تعاهدنا

ليه سبتي عهد تشوفك بعيون أم ظالمه؟

ليه خلتيني اقول ان عمرك ما حبتيني في يوم ؟

ليه سمحتي لنفسك تشوفيني انا وعهد بالصوره دي؟

كان هيحصل ايه لو مقولتيش من البدايه زي ما قولتي

الوقت؟ ليه وافقتي علي عاصم من قبل ما حتي تتأكدي

من الصور اللي ساره بعتتهالك؟

أزاي أصلا قدرتي تصدقي الصور وتخونيني انا وعهد

طيب لو انتي شكيتي فيا وفكرتي ان ممكن اعمل في

عهد كده وأستغل برائتها وحبها ليا ازاي تشكي في عهد

اللي ربتيها تحت أيدك والكل بيحلف بتربيتها أزاي تصدقي

ان عهد الملاك تعمل حاجه زي دي.

عارفه ياسهام انا لو فضلت اقولك ليه؟ وأسألك السؤال

مش هيخلص.

طب انتي عارفه اني اتوجعت اكتر لما عرفت ان سبب

رفضك ليا و وجعي ووجع عهد هو الكلام اللي وصلك من

ساره من غير ما حتي تتأكدي

سهام….كنت عايزني اعمل ايه يا أدهم وانا شيفاها بتهددني

أنها تفضح بنتي وبتقولي انها ممكن تركب صورها كمان علي

صوره حد تاني ..وليه اصلا كنت عايزني أكدبها وانا عمري ما

شوفت منها اي حاجه وحشه..وكنت بثق فيها زي ما

بثق فيكم كلكم بما انها فرد من عيلتكم يا أدهم…

أدهم….بحزن للأسف يا سهام انتي وثقتي فيها أكتر ما

وثقتي فيا انا وعهد لو عمرك ما شوفتي من ساره حاجه

وحشه اللي تعرفيها من كام سنه من بدايه ما أدم ارتبط بيها

فا احنا عمرك كله يا سهام….لو هتكلم علي عهد فا هي بنتك

اللي عيشيتي معاها عمرك وعمرها ولو هتكلم عني انا

فا انا أتولدت علي ايدك قبل ما انتي تتجوزي بكام سنه

يبقي عمر ايه اللي بتتكلمي عليه يا سهام مع ساره

سهام….أصل انت لو كنت شوفتها بتتكلم ازاي بحقد وشر

كنت قدرت كلامي و صدمتي يومها لو شوفت عينها

وهي بتهددني هتقولي اوعي تكسريلها حرف لانها

قادره تنفذ كل تهديد من غير ما تخاف

ادهم…عارفها وعارف طريقتها ولسه حالا مهدداني

زي ما انا هددتها تفتكري بقي اني هسمحلها تنفذ

او تفتكري انا خدت تهديدها ده علي محمل الجد.

سهام…بصدمه انت كلمتها؟

أدهم…ايوه لسه قافل معاها.

سهام….كلمتها ليه ؟ولا هي اللي كلمتك؟

أدهم….لا انا اللي كلمتها بمجرد ما سمعت رسايلك

كنت عامل زي المجنون لقيت نفسي بتصل بيها ومحستش

بنفسي غير وانا بنفجر فيها.

سهام…انت اكيد اتجننت انت ازاي تعمل كده انت مش عارف

ممكن ساره تعمل ايه الوقت.

ادهم…هتعمل ايه يعني أعلي ما في خيلها تعمله صدقيني