الن ليل

وبتسأليني يا اما موجوعه ليه 🥺

نجوي….اللي حصل حصل يا مها فات سنين كتير علي الحدوته دي

مها…..بس كأنه امبارح يا اما اول ما عرفت ان دره رجعت كل حاجه عيناها معاها مرت قدام عيني كأنها شريط

نجوي….قولتهالك كتير يا مها بلاش نتكلم عشان بترجعي تزعلي لما بندافع عنها

مها….تاني يا اما هتقولي دره محبتش كرم

نجوي…..ايوه با مها تاني وتالت ورابع دي الحقيقه اللي محدش فيكم راضي يسمعها

مها…..مين قالك انها محبتهوش لو مكانتش حبته كنت انا او واحده هتعرف من دره

نجوي…..ولما هي حبت كرم ازاي حبت غيره يا بنتي دي اختارت واتجوزت بمزاجها لو كانت حبت كرم مكانتش هتسيبه  والاهم من كل ده محدش اداها فرصه تتكلم الكل وقف قصادها حتي اهلها

مها….اديكي بتقولي حتي اهلها لو مكانوش عارفين انها غلطانه مكانوش خسروها💔🥺

نجوي…..وانا عند كلامي دره عندها اسباب للي حصل ده

مها….ليه ديما بتدافعي عنها ليه مش بحسك واقفه في صف كرم زي ما بتقفي في صفها

نجوي….مين قالك اني مش واقفه في صف كرم يابت ده ابني وقلبي واجعني عليه انتي فكرك حياته اللي اتشقلبت دي علي هوايا🥺 انا بنام كل يوم وقلبي بيتقطع عليه بس كمان بندافع عن دره عشان بنعتبرها بنتي زي ما انتي بنتي انا عمري ما فرقت بينكم الحب اللي كنا بنشوفه في عين دره يخليني متأكده ان البت دي اتظلمت زي ما اخوكي اتظلم

مها….ولما هي مظلومه وكرم مظلوم امال مين اللي عليه الحق

نجوي…..يمكن نكون احنا الكبار يا مها اكيد في حاجه غلط وتاني هنقولك طول ما احنا مش بندي فرصه للي قدامنا يدافع عن نفسه فا هو حتي لو مذنب هيفضل مظلوم🥺

حدوته كرم ودره يا مها ناقصه وناقصه كتير كمان كرم وواضح من البدايه وعارفين وجعه كله لكن دره منعرفوش اي حاجه عنها منعرفوش ايه السبب في اللي وصلها لكده زي بالظبط ما ظلمتي دعاء يابت جيتي عليها عشان بس هي الوحيده اللي وقفت في صف دره مع انها كانت نفس غلاوه دره عندك

مها…..عموما زي ماقولتي في البدايه يااما الحكايه دي خلصت وعدي عليها سنين كل الحكايه اني لما عَرفت انها رَجعت اتوجعت 💔🥺

نجوي….وبما انها رجعت اكيد الايام هتبين سبب بعدها وسبب رجوعها ويمكن تلاقي سبب يخليكي تندمي انتي وكل اللي قاطعها السنين دي كلها

بصتلها مها بحزن وفضلت ساكته🥺