الن ليل
ابن ليل
زكريا….بضحك وعليكم بأيه ده كله ما تاكلوا كل واحده في طبق
دره…..دول يجيلهم ضيق تنفس لو مكبسوش علي نفسي😂
مها….عجبك ولا لا🤨
رفاعي….يابت انتي ماسكه عليها ذله 😂
نبيله….بتك عايشه معانا بالدراع تقولش بلطجي والغريب ان كيرو هادي وطيب مش زيها شعنونه 😂😂
مها….انا يا بلبله🤨
نجوي….هو في زي كيرو وهدوء كيرو
مها…..ايوه كملي هو انا خلفت غير كيرو هو في فاحترام كيرو🤨
عبدالله…..ماترد يا كيرو
كرم….بإبتسامه هاديه نرد نقول ايه لو ردينا علي مها مش هنخلصوا 😂
في نفس اللحظه التلاته حطوا كل واحده فيهم شوكتها علي نفس المكرونه
دره…..لا كده كتير حتي المكرونايه اليتيمه عينكم فيها😂😂😂
ضحكوا التلاته وفضلوا يخطفوا من بعض الاكل وكان الجو بينهم كلهم جو اسري ودافي و كله روح❣️
فاقت مها من ذكرياتها وهي دموعها بتجري علي خدها🥺💔
قعدت نجوي علي الكرسي قدامها وبصتلها
نجوي….ايه يا مها هتفضلي ساكته وبتعيطي كده كتير💔
مها….بوجع قلبي واجعني يا اما اوي حاسه ان في حد ماسك سكينه وبيقطع فيه🥺🥺💔
نجوي….بعد شر عليكي سلامة قلبك يا بنتي ايه اللي واجعك يا مها اخوكي ولا عشان عَرفتي ان دره رَجعت
مها…..كله يا اما كله🥺 قلبي واجعني علي كرم من زمان بس انهارده اول مره نحس بوجعه اوي كده لما عَرفت منك ان دره جت حسيت ان حد ضربني علي راسي بعد ما كنت مش طايقه نسمع اسمها بقيت حاسه اني عايزه نروحوا نجروا عليها وناخدها في حضني
مش مصدقه يا اما ان دره اللي كانت اقرب ليا من روحي فجأه انا وهي يبقي في بينا السد الكبير ده وحشتني ولسه بنحبها بس كل ما نفتكَر اللي عملته في اخويا نتوجع منها اكتر ونبقي مش طيقاها🥺 مبقتش عارفه يا اما انا بنحبها ولا بنكرها💔
نجوي….اللي بيحب حد يا مها عمره ما بيقدر يكرهه بسهوله كده ولو انتي مش بتحبيها عمرك ما هتتوجعي منها الوجع ييبقي علي قد المحبه يا بنتي💔
مها…..بس دره وجعتني اوي يا اما وجعتني لما خبت عليا ووجعتني لما في يوم وليله عَرفت انها مبقتش موجوده
وجعتني لما فارقتني. كل السنين دي وسابتني لوحدي انا كنت بنعتبرها اختي
دره لما راحت مراحتش هي بس ودي اكتر حاجه وجعاني دره خدت معاها كل حاجه حلوه خدت اللمه والعشره والضحكه خدت مني اخويا اللي مبقاش زي زمان بيبقي قاعد وسطنا ومش معانا خدت مني دعاء اللي كنت بنعتبرها زي دره كل حاجه راحت معاها اتفرقنا وبعد ما كان كل الخلق بيفكرونا عيله واحده بقينا مبنطقش نبص في وشوش بعض بعد ما كنا حبايب بقينا اعداء 🥺🥺
