تعاهدنا

ولا هتقدر تعمل اي حاجه.

سهام….مين اللي قالك يبقي للأسف انت اللي متعرفهاش

يا ادهم ساره مش هتكست ومش هتعديها ساره عايزه

تنتقم منك يا ادهم ومش هترتاح غير وهي شيفاك متعذب

ومش هترتاح غير وهي بتبعد اي حد يقرب منك ولو معرفتش

هتفضحه زي ما قالت انها هتفضح بنتي

ادهم….اهدي ارجوكي انا لما سمعت رسايلك واتأكدت

ان ساره اللي ورا كل ده محستش بنفسي غير وانا بكلمها

وبنفجر فيها..

سهام….ساره مش هتسكت يا ادهم وعشان نسبقها

بخطوه قبل ما تبوظ الدنيا لازم تعمل اللي قولتلك عليه

تحكي لأدم ورقيه وحسن كل حاجه

ادهم…انا معنديش اي مانع بس بلاش ادم خليني

أقول لماما وبابا بس ادم ممكن يروح فيها صدقيني

سهام….صدقني انت ادم لو معرفش مش هنلحق نحجم

ساره و هتنفذ تهديدها و تفضح عهد.

ادهم…..طيب ارجوكي خليني اقول الاول ليهم قبل

ما اقول لأدم ونشوف رأيهم.

سهام….ماشي يا أدهم بس أرجوك مش عايزه عهد

تعرف اي حاجه مش عيزاها تزعل مني وتفكر اني شكيت

فيها ولا عيزاها تتوجع اكتر ما هي موجوعه.

ادهم…..تمام مش هتعرف حاجه .

سهام….تمام يا أدهم وانا هستني ردك

ادهم….سلام.

سهام….سلام.

…………………

قفل ادهم مع سهام وبمجرد ما قفل قام بسرعه

لبس وهو عازم امره يرجع فورا علي القاهره عشان

يحكي لرقيه وحسن كل حاجه.

لبس بسرعه ونسي خالص تهاني اللي بتحضرله الاكل

ونسي الجو اللي بايظ بره نسي المطر والسيول ونسي

كل حاجه كان كل همه انه يلحق الامل اللي بدأ يصحي

من تاني.. خد مفاتيح العربيه ومحفظته وساب كل حاجه

ليه في الاوضه علي أمل انه مش راجع تاني .وخلاص

كل حاجه هتتحل و هيرجع تاني لعهد..

نزل بسرعه من الاوضه قابل تهاني في ساحه البانسيون

اتصدمت لما شافته نازل يجري ولسه باين عليه التعب وكمان

واضح انه خارج..طب ازاي والدنيا بره بايظه.

تهاني….ادهم باشا حضرتك رايح فين خير انت تعبان

أبتسم ادعم لأول مره أبتسامه طالعه من قلبه بجد

زي اللي كان تايهه منه حاجه و لقاها .

ادهم….ست تهاني انا لازم ارجع القاهره حالا لو سلامه

رجع عرفيه لحد ما اكلمه و أشكريه عاللي عمله معايا.

اشكريه عشان عرفني بأجدع ست في الدنيا وقفت

معايا في تعبي و شدتي وقفت معايا وانا مش دريان

بالدنيا وقفت معايا في الوقت اللي كنت ضايع فيه

وحاسس ان الدنيا دي كبيره عليا.