تعاهدنا

قلبي كان هيم*و*ت عليك.

ادهم….بعد الشر عليك يا حبيبي.. تعالو اقعدوا

قعدوا علي التربيزه اللي في الكافيه بتات الفندق.

رقيه….ليه جيت علي الفندق يا حبيبي ليه مروحتش

عالبيت…

ادهم….مكنتش عايز اي حد يعرف اني رجعت

حسن…ليه با حبيبي وهو مين في البيت غريب ده اخوك

ومرات اخوك.

أدهم….وانا جبتكم هنا مخصوص عشان كده مش عايز

الكلام اللي هقوله ده يكون قدامهم لحد ما تقولولي

اعمل ايه

رقيه…في ايه يا ادهم انت كده قلقتني

ادهم….الوقت هتعرفوا كل حاجه بس في شخص

هيجي حالا لازم بكون موجود.

حسن …شخص هو انا ليه حاسس ان في الغاز بتحصل

أدهم…صدقني هتعرف كل حاجه اديني بس

عشر دقايق يكون وصل..قطع ادهم كلامه. اهي وصلت

بصوا وراهم لمحوا سهام جايه

وقفت رقيه بصدمه وهي بصالها بوجع

حسن….سهام.

رقيه…بحزن انت جايبنا هنا يا ادهم عشان نقابل سهام

ايه رضيت عنك وقدرت تقنعها تسيب الفلوس عشانك

بس اعمل حسابك يا ادهم انا اقسمت ان حتي لو سهام

جت لحد عندي وقالت انها استغنت عن كل حاجه

عشانك لا هصدقها ولا هوافق علي الجوازه دي

بصتلها سهام بوجع ومكانتش قادره تدافع عن نفسها

خصوصا وهي شايفه صاحبه عمرها الوجع مالي قلبها.

حسن …اهدي يا رقيه لما نفهم

ادهم….اهدي يا امي ارجوكي هتفهمي كل حاجه

رقيه….بدموع مش عايزه افهم اي حاجه افهم ايه انا

مش فاهمه غير حاجه واحده بس ان صاحبه عمري

وجعت قلب ابني و داست عليه بأوسخ جزمه عندها

عشان خاطر الفلوس.

سهام…بدموع قولتلك يا ادهم بلاش انا اجي قولتلك فهمهم

انت بطريقتك وبعدين نتقابل..

ولفت عشان تمشي مسكها ادهم من ايدها وهو بيتوسلها

بملامحه ارجوكي يا سهام خليكي مش هينفع افهمهم لوحدي

انا محتاجك معايا وانتي وعدتيني انك هتكوني معايا.

حسن…اقعدي يا سهام وفهمونا في ايه وانتي يا رقيه

من فضلك اهدي وخلينا نسمع في ايه.

قعدت رقيه من غير اي تعليق وقعد بعدها الكل.

حسن….خير يا سهام

ادهم….خليني انا اللي ابدأ من فضلك

حسن….ابدأ يا ادهم.

ادهم….انا هبدأ الحكايه من سبع سنين فاتوا قبل ما ادم

يتجوز بسنه تقرييا وقتها كلنا كنا عارفين ساره وعارفين

ادم بيحبها قد ايه وأزاي بيتمني انه يعيش معاها انهارده

قبل بكره…لكن الحقيقه كانت غير كده الحقيقه اللي خبيتها

عن الكل عشان خاطر اخويا

بصوله حسن ورقيه وكأنهم مصدومين مش فاهمين