الن ليل

نبيله….انا اللي مقطع في قلبي اكتر هو كرم يا بت الولا ده لما بنبص في عينه بنحس ان قلبي بيتعصر

دعاء….وانا كمان يا اما كرم ده غلبان وطيب وطول عمره ملهوش حظ بس كمان ده نصيبه عارفه لما سَمعت صوته جتتي أتلبشت وقولت بس كرم هينفذ اللي طول عمره بيحلف بيه وهيقتل دره والله يا اما والله لما شوفت نظره عين كرم لما سَمع صوت دره قلبي اتقطع عليه وعَرفت ان لسه حب دره بيجري في عروقه وكل اللي كان بيقوله كان مجرد كلام طالع بس من وجعه

نبيله…..اااااااه علي نظرته دي يابت موتتني 💔 بس كنت عارفه انه مستحيل يعمل كده اللي بيحب لا يمكن يأذي حتي لو اتأذي من حبيبه لما كنا بنتكلموا مع كرم قبل ما دره تيجي كل مره تنفتح سيرتها يغضب ويحلف ويقولي ودين محمد يا بلبله هنقتل بنتك كنت اضحك و أهاود فيه ونقوله طيب حقك يمكن لو في حد تاني سامع كلام وشاف نظره الغضب اللي بيقول بيها الكلام ده يصدقه ويقول انه فعلاً يعملها بس انا عمري ما صدقته يا دعاء مكنتش بسمع الكلام اللي خارج من لسانه كنت بسمع صوت قلبه وهو بيقوله كداااب متقدرش تعملها بس علي قولك كرم طول عمره حظه قليل

دعاء…..وانا واثقه ان ربنا هيعوضه صدقيني

نبيله….دعياله من قلبي ليل ونهار وفي كل صلاه اول دعوه بتخرج من لساني وقلبي بتبقي عشانه 🥺

دعاء….ربنا يتقبلها يارب المهم روقي شويه عشان خاطري وصدقيني كل حاجه هتتحل

هزت نبيله راسها بحزن 💔

……………….

مر الوقت بسرعه والليل جه وبدأ الشباب يقفلوا المحلات

كرم….بكر انا هنطلع عشان مش قادر نقف معلش اقفل انت

بكر…..ماشي اطلع يا اخويا وانا هقفل الدكاكين

رفاعي….كررررم

كرم….ايوه يا معلم

رفاعي…..هنتعشوا مع بعض

كرم….معلش يابا اناا

قاطعه رفاعي ….مفيش بس قولت هنتعشوا مع بعض

كرم….اللي تشوفه يا معلم

رفاعي….صحيح نسيت نسألك

كرم….خير

رفاعي….انت كنت جاي منين الصبح كده قولت راحت عليك نومه ومقدرتش تفتح كنت فين

بص بكر لكرم🙄

كرم….ااا ابدا كنت في البيت عادي بس نزلت نشتروا كارت وجيبت ورجعت علي الدكان

رفاعي…..اه اصلي مشوفتكش يعني وانت خارج من البيت

كرم….ايوه بس انا شوفتك كنت واقف جوه خَرجت نجيبوا الكارت ورَجعت عليكم

رفاعي…..طيب يا ابني يلا اطلع روق علي نفسك كده وبعدين انزل عشان نتعشوا مع بعض