الن ليل
ابن ليل
دارين….مامي انا مكانش قصدي اني اعصبك بس انا بتناقش معاكي بصوت عالي عشان نوصل لحل يريحنا كلنا
دره….بهدوء نتناقش في ايه يا دارين كلامك في الموضوع ده في حد ذاته لازم يعصبني لان اي حاجه متعلقه بتعليمكم النقاش فيها منتهي انتي فاهمه
دارين…..زي ما تحب يا مامي ومش عيزاكي تزعلي مني
دره….انا مش زعلانه منك يا روحي بس كمان مش عيزاكم تشيلوا هم اي حاجه كل حاجه هتمشي زي ما كنا في امريكا بالظبط ومش هينقصكم اي حاجه ومش عيزاكم تحملوا هم الفلوس ولازم تعرفوا ان بس نستقر في البيت واخلص من تقديم جامعاتكم هنزل اشوف شغل
ديما….شغل ايه يا مامي
دره….لسه مش عارفه يا ديما يا اما هقدم في شركه يا هرجع للطب من تاني
دانه…وااااو بجد يا مامي
دره….بإبتسامه بجد ياروحي بس انا لسه مستقرتش
دارين….ياريت يا مامي ترجعي تاني بجد هيبقي احلي خبر نسمعه الفتره دي
دره…..إن شاء الله يا حبايبي خلينا بس نسيبها علي الله واللي عايزه ربنا هيكون
دارين….طيب والراجل اللي تحت ده لسه مش ناويه تحكيلنا حكايته ايه وياتري نزولك مش هيبقي في خطر عليكي
دره….بتنهيده متقلقوش يا بنات كل حاجه هتتحل ولو علي كرم يعني متقلقوش هو طيب علي فكره يمكن متعصب شويه بس الاكيد انه مش زي ما ظهر قدامكم
ديما….ده طيب مستحيل
دانه….ده مرعب😒
دارين….هو مين ده يا مامي؟
دره…مش وقته يا دارين اكيد هحكيلكم بس مش الوقت يلا بقي متفضلوش ترغوا خلصوا اللي وراكم بسرعه وخلوني اروح اكتب الحاجه اللي حسن هيجيبها
دارين….اوك يا مامي يلا يا بنات❣️
ابتسمت دره ليهم بحب وراحت علي البلكونه وهي معاها ورقه وقلم تكتب اللي محتجاه
ثواني و بصت بفضول علي كرم وسرحت كان شغال ومش مركز وملامح الغضب مرسومه علي وشه.
دره…..ياتري ايه اللي غيرك بالشكل ده يا كرم ؟ خساره 💔
………………….
نزلت دعاء تشوف نبيله بعد ما شافت الاكل
فتحت باب الشقه ودورت عليها بعينها مكانتش موجوده
راحت علي باب اوضتها وخبطت
دعاء…..امي انتي نايمه
نبيله….تعالي يا دعاء.
فتحت دعاء وابتسمت بهدوء وراحت عليها قعدت جنبها
دعاء…..قاعده ليه في الاوضه
نبيله….عادي
دعاء….لا مش عادي انتي مش بتقعدي في اوضتك غير وانتي مضايقه ده حتي لما بتبقي تعبانه مبترضيش تقعدي فيها وبتقولي ان النومه بتتعبك اكتر انتي زعلانه مني يا اما🥺
