تعاهدنا

أبتسمت تهاني بوجع وعينها فيها بريق بيلمع.

تهاني….لو تقصد اني عملت معاك حاجه كبيره اوي كده

فا انا معملتش اي حاجه انت تستاهل كل خير

ادهم….ازاي معملتيش اللي عملتيه ده دين في رقبتي

لأخر نفس فيا.

تهاني….هو انا ممكن أسأل حضرتك سؤال

أدهم….اكيد.

تهاني….هو حضرتك مش راجع تاني اصل كلامك بيقول

كده!

أدهم…بنفس الأبتسامه هرجع يا تهاني بس هرجع زاير

مش هربان من الدنيا هرجع لأكتر مكان بحبه وانا لاقي

نفسي مش وانا بدور عليها…ده المفتاح بتاع الاوضه

انا تقرييا سبت كل حاجه فيها مخدتش غير المفاتيح

بتاعت العربيه والمحفظه…اي حاجه في الاوضه دي

ليكي اللبس بتاعي ابقي اديه لسلامه لحد ما هجيلكم

قريب تاني.

تهاني….بس ازاي هتسافر وهو الجو بره وحش كده

انت ممكن تتعب تاني اوي تتنكس

ادهم….يمكن لو كنت نزلت من شويه كنت تعبت لكن

الوقت متقلقيش عليا

تهاني…طيب خليك يوم ولا اتنين او حتي لحد الصبح

عشان الطريق.

ادهم…متقلقيش عليا ربنا هيستر بس صدقيني انا

لا م اسافر حالا.

تهاني… بحزن تروح وترجع بألف سلامه سوق علي مهلك

ادهم…بأبتسامه حاضر. اشوف وشك بخير

لف ادهم عشان يمشي وقفه صوت تهاني.

تهاني…أدهم باشا.

ادهم…لف والابتسامه علي ملامحه مرسومه.

أيوه ياست تهاني.

تهاني….يعني متأخذنيش في السؤال أعتبره فضول

ولو مش حابب ترد مش هزعل.

أدهم..أسألي يا ست تهاني

تهاني…مين عهد دي اللي كنت بتخترف بأسمها.

أبتسم أدهم …عهد دي تبقي احلي حاجه في حياتي

الملاك اللي ربنا رزقني بيه في الدنيا دي حب حياتي

يا ست تهاني ادعيلنا نكون مع بعض في اقرب وقت.

تهاني…بحزن ووجع أبتسمت ربنا يقرب البعيد ويريح

قلبك باللي تتمناه..🥺

ادهم…بأبتسامه يارب يلا سلام عليكم

تهاني….وعليكم السلام.

خرج أدهم جري من البانسيون المطر كان مغرق الدنيا ركب

عربيته بسرعه ومشي بأقسي سرعه.

تهاني كانت واقفه من الشباك تبص عليه وخانتها دموعها

ونزلت علي خدها وهي شيفاه بيبعد عن عينها..

أحساس غريب لما تتعلق بشخص انت مش في باله

اصلا و تشوفه بيبعد و بيروح طريق تاني ابعد ما يكون

من انه يوصله ليك.

طلعت تهاني علي الاوضه بتاعته فتحتها ودخلت

قعدت عالسرير ومسكت المخده قربتها من نفسها

ونزلت دموعها بحرقه مسكت الهدوم اللي كان لابسها

وريحته لسه فيها حضنتها بوجع ودموع وحست ان روحها