الن ليل

الصريخ بقي في كل الشارع الناس كلها اتدخلت و الشباب بقوا يحوشوا لحد ما خلصوا الشابين من تحت ايد كرم والشباب

رفاعي….سيبهم يا كرم سيبهم يا ابني خلاص كفايه عليهم كده

الرجاله في الشارع حرروهم من تحت ايده خد الشباب الموتسيكل وطاروا

قرب كرم من الشنطه اللي واقعه ومد ايده للبنت.

البنت…..شكراً ربنا يخليك

هز كرم راسه بهدوء وراح علي بكر

كرم….وريني ايدك

بكر…متقلقش ده خدش بسيط انت كويس

كرم…..تمام

فضل الناس اللي في الشارع يدعوا لكرم وهما ماشين

خد كرم نفس جااامد وبعدين راح علي المحل كمل شغله كأن مفيش حاجه حصلت

دعاء….الحمد لله يارب الحمد لله اتصلت بسرعه علي بكر.

دعاء…..حصلك حاجه يا اخويا

بكر…..بسيطه يا دعاء متخافيش

دعاء….طيب ايدك اتفتحت

بكر….لا ده خدش بسيط والله عدت علي خير

دعاء….طيب يا اخويا الحمد لله

بكر…الحمد لله يلا سلام انتي الوقت
عشان ارد علي مها

دعاء….طيب يا اخويا سلام.

دره…..ايه ده😳 هو جراله ايه

دعاء….في ايه؟

دره…..ده كرم يا دعاء مستحيل

دعاء….قولتلك لما كنتي مسافره ان كرم اتغير

دره…..قولتيلي انه اتغير لكن مقولتليش انه بقي متوحش وعنيف بالشكل ده بقي هو ده دكتور كرم اللي كنت بعتبره قدوه ليا

دعاء….بإبتسامه سخريه كل حاجه اتغيرت يا دره انا بس اللي محكتلكيش اي حاجه عشان مشغلش دماغك

دره…..وايه اللي خبتيه عليا يا دعاء ازاي كرم بقي كده ازاي اتغير بالشكل ده  انا مش قادره اصدق عيني ولو كنتي حكتيلي اصلا مكنتش هصدق إلا لو شوفت

دعاء….كرم يمكن طباعه اتغيرت كتير بس لسه زي ماهو جدع وشهم وراجل

دره….ايوه بس ده كان هيموتهم

دعاء…..لا متقلقيش مش اول ولا اخر خناقه لكرم هتشوفيها خصوصا بعد ما رجعتي انتي كرم مش هيبقي علي بعضه وهيطلع غضبه بالطريقه اللي شوفتيها وبعدين هو اتخانق عشان البت

دره……حتي لو يا دعاء مش بالشكل ده كان ممكن يوقفهم ويسلمهم للشرطه هو مفيش قانون في البلد ولا العشرين سنه اللي انا غبتهم بقي كل واحد ياخد حقه بدراعه ويبلطج علي الناس

دعاء….كرم مش بلطجي يا دره بس يمكن كرم اللي تعرفيه زمان مبقاش كرم بتاع انهارده

دره….حصل ايه يا دعاء السنين اللي فاتت دي كلها وخبتيه عليا في ايه انا معرفوش حول كرم بالشكل ده

دعاء….هحكيلك يا دره بس خلينا الاول نخلص الشقه وبناتك يرتاحو في اوضهم وبعدين نقعد انا وانتي نتكلم.