جاسمين

الساعه كانت داخله علي تسعه و فريد لسه مرجعش فضل بلف بالعربيه و مش عارف يروح فين كان مقرر انه يروح الصاله ويواجه بلال بكدبته عشان يرتاح ويبطل تفكير لانه مش مستوعب ان بلال يكون بيلعب عليه او بيخونه لكن حاول يتماسك ويهدأ و يفكر بعقل ما هو لو خاېن مستحيل بلال يقوله اه انا خاېن
فا قرر يفضل يلف بالعربيه عشان يفكر بهدوء بعيد عن البيت وكل الضغوطات اللي حواليه كان متعصب ومزاجه وحش جدا مش بس عشان بلال كدب عليه لكن عشان مكانش مستوعب انه يشك في بلال هو عارف وواثق و يبصم بالعشره علي حب بلال ليه و انه يفديه برقبته لكن كان هيتجنن و ڠصب عنه بدأ يشك في كل حاجه حواليه
حس ان دماغه ھتنفجر من كتر التفكير فا قرر يتصل بياسر مكانش عارف هيقوله ايه بس مكانش في حل قدامه غير انه يكلمه

في منزل ياسر علي سفره الطعام
ياسر خرج من غرفته بعد ما غير لبسه اوبااااااا ايه الاكل الحلو ده
رؤوف و هو بياكل المهم ناكل بقي امك بتذنبنا يا متر حطت الاكل قدامي و خلاص مش قادر اتحمل
ليلي بابتسامه وهي خارجه من المطبخ اديني جيت اهو يا سيدي و بعدين ما تاكل لحد ما اجيب باقي الاكل انا ماسكه ايدك
رؤوف يعني تقفي طول اليوم تعمل الاكل الحلو ده و في الاخر اكل قبل ما استناكي
دينا يا سيدي علي الرومانسيه
ياسر رفع حاجبه رومانسيه ايه انا خرجت لاقيته بياكل
ضحكوا كلهم علي ياسر
رؤوف شوف الواد مش يداري علي ابوه بدل ما يفضحه علي فكره ده هو صباع ورق عنب مكلتش حاجه كبيره يعني
ليلي بضحك بالف هنا وشفا
رؤوف لياسر بغيظ بتفتن
—
عليا ابقي شوف مين بقي هيداري عليك
ياسر بضحك لا خلاص سماح
رؤوف ابدا
دينا حتي لو فتن عليك ده ميمنعش يعني انك رومانسي
رؤوف اهي دي بنت ابوها بصحيح
ياسر طبلي طبلي
ليلي ياواد مالك ومال ابوك حاطت نقرك من نقره ليه
ياسر بضحك الحق عليا مش عايز حد يضحك عليك يا جميل
ليلي طب يلا اقعد كل الاكل هيبرد
ياسر تسلم ايدك انا واقع من الجوع
دينا علي فكره انا اللي عامله ورق العنب
رؤوف تسلم ايدك يجنن
ليلي هو ايه اللي تسلم ايدك يجنن و هي بتعرف تسلق بيضه انا اللي عملته
ياسر بضحك فضحتك
دينا بصت لياسر بغيظ وبعدين بصت لوالدتها طيب بذمتك انا مش وقفت جنب الحله قلبت و خليت بالي منها
ليلي تصدق بالله
رؤوف بضحك لا اله الا الله
ليلي وقفت قلبت خلطة المحشي علي بعضها عشان تبردهالي شويه علي ما اروح اصلي وارجع احشيه بقت هي اللي عامله ورق العنب
دينا الله مش حطيت ايدي فيه يبقي ساعدتك
ليلي مساعدة الندامه
ياسر بضحك يا فاشل يا فاشل
دينا شايف يا بابا
رؤوف نقول ايه يا بنتي رخم
ليلي لا يا خويا ده حبيب قلبي متقولش عليه رخم
رؤوف خليه ينفعك يا ستي
ليلي وانت زعلان من ايه مش بنتك حبيبة ابوها ابني كمان حبيب امه
ياسر يالهوي اطلعوا منها بقي عشان شكلكم مش حلو
ضحكوا كلهم و كملوا اكل وهما بيهزروا مع بعض رن موبايل ياسر في الوقت ده
ياسر الووو ايوه يا فريد
فريد ايه الاخبار
ياسر كله تمام انت ايه الاخبار معاك في حاجه ولا ايه
فريد لا كله تمام انا خرجت بس اجيب شويه حجات ناقصه قولت
قولت اكلمك
ياسر طيب الحمد لله انك بخير
ليلي قوله حماتك بتحبك
ياسر سامع طبعا خد كلمك
فريد بابتسامه يا لولا اخبارك
ليلي بلا لولا بلا بتاع بقي علي فكره انا زعلانه منك اوي
فريد مني انا ليه طيب
ليلي كمان بتسأل ليه يعني لا ترفع عليا سماعه تليفون ولا حتي توصل سلامك مع ياسر و لا حد بيشوفك
فريد اولا العيب علي ابنك عشان والله بوصل سلامي علي طول ليكي و للمتر و لدينا كمان تاني حاجه ڠصب عني والله مشغول جدا و الفتره دي دماغي فيها الف حاجه
ليلي خلاص هسامحك عشان قلبي طيب المهم اني سمعت صوتك و اطمنت عليك طمني اخبارك ايه
فريد بخير والله كله تمام انتي عامله ايه يا ست الكل
ليلي بضحك انا بقي يا سيدي عامله ورق عنب و حمام و مكرونه بشاميل تستاهل بوقك
فريد بضحك بالف هنا يارب عشان كده ابنك بايع الدنيا و مش سائل
ليلي طبعا هو في زي اكلي
فريد صراحه لا
ليلي طيب بقولك ايه ما تعدي علينا و ناكل سوا
فريد والله مش هينفع
ليلي طب ليه بقالك كتير اوي مجتش
فريد خليها مره تانيه وبعدين انا خارج بهدوم البيت اجيب شويه طلبات وراجع مش منظر يعني يا لولا
ليلي منظر ايه ده انت قمر هتتلكك عشان تهرب
فريد انتي اللي قمر لا والله مش بتلكك بصي ليكي عندي يوم يكون بتاعك و كمان هقولك علي كل الاكل اللي نفسي فيه
ليلي بس كده احلي سفره وكل اللي نفسك فيه هعمله
فريد خلاص يبقي اتفقنا
ليلي ماشي يا حبيبي
فريد بقولك ايه هاتي المتر اسلم عليه
ليلي انهي متر فيهم
فريد لا سيبك من ابنك الواطي اللي قاعد ياكل حمام ومكرونه وورق عنب انا عايز المتر الكبير
ليلي بضحك اهو معاك خد يا رؤوف
رؤوف وهو بياكل انت فايتك بقي شويه اكل لو ملحقتهمش يبقي راحت عليك
فريد بابتسامه بالف هنا عليكم يارب اخبارك يا متر
رؤوف لسه فاكر خلاص بقي طلعنا معاش البركه في ياسر
فريد بردوا هتفضل اشطر متر في الدنيا وبعدين ياسر ايه وبتاع ايه انت الاصل
رؤوف يا حبيبي طمني عن احوالك يا فريد
فريد الحمد لله كله تمام
رؤوف عايزين نشوفك ونقعد ونتكلم مع بعض
فريد قريب والله اخلص بس من الشغل و هجيلكم علي طول
رؤوف خلاص هنستناك لامر الله مش عايز اي حاجه
فريد سلامتك
رؤوف الله يسلمك ياسر معاك
ياسر ايوه يا سيدي
فريد خلاص يلا روح كمل اكل
ياسر قام من علي السفره و راح بعيد استني هنا انت مال صوتك
فريد مفيش ولا حاجه
ياسر و انا مش عارفك يعني في ايه بجد
فريد هيكون في ايه مفيش والله انا قولت اكلمك اشوف لو حصل حاجه مع سهر او لو حد من اخوات بيري كلمها وهي قالتلك كده يعني بطمن مش اكتر
سهر هي كويسه لما روحت كلمتها وقالتلي ان الجماعه لسه بيراقبوها و واقفين قدام البيت بس دخلت وكله تمام و بالنسبه لاخوات بيري او ولاد رأفت مقالتش اي حاجه بكره ابقي اكلمها وافهم منها
فريد خلاص تمام خير ان شاء الله
ياسر انت الوضع عندك تمام
فريد اه كله زي الفل متقلقش
ياسر ماشي ياسيدي و هعديها مع اني يعني لسه مش مرتاح لصوتك
فريد بابتسامه انت واضح الاكل بتاع لولا ضغط علي عقلك روح يلا كمل اكل
ياسر بضحك ماشي يا عم مش عايز حاجه
فريد لا سلامتك يلا سلام
ياسر سلام