تعاهدنا

اتاخدت منها لتاني مره.

تهاني….بوجع معرفش امته وازاي وليه بس شملي حبيتك

قلبي حبك في ايام قليله ..عملت فيا اللي مفيش راجل

طول السنين اللي فاتت عمله فيا بعد م*و*ت جوزي .

ليه دخلت حياتي🥺💔 ليه حركت قلب كان مات و ادفن

مع جوزي ازاي حبيتك و مكانش في بينا كلام مكنتش

بسمع صوتك غير وانت سخن و بتخترف.

بس غصب عني حبيتك يا أدهم. مسحت تهاني دموعها

وقررت انها تقفل الاوضه زي ماهي علي أمل انه يرجع

تاني.💔🥺
………………………..

اما عند ادهم..

كان سايق بسرعه وحاسس ان الطريق طويل نفسه

يخلص بسرعه وعلي قد ما كانت عهد وحشته اوي

إلا انه قرر يرجع من غير ما يقولها ويحل كل حاجه

وبعد كده يفاجئها و يروحلها بس وهو معاه المأذون

كان ماشي بيخطط وبيفكر وفرحته باينه علي ملامحه

وبيختار أنسب تفكير يفرح عهد بيه ويفاحئها.

عدت الساعات بسرعه ووصل بعد الفجر لكن قرر

انه ميرجعش البيت عشان ادم وساره ميعرفوش

حجز غرفه في فندق وطلع عشان يرتاح فيها

كانت ليله طويله بالنسباله عينه فيها جفاها النوم

من فرحته.

واخيرا عدت الساعات بسرعه بص في الساعه كانت

12الضهر …عارف ان ادم بينزل اغلب الوقت الصبح

ووالده بينزل بعده عشان صحته مبقتش تسمح انه

ينزل من بدري. فا حس ان ده انسب وقت انه يقابلهم.

كلم والده بلغه انه عايز يشوفه هو ووالدته بره البيت

من غير ما اي حد يعرف خصوصا ساره وادم واكد عليه

في النقطه دي بالذات.😎😎😎

علي قد ما حسن فرح ان أدهم رجع علي قد ما كان حاسس

ان في حاجه وراء رجوعه خصوصا بعد ما قاله ادم وساره

ميعرفوش.

عرف رقيه بهدوء كانت طايره من الفرحه انها

هتشوفه . لكن حست بنفس القلق اللي حسن حس بيه.

وبعد وقت بسيط خروجوا مع بعض من الڤيلا كانت ساره

في اوضتها ومعرفتش انهم خرجوا.

راح حسن بسرعه عالفندق اللي نازل فيه ادهم دخلوا جوه

يدوروا بعينهم عليه وفجأه لمحوه.

جريت رقيه عليه بإشتياق حضنته جامد ونزلت دموعها

في صمت.

ادهم….بحب وحشتيني اوي

رقيه…انت اللي وحشتني يا حبيبي كده يا أدهم أهون

عليك تبعد كل ده.

ادهم…بحب حقك عليا يا امي ان شاء الله مش هرجع

تاني

رقيه….بجد يا ادهم.

حسن…طيب سبيني اسلم عليه الاول وكمل بأبتسامه

علي طول بتضايق فيا كده حتي وانت مسافر مكانتش

بتهنيني علي مكالمه ليك.

ادهم…بحب وحشتني اوي

حسن….ضمه ليه بحزن انت اللي وحشتني يا أدهم