يكلمني و يتحايل و يعتذر خايف الموضوع يقلب علي دماغه عشري كان مصمم يوديه في داهيه بس عمر قالوا خلاص سيبه هو هيتربي بعد كده و هو خاف فعلا ليله....يعني البيت سليم زي ما انا قولت صح وليد...زي الفل مفيش اي حاجه انا بقولك كان متفق مع موظف من جوه طبعا دي قرصه ودن ليه هو والموظف و الورق نفسه المزور مع عمر و قالهم اي لعب تاني هيوديهم في داهيه لان الواسطه اللي تبعهم ده بعت موظف تبعه يكشف عالبيت والتقرير جاي ان البيت كويس ومش محتاج ازاله فا طبعا هما مرعوبين ليله....يا ابن الكلب يا فرحات وليد....خدي بالك هو بجد مرعوب و الفتره الجايه هتلاقيه بيحايل فينا ليله....طب والناس اللي طلعت من البيت يا وليد محدش عرفهم وليد....في اتنين بس اللي خدوا الفلوس وطلعوا الباقي مكانوش لسه سابوا البيت معرفش بقي هيوصلوا ليهم و لا هيحصل ايه المهم ان شقه امك يا ستي زي ماهي والفضل بصراحه لعشري و عمر اخوه ليله....هو عمل كل ده امته عشري مسبناش الاربع ايام اللي فاتوا ده اول يوم انهارده يمشي شويه و رجع علي طول وليد.....كان متابع كل حاجه بالموبايل و عمر بصراحه كان مهتم وانا انهارده طول اليوم كنت معاه لحد ما خلاص اطمنا عشري لما قالي من بعد وفاه نجلاء وعادل كان علي فكره وقت الدفن كان معاه مكالمه وقتها و خرج بره لو تفتكري بعدها نادي عليا وقالي ابعت رقم فرحات افتكرت بقي وقتها الحوار بصراحه هو كان مهتم يرجع البيت او يشوف حل و منسيش ابدا عشري بيحبك يا ليله ليله.... بابتسامه وانا بحبه يا وليد اينعم هو قالي اطلعي من الحوار بس يمكن لو كان نسي كان هيبقي ليه عذره مكنتش هزعل بس انا بصراحه اتفاجئت انه فاكر انا نفسي نسيت غصب عني و مفكرتش اصلا في حوار الشقه ده انت اللي لسه مفكرني وليد....عشري موبايله مكانش بيسكت حتي لما كنت بكلموا مشغول علي طول او ويتنج يقولي كنت بكلم مش عارف مين في الحي مش عارف بكلم رتبه ايه قريب مين من طرف ايه يعني مقصرش بصراحه ليله...هو مش بيقصر اصلا طيب قولي متعرفش يعني في مصاريف او حاجه اتدفعت انا عارفه اني لو سالته سؤال زي ده هيطين عيشتي بس ابقي عارفه علي الاقل وليد....والله يا ليله مش عارف لان عمر اللي كان بيتحرك بس انا سالت عمر انهارده قالي والله ما في اي مصاريف غير حجات بسيطه لتحركات الموظفين بتوع الحي اللي بيبعتوهم يعني كان بيراضيهم حاولت اعرف منه مرضيش ابدا قالي والله كلها حجات تافهه و الموضوع خلص مجاملات من معارفهم ليهم قالي محدش فيهم بيحتاجنا بنقصر فا هنا بيردوها لينا و احنا بنتعامل كده مع بعض بس لو عرفتي اي حاجه برضوا من عشري عرفيني ليله....تمام هقولك بس هو يقول وليد....اتبسطتي وارتاحتي يا ستي ليله...الحمد لله انا كنت هتجنن يا وليد والله بيتهيالي لو كنت اتصدمت في موضوع الشقه في التوقيت ده كان هيجرالي حاجه مش وقته خالص وليد....بعد الشر عليكي الحمد لله عدت علي خير ليله....الحمد لله. ............ بعد وقت مشيوا كلهم و فضل البنات مع بعض و عشري نايم. دخلت ليله بهدوء علي جوه لقته زي ما سابته قربت منه بهدوء رفعت راسه شويه و حاولت تظبط المخده جسمه كان تقيل عليها و نايم نوم عميق غطيته كويس و قعدت جنبه علي حرف السرير فضلت بصاله و مبتسمه و هو كفه في ايدها و بعدين قربت كفه من شفتيفها باسته بحب خدت نفس عميق و قامت باسته من راسه و راحت خدت بجامه دخلت خدت شاور و غيرت و بعدين خرجت بهدوء و سابته نايم ملقتش حد من البنات بره راحت علي اوضه نعيمه لقتهم معاها كلهم و بيتكلموا ليله....بتعمل ايه ؟ سلمي.....قاعدين شويه مع نوني مش جايلها نوم ليله....قربت قعدت معاهم و ابتسمت مش ملاحظين ان. نوني مبقتش تنام كتير ولا تتقلب مره واحده وهي قاعده نعيمه.....هيجي النوم منين يا ليله خايفه انام والله ليله....لا متتلككيش انتي من وقت ما رجعتي من الامارات وانتي مش بتنامي كتير نعيمه...بابتسامه سخريه ما هو الصواريخ اللي كنت بشوفها وبسمعها طيرت النوم شويه و الوقت النوم طار خالص ايه.....طيب انتي عارفه بقي انا عندي احساس كبير ان بكره هتسمعي خبر يفرحك و حد من اخواتك هيفوق نعيمه...يارب يا ايه يسمع منك ربنا نادين...والله وانا كمان حاسه نفس الاحساس و حاسه ان اللي حصل لنادر ده كانت اشاره انه بيفوق او هيبدا يفوق زي ما الدكتور قال نعيمه...يارب يا بنات احسن انا خلاص تعبت ايمي....هانت يا نعيمه والله انا اللي مرعوبه علي ابويا ليله...انتي لتزم ترجعي بكره يا ايمي و اسمعي كلامي ابوكي نفسيته مش هتتحسن الا لو روحتي قعدتي معاهم هو بيحب يرغي معاكي و يقعد اكيد هيتحسن نعيمه.....اه يا ايمي بالله عليكي روحي بكره والله انا بخير يا قلبي و اصلا مفيش حاجه تتعمل هنا انا بصحي اروح انا وفضل و بفضل هناك شويه و بعدين برجع اقعد زي ما انتي شايفه كده و بكره باذن الله هروح كمان ازور امي وابويا انا مروحتش ولا مره لحد الوقت اتلهيت شويه مع اهواتي ومع ليله كنت مرعوبه اسيبهم بس بكره بامر الله لو اخواتي كويسين هروح ايه....انا هاجي معاكي نادين...وانا ليله.....انا كمان هاجي معاكي نعيمه...لا انتي تقعدي هتيجي تعملي ايه لما تتحسني خالص ابقي تعالي معايا و انتي هتروحي و انتي هتروحي عيادتك سلمي....انا هروح بعد بكره بس بكره هاجي معاكي نعيمه....يا بنات متتعبونيش بقي والنبي سلمي...ما احنا لسه فاضيين انتي مالك انتي ليله....طيب بمناسبه بقي انك فتحتي الموضوع ده وليد جايبلك نسخ من المفاتيح بتاعت المدفن بس محبش يدهملك عشان متضايقيش قالي انا ابقي اديكي نعيمه....يا بنتي ماهو اداني وقت الدفن ليله...لا ماهو الراجل كان بينضف المدفن و بيرش مايه تقريبا غسل الباب و هو اصلا القفل متغيرش من فتره فا عمل صدأ و مرضيش يفتح وكسره نعيمه....طيب كويس اني قولت قدامك بدل ما كنت اروح والاقيه مش بيفتح ليله....لا ما حتي لو كنتي روحتي الراجل هناك معاه نسخه انا بس عايزه ابقي ابعتلك رقمه يبقي معاكي عشان لو روحتي اي وقت من غيري و حابه تخليه يرش مايه يظبط المكان اتصلي عليه اوقات بيبقي مختفي بس موجود في المكان يعني نعيمه....طيب تمام ليله....انا كده كده مش هسبيك تروحي لوحدك خالص بس عشان لو حصل وروحتي يعني نعيمه....تمام المهم الوقت تسمعوا كلامي كلكم عيزاكم بكره ترجعوا ليله....انا قاعده معاكي شويه ملكيش دعوه بيا انا اصلا لو روحت هناك هنزل عشان الشغل فا هيبق يمجهود عليا لكن من هنا اقرب و ابقي جنبكم نعيمه...يا ليله عشان جوزك حرام اديكي شايفه منظره لياه...والله همشي اطمن بس ان اخواتك فاقوا و انتي متطمنه هروح علي طول بس انتي بكره هتمشي و انتي يا سلمي كمان و انتوا الجوز برضوا ارجعوا ايه...انا قولت شويه انا فاضيه اصلا نادين....وانا عادي ممكن اقعد انا و ميدو في الشقه جنبكم مش هتفرق بس ابقي جنبكم نعيمه....لا ما انتوا هتسمعوا الكلام علي فكره ريحوني بجد يا ستي انتي وهي روحوا يومين و تعالوا يوم و مشوا الدنيا لكن مش علي طول كده روحوا يومين افصلوا و ابقوا تعالوا تاني نادين...لما يجي بكره طيب نشوف هنعمل ايه ليله...ايه ساكته ليه يا مصيبه ايمي...بسمعكم ليله...هتروحي بكره ماشي ايمي ...بصت لنعيمه مش عايزه اسيبك علي فكره نعيمه....لا سيبني انا اللي بقولك عارفه انك هتمشي غصب عنك بس لازم تروحي حماده صعب عليا والله ياللي معندكيش دم انا اللي كنت بحاول اهون عليه روحي والنبي وكلميني كل شويه يا ستي ايمي...بتنهيده حزن ماشي يا نوني بكره باذن الله هروح بس هجيلك تاني نعيمه....تيجي لو انتي عارفه اني محتجالك غير كده ارتاحي ابوس ايدك عايزينك تقومي بالسلامه انتي و العيال دي بقي ايمي محدش فينا حمل وجع تاني والنبي عايزين نفرج او نفوق شويه من اللي احنا فيه حافظي علي نفسك وعليهم عشان تفرحينا شويه ايمي....حاضر يا نوني ربنا يعظيها علي خير ايه...هتعدي يا اختي لو بطلتي فرك ليله...قوليلها والنبي عشان دي عندها فرط حركه سلمي...لا ايمي هتسمع الكلام وهتلتزم ليله....بنات عندي ليكم خبر فرحني شويه حابه اقولهلكم نعيمه...قولي اي حاجه والنبي نادين...خبر ايه يا لولي ايمي....في ايه ليله.....الشقه بتاعت شبرا خلاص مش هتتاخد مني ايمي....ازاي نعيمه....ده بجد والله ليله....اه والله وليد اللي قالي سلمي...تصدقي اني نسيت حوار الشقه نعيمه...ايه ده صحيح هو المفروض كانوا رايحين لصاحب البيت يوم الحادثه صح ليله...اه بس لما عرفوا مشيوا وليد قالي ان عشري و عمر اخوه طول الايام اللي فاتت مش ساكتين و خلصوا كل حاجه و اتعرف ان فرحات الكلب كان مدي رشوه لموظف في الحي و كان معاهم واسطه يعني ظبطوا كل حاجه نعيمه...طيب الحمد لله يارب نادين...الحمد لله مبروك يا لولي ليله....الله يبارك فيكم يا بنات سلمي....كنت واثقه ان الحوار مش صح الحمد لله ربنا كريم ايه...مبروك يا لولي اطمني بقي ليله...ارتحت والله يا ايه الحمد لله انا كنت ناسيه علي فكره لما وليد قالي اتصدمت ان عشري اصلا كان فاكر وسط كل اللي كنا فيه ده نعيمه.... والله عشري ده غلبان و بيحبك و بصراحه عمر اخوه طلع جدع هو كمان سلمي....عمر محترم جدا علي فكره ايمي.....طيب قوليلي عملوا ايه في الراجل اللي اسمه فرحات والموظف ليله....وليد بيقولي عشري كان مصمم يوديه في داهيه بس عمر قالوا خلاص سيبهم الورق المزور اللي معاهم ماسكينه عليهم يوديهم في داهيه يعني قرصه ودن ايمي....والله عمر ده قلبه علــ /ق و جوزك كمان مكانش سمع كلامه ضحكوا كلهم علي ايمي سلمي...يا ستي خلاص مش مهم المهم ان الشقه رجعت واهو اتربي ايمي....لا يا اختي اللي زي دول لازم يتربوا و ياخدوا عقابهم اللي يستحقوه لان ديلهم نجس و مش بيتعظوا و ده راجل وسخ وطماع كان لازم يتربي ليله....صراحه في دي معاكي حق خصوصا. لما عرفت ان الناس اللي خدت فلوسها ومشيت معرفوش و معرفش بقي فرحات الكلب ده هيتواصل معاهم ويرجعهم ولا لا ايمي....لا طبعا ده لو اتعظ فعلا كان كلمهم هما اول ناس و رجعهم بيتهم انما ده وسخ و الله جوزك غلط انه سمع كلام عمر ليله.....يلا خير ان شاء الله حد من الجيران يعرف يوصلهم انا لو اعرف والله مش هتردد و هو مش هيقدر ينطق عشان الورق اللي مع عمر ايمي....لو عرفتي والله اعملي كده حرام الناس ملهاش ذنب شوفي كانوا بيدفعوا كام والوقت هيدفعوا كام ليله....هعمل كده والله لو عرفت عنهم حاجه ايمي.....مبروك يا لولي اهم حاجه انك مبسوطه ليله....الحمد لله يمكن مبسوطه كمان اكتر ان رغم كل ده عشري منسيش ايمي.... بابتسامه بيحبك يا قمر ليله.... بابتسامه عارفه نعيمه....شكلوا تعبان اوي ليله... يا بنتي ده نام وانا بتكلم انا وايمي بره معاكم ايمي لمحته نايم قومته بسرعه دخلتوا جوه ضحكت عليه وقولتله عيزاك عشان يرضي يدخل ايمي....سيبيه ينام و يرتاح نعيمه....بصراحه كلهم تعبوا اوي عارفين يا بنات اللي حصل ده خلاني شوفت حجات كتير مكنتش شيفاها او جايز كنت شيفاها بس مش حاسه بيها يعني مش هكدب عليكم انا من وقت ما سافرت لحد ما رجعت و اللي حصل في الحادثه و انا عماله اكتشف حجات في الناس اللي حواليا جايز مكنتش مقدره قيمتها بس بجد في ناس طلعت بجد جدعه اوي يعني الحمد لله انا محدش طلع مش جدع معايا بس في ناس مكنتش اعرف انها جدعه اوي كده ايمي.....الشده يا نعيمه بتبين معادن الناس نعيمه....يااااه يا ايمي اوي بجد يعني خلتني كمان حسيت انا قد ايه كنت تافهه بعلق علي حجات هبله و مش بقدر اوي اللي قدامي بيعمله او مكنتش فاهمه ان في حد بيحبني اوي كده غيركم يعني لما سافرت بجد نفسيا كنت تعبانه و حاسه ان محدش بيحبني و جايز قبلها غلطت كتير في حق اكتر من حد فا كنت شايفه اني ابعد احسن عشان الناس ترتاح مني شويه بس بجد حسيت بحب كل اللي حواليا لما سافرت ولما رجعت بس كل ده كوم و الاسبوع اللي احنا فيه ده كوم تاني ليله....مين اللي مش بيحبك يا هبله كلنا بنحبك يمكن انتي اللي مكنتيش حاسه بده الا لما بعدتي عننا بس مينفعش تشكي في حبنا ليكي يا نعيمه يابت ده احنا ملناش غير بعض نعيمه....عارفه يا ليله والله و عارفه بتحبوني قد ايه انا اقصد باقي الناس يعني في ناس بجد اكتشفت قد ايه هي حلوه اوي و انا كنت واخده عنهم فكره وحشه زي مثلا علا ربنا يسامحني بس مش عارفه ليه كنت حاسه اني مش طيقاها لله في لله كده من غير ما تيجي جنبي سلمي...بابتسامه علا طيبه والله و محترمه جدا نعيمه... اوي والله وحبيتها علي فكره لما سافرنا وقت فرح نادين اكتر بس وقفتها معايا حسيتها من قلبها يعني محستش انها بتجاملك او بتجامل حسان وبتعمل ده عشانكم لا طلعت فعلا زي ما قولتي عليها محترمه وذوق ايمي....بابتسامه انتي بس اللي كنتي غيرانه علي سلمي نعيمه...دي حقيقه كنت مضايقه عشان سلمي حتي حسان مكنتش طيقاه و هو حس وقالها فاكرين ضحكوا كلهم عليها نعيمه....اه والله بس مش كرهه والله هو بس غيره علي سلمي لاني بحبها و كنت وقتها شايفه انها تستاهل احسن حاجه في الدنيا بس بصراحه حسان راجل وجدع و يعتمد عليه و يمكن عشان ربنا بيحب بجد سلمي رزقها بيه سلمي....بابتسامه ايه ده يعني رضيتي عنه خلاص ارتاح نعيمه...بضحكه هاديه لا رضيت اوي شكلي هحبه اكتر منك سلمي....بضحك كمان لا ارجعي متطيقهوش احسن نعيمه...لا والله انا كنت بفكر بطريقه غبيه اللي هو ده كان متجوز و عنده بنت و علاقته كويسه بطليقته و ده ممكن مع الوقت يعمل مشاكل لسلمي بس اكتشفت انه حسان مش الراجل ده و علا بجد ست محترمه و ذوق لا والله حبيتها بجد حتي وهي بتحضني تحسيها بجد بتحضن من قلبها ليله.....علا ست جميله و حسان راجل جدع و سلمي ربنا بيحبها زي ما قولتي و علي فكره شادي كمان راجل يجنن محترم بجد و الحقيقه انا شايفه ان العلاقه دي حلوه بسبب وجود شادي و سلمي لان هما الاتنين لو في طرف فيهم مكانش متفهم و محرتم علاقه حسان وعلا كان اكيد جوازه حد فيهم هتفشل بس الاتنين عاقلين و بنتنا بالاخص عاقله سلمي...بابتسامه بصراحه شادي فعلا حد محترم اوي نعيمه.....كمان الشباب كلهم زي حسان محدش فيهم قصر في اي حاجه كلامهم عليا ان محدش فيكم هيسيبني و ان محدش مضايق علي قد ما انا مش عايزه ده يحصل بس فرحني يعني بالاخص سلامه ميدو حسان لانهم لسه عرسان جداد لكن بجد انا مبسوطه اوي فضل كمان تعب رغم اني كنت مطلعه عينه قبل الحادثه انا وامه بس نسي كل حاجه و مرتاحش لحظه اخواته بصراحه و اخوات عشري وابوه وامه ايه ده بجد سلمي...بصراحه هما ملهم بجد محترمين و اخوات فضل و عشري بجد انا عارفه انهم جدعان بس متخيلتش وقفتهم تكون كده ايمي....يجننوا بصراحه كلهم محدش قصر حتي مرات كل واحد فيهم نعيمه...خالص والله يا ايمي و بعيدا يعني عن الربع اللي ممكن اسمعه منك انتي بالاخص يا ايمي بس حتي رحاب طلعت جدعه اينعم هي غلطت في حوار ليله بس انا بتكلم عن وقفتها يعني انا نفسي متوقعتهاش ايمي.....بصي اختلفت او اتفقت معاها في حوار ليله بالذات لكن مقدرش اقول ان موقفها كان عادي بصراحه هي رغم اللي حصل مننا ده كله انا قولت مش هتبؤج العزاء هتخاف حد يقولها حاجه بس جات و كنت شايفه انها جايبه مصاحف وبتوزع سلمي...ايوه فعلا انا وهي و نادين كنا بنوزع مع بعض وهي مقعدتش بصراحه و محستش ان هي بتعمل ده تصليح موقف حسيت انها بتعملوا من قلبها ليله.....دي حقيقه هي بجد زعلانه عشان نعيمه و بجد والله البنت مشكلتها بس انها متعرفش دماغنا لكن هي كويسه و بجد والله مسابتنيش و حاولت كتير معايا ايمي.....لا هي كان واضح انها بتعمل ده من جواها و مجامله بصراحه نعيمه.....فعلا اللي حصل ده خلاني قربت من ناس اكتر فهمت ناس مكنتش فهماها و يمكن خليني كمان اتكلم عن تفطقي طبعا تقي انا مش لسه بتعرف عليها دي يعتبر كبرت وسطنا بس والله يا ليله البت دي نسخه منك و من جدعنتك كنت شيفاها طول العزاء واقفه تكلم ده وتكلم ده كانها ما صدقت صحاب نسمه اتجنعوا مع بعض عشان تكلمهم و مكنتش اعرف انها راحت والله انهارده الا لما وليد قال ايمي....دي صحبتها يا هبله احنا بنموت عشان بعض اهو وهي اكيد هتتجنن عليها نعيمه...عارفه طبعا بس اقصد اني متوقعتش ان تقي بتحب نسمه اوي كده لدرجه انها سايبه خوفها عليها و بتحاول تظبط حياتها من قبل ما تفوق وعلي فكره اللي هي عملتوا ده يمكن من غير ما تحس خلتني عندي امل ان هيي هتقوم يعني مش واقفه حاطه ايدها علي خدها لا دي بتحاول تظبط كل حاجه كأنها متاكده ان هي هتقوم وتبقي كويسه خلتني ارتاح شويه ليله....بابتسامه هاديه و ان شاء الله الامل ده هيبقي في مكانه و هنطمن عليها وهتقوم نعيمه...يارب يا ليله محدش قصر معايا خالص و بصراحه اخواتك يا ليله و انتي و اللي عملتوا معايا ليله....اهي هتتجنن بقي يابت احنا منتحسبش مع اي حد ده انتي لسه بتتعفي علينا و بتكتشفينا نعيمه...لا طبعا بس اي وقفه وقفتوها معايا قبل كده كوم و الوقفه دي كوم تاني يا ليله من اول اميمه اللي وقفت علي غسل امي وغسلته و وليد علي غسل ابويا و اللي عملوا في المدفن و انتي مترددتيش لحظه انهم يتدفنوا في المدفن بتاع ام ليله...انتي يا بت عبيطه ده لو غريب و في نفس موقفك هعمل كده مش هعمل كده مع نجلاء وعادي اللي كنت بعتبرهم زي ابويا وامي ايمي....متبقيش هبله يا نعيمه احنا اللي بينا كبير نعيمه...والله عارفه ويمكن مش ليله واخواتها بس انا فجاه لاقيت حماده وحمودي و حتي حماكي يا ليله و ابو فضل و ميدو لا بجد كلهم يجننوا محدش اتردد لحظه لما لقاني مش فاكره ولا اعرف حاجه عن المدفن حقيقي الأزمات بتكشف عنك الحجاب ايمي...يمكن ممش بحب المواقف دي بس بجد هي بتظهر معدن البني ادم اكتر من اي مناسبه عاديه نعيمه...دي حقيقه و انا حاسه اني كنت مغيبه بجد اينعم مكنتش اتمني يوم ما افوق اخسر امي وابويا بس موتهم خلاني فوقت لحجات كتير.. سلمي...الحمد لله علي كل حاجه يا نوني ربنا مش بيعمل حاجه وحشه نعيمه...الحمد لله اكيد طبعا تعرفوا ان في ناس قرايب ابويا من بعيد لما جم يعزوني مكنتش عرفاهم و هما اللي عرفوني بنفسهم ليله.....لا عادي د هتقابليها كتير ايمي....بلا نيله انا اغلب عيله ابويا و عيله امي معرفش عنهم حاجه يعني من بعيد لبعيد كده سلمي.....حتي عمي علي فكره وقت كتب الكتاب انا مكنتش تقريبا شوفته من سنه مثلا في العادي هو علي طول مشغول او بيسافر او وقته مش ملكه و اصلا بابا اللي بيسال عليه ديماً نعيمه.....بس دي مش حاجه حلوه يعني مش قصدي حاجه عشان متفهمونيش غلط متخيلين ان اللي مش من دمي هما اللي واقفين جنبي و اللي من دمي شكلهم متغير عليا اصلا و هما اللي بيعرفوني بنفسهم ايمي....قصدك ايه يا تربيه وسخه نعيمه....يا بت مش قصدي انتوا و الله العظيم لو اتحطيتوا قدامهم في كفه اكيد انتوا اللي هتكسبوا انا اقصد اي حد لسه عرفاه من وقت بسيط او معرفتنا مش صله دم يا ستي ده توما مسابناش انتوا متخيلين توما اللي بيسيب مكانه بالعافيه فضل قاعد من اول العزاء لاخره ايه...بصراحه توما ده انا بموت فيه بجد ليله....لا توما جدع لو هنتكلم عنه فا ده واحد يفهم في الاصول محترم و اكتر حاجه بتعجبني فيه انه بجد مش بينسي وقفه اي حد معاه ايمي.....بموت فيه احيه عليا انا لو كنت رايقه كان زماني موت من الضحك كل شويه يقرب مني و يقولي ايه هو في ايه ملموممين علي البت كده ليه ما يسيبوها في حالهم نعيمه....عليا ايمي...بضحك اه كل ما حد يجي و الناس تتجمع وهي داخله او خارجه قدامك تحسي انه جاله ضيق تنفس نعيمه....علي فكره انا فعلا في وقت كده يعني في نص العزاء بجد مكنتش قادره اتنفس في مجموعه جات وراء بعض بقوا يدخلوا حسيت مش قادره خلاص و اتخنقت ايمي... اهو حس بيكي بس كالعاده يموت من الضحك والله ليله.....انتي شوفتي نور يا نعيمه صحيح جه و سلم عليا و عليكي بس حسيتك مش مركزه سلمي...نور جاركم ليله...اه نعيمه....انا بيتهيالي لمحته بس عايزه اقولك يا ليله ان انا اغلب الناس اللي كانوا بيسلموا عليا سواء في العزاء او الدفن انا مش فكراهم يعني مش قادره افتكر مين اللي جه و مين لا حاسه ان الوشوش كلها دخلت في بعض ليله...تعرفي ان انا مش فاكره خالص مين كان معايا لما امي ماتت انا والله يا نعيمه ما فاكره اي حد غير اخواتي و واحده جارتنا كانت حبيبه امي و ساكنه قدامنا غير كده الواحد في الوقت ده اصلا بيبقي تايهه مل الوشوش بالنسباله زي بعض و الاصوات مش مفهومه نعيمه....صح انا كنت حاسه اني مش سامعه اصلا ايمي.....الحمد لله كله هيعدي يا نوني و قريب نادر و نسمه هيبقوا وسطنا بس بصراحه انا عايزه اسال سؤال كده عارفه انه مش وقته بس يعني في حجات لازم تبقي مستعده ليها نعيمه...اسالي طبعا ايمي.....باذن الله يعني لما نسمه و نادر يقوموا ويخرجوا انتي هتقعدي معاهم في بيتكم و لا ايه لان بيتهيالي حتي لو اتكتبلهم علي خروج لسه هيبقوا محتاجين وقت بسبب الكسور خصوصا نادر نادين....انا كنت عايزه أسال نفس السؤال ده علي فكره نعيمه.....سكتت ثواني كانها معندخاش اجابه و بعدين بصتلهم بتوهان معرفش يا ايمي هو في كل الاحوال انا مش هسيبهم بس انا حاسه اني مش هقدر ادخل البيت و امي وابويا مش فيه ولو قدرت خايفه ده يأثر عليهم هما معرفش هيقدروا ولا لا ليله.....يجوا علي هنا يا نعيمه من البدايه اصلا نعيمه....لو قدرت اقنع نسمه مش هعرف اقنع نادر خصوصا اني اكيد مش هقولهم اكيد وهما في المستشفي سلمي.....يعني مش هتقوليلهم في المستشفي نعيمه...يعني هستني عليهم يا سلمي يخرجوا وبعد كده نشوف هنعرفهم ازاي بس اكيد مش هقدر اقولهم و هما لسه يادوب فايقين سلمي.....مقولتش تقولي وهما لسه فايقين هنستني كام يوم و نتاكد انهم بخير واتحسنوا و اكيد هنسال الدكاتره يقدروا يتحملوا خبر زي ده ولا لت لكن بيتهيألي يعرفوا هناك احسن عشان لا قدر الله لو يعني حد فيهم تعب هناك امان ليهم اكتر نادين....انا كمان مع راي سلمي محدش فينا عارف رد فعلهم هيبقي ازاي و الدكاتره اللي هيقدروا يسيطروا ايمي.....طيب يبقي زي ما هي قالت متقولش من الاول اصلا لحد ما يبقوا كويسين خالص ليله.....ايوه بس هما مش هيبطلوا أسئله عنهم لو هربت مره اتنين عشره مش هتقدر تهرب اكتر و هيبداوا يشكوا و ده برضوا غلط عليهم نعيمه....يعني اعمل ايه انا مش عارفه ليله...يعني هنتهرب علي الاقل لو قدرنا اول اسبوع يعني نبقي اتاكدنا ان كل الخطر مشي نعيمه...انا بفكر اقولهم زي ما قولت قبل كده انهم في غيبوبه زيهم بالظبط و ان كل واحد في مستشفي ليله...لا كل واحد في مستشفي دي فيها شك يعني ليه يبقوا في مكان وهما مكان كده كده هما عندهم كسور تمنعهم من الحركه يعني مش هيقدروا مثلا يقولوا طلعونا نشوفهم و احنا هنعرف الدكاتره وقتها وناكد علي التمريض اللي بيدخلهم محدش يقول غير اللي هنقولوا لحد ما يبقي مسموح انهم يعرفوا و عرفوا في المستشفي تمام عرفوا لما يخرجوا برضوا تمام في النهايه مش عيزاكي تفكري في اللي هيحصل الوقت خلي كل حاجه تيجي في وقتها نعيمه....ما انا لازم ابقي عارفه هعمل ايه مش عايزه اتفاجئ بسؤال او حاجه منهم تخلي رد فعلي يشككهم عايزه ابقي جاهزه يا ليله ايمي...نعيمه احنا في كل الاحوال من هنسيبك في كل ده لوحدك بس خلاص متشغليش بالك باي حاجه الوقت زي ما قالتلك ليله يعني اول حاجه نتفق عليها انهم في غيبوبه اللي بعد كده بقي سيبيه الوقت و طبعا لما يعرفوا خليهم يقرروا هما حابين يروحوا البيت ولا لا ليله.....وزي ما قولتلك لو مش قادرين خليهم يجوا هنا علي الاقل هيبقوا قريبين او اتحججي وقتها باي حجه انن مثلا تامر و حودا هنا جنبك لو احتاجتي ليهم في اي وقت هيجوا ايه....اه قولي كده نعيمه...ماشي يارب تعدي علي خير سلمي...هتعدي والله ايمي.....في موبايل بيرن ولا انا بيتهيألي حد فيكم سايب موبايله ليله.....ده موبايل عشري قامت ليله خرجت علي بره لقت امينه بتتصل عليه ليله...الووو امينه.....حبيبه قلبي حسك ديما في الدنيا يا ليله ليله...بابتسامه ازيك يا امونه امينه...في نعمه انتي كيفك يا بتي ليله....زي الفل والله معلش انا رديت علي موبايل عشري هو نايم امينه......ده من بختي عشان اطمن عليكي واسمع صوتك ليله...حبيبه قلبي امينه....معرفتش اجيلك انهارده انا كنت جايه انا ونجود بس محمد كلمني وقالي انكم هتتأخروا في المستشفي ليله....ايوه فعلا قعدنا كتير اوي لان حصل زي مضاعفات لنادر و قلبه وقف مرتين و طبعا فضلنا كتير لحد ما خلص فحوصات و نعيمه مكانتش راضيه تمشي امينه....ايوه محمد قالي و زعلت اوي عليه و طول اليوم بدعيله والله هو ونسمه ربنا يقومهم بالسلامه ويشيل عنهم و يجهل مرضهم في ميزان حساناتهم ليله....يارب يا امونه امينه....طيب نعيمه كيفها ليله....تعبانه ولله يا امونه كانت منهاره انهارده امينه.....حقها قلبها نار يا بتي معذوره ربنا يبرد نارها خليكم جنبها انا عارفه انكم مش مقصرين بس هي محتجالكم ليله....متقلقيش عليها امينه.....طيب انتي كيفك يا ضنايا طمنيني بالله عليكي ليله....والله انا بخير متقلقي شعليا والدكتور طمني الحمد لله انا كويسه و اللي حصل مقصرش علي الحمل بعد كده امينه...المهم ميقصرش عليكي او علي صحتك يا بتي ليله....انا كمان بخير والله متقلقيش امينه....الحمد لله يارب ديما اشوفكم بخير ايمي كويسه ليله....بخير بس محتاجه راحه لان في بيبي منهم نازل في الحوض وعندها طلق مبكر امينه.....لازماً ترتاح و قوليلها تشوف مخده تكون بتريحها صغيره تحطها في اخر ضهرها وتنام عليها فتره كده المخده دي بترفع الحوض و يمكن ترجع العيل مكانه تاني خليها تعمل كيف ما بقولك ليله...حاضر والله هقولها امينه....زمان كانوا الناس القديمه بيعملوا اكده و لو في ست عندها الرحم ساقط بتعمل كده فتره طويله لحد ما تتحسن حتي لو مش علاج بس اهو حل يمكن ينفع و هليها تريح قد ما تقدر و قوليلها تخف سكر ليله....هي ايمي عامله زيي ملهاش في السكريات اوي بس هو السكر مضر للحمل امينه....بيخلي العيل يصحصح ويتحرك كتير والحركه كتير تنزله اكتر مش وقت الولاده بياكلوا الست عسل اسود و تمر ما عشان ينزل الحوض ويسهل الولاده فا بلاش سكريات ليله....بابتسامه حاضر هقولها والله امينه....ربنا يطمنا عليكم كلكم يارب ليله....اللهم امين امينه...هو محمد كويس يا ليله ليله....اه والله زي الفل بس هو نام فجاه علي نفسه واحنا قاعدين خدته دخلتوا جوه و نام مش دريان بالدنيا و بصراحه خدت الموبايل عشان ميرنش ويصحي ويصمم يرجع و هو تعبان كده مش عيزاه يسوق امينه...لاه اوعاكي و لو صحي و صمم يمشي اعملي روحك تعبانه عشان يفضل خليه عندك يابتي مناقصينش وجع قلب ليله....متخافيش مش هخليه يمشي والله امينه.....ماشي يا حبيبتي خدي بالك علي روحك واتغذي وكلي بكره انا جيالك وهكلمك قبل ما اجي لو عايزه حاجه عرفيني ليله.....عيزاكي بخير امينه....حبيبتي يا ليله الله يسعد ايامك و يهدي بالك و يريح قلبك انتي والبنات يلا يا ضنايا تصبحي علي الف خير ليله....و انتي من اهل الخير يا امونه قفلت معاها و راحت تاني للبنات قالت لايمي كل اللي امينه قالته و بعدين شويه و راحوا البنات يناموا ايمي فضلت مع نعيمه و ليله راحت علي اوضتها دخلت بهدوء لقت عشري نايم و غطسان في النوم قربت بهدوء منه و عنلت موبايلها و موبايل عشري صامت و سابتهم جنبها و فردت دراعه و نامت.. ............. وللحديث بقيه....
