جاسمين

في منزل رأفت الباشا
رجع رأفت و قعد مع هناء يفهم كل اللي حصل و فضلوا يتكلموا مع بعض
رأفت الرجاله جابوا الرقم اللي كان في نفس التوقيت تقريبا بس طلع رقم من محافظه
هناء طيب ما يمكن يا رأفت كانوا بيشتروا حاجه مش بيتكلموا
رأفت هما قالوا انهم شافوا ملك بتتكلم من بعيد في الموبايل
هناء يمكن موبايلها هي يعني كان معاها اتصال وهي بتشتري
رأفت مش عارف انا قولتلهم كل ده بس هما مصممين ان هي كانت بتتكلم في الموبايل بتاع المحل و انهم مشتروش حاجه
هناء مش عارفه في حاجه غلط صوتهم و طريقتهم تقول ان مفيش حاجه حصلت معاهم
وصل امجدوملك في الوقت ده و هما بيضحكوا وباين عليهم السعاده
رافت طيب اسكتي عشان وصلوا
أمجد مساء الخير
هناء مساء النور يا حبايبي
ملك ايه الاخبار عاملين ايه
هناء بخير الحمد لله شكلكم مبسوط
ملك اوي اوي كان يوم جميل
امجد بالنسبالك مش بالنسبالي علي فكره
بصت هناء لرأفت وبعدين بصت لامجد
هنا ليه حصل حاجه معاك
ملك بضحك بذمتك تنكر انك اتبسطت هو اصله مضايق مني عشان ضيعت عليه اليوم بتاعه يا مامي
امجد كان زماني شوفت شغلي بس يلا يا ستي فداكي المهم انك اتبسطتي
رأفت انتوا كنتوا فين ومرحتوش الجاليري ايه
مازن لا روحنا و شوفت المكان حلو اوي احلي من وصف ملك كمام بس وبعد كده روحنا اتغدينا و صممت تدخل سينما
ملك كان نفسي بجد اغير جو لما بخرج مع البنات بنروح كافيه او مطعم لانهم مش بيحبوا السينما اوي و انا كنت محتاجه اغير جو بصراحه بس عارف يا بابي اليوم بجد كان ناقصكم احنا عايزين نخرج مع بعض بقالنا كتير اوي مخرجناش كلنا
رأفت ان شاء الله قريب يا حبيتي المهم محصلش معاكم حاجه تاني
امجد حاجه زي ايه
هناء يعني بابي يقصد نفيش اي قلق حصل او موقف غريب
ملك تقصدوا يعني بخصوص كلامكم الصبح عن القلق اللي حوالين سهر
هناء يعني
ملك لا يا مامي اطمني انا حاولت افهمكم اننا بخير و ان سهر كمان كويسه بس محدش فيكم راضي يصدق
رأفت طيب خلينا نتكلم بصراحه اكتر لان انتوا عارفين اني مليش في اللف والدوران انا وصلني اخبار ان في ضړب ڼار اتضر…..ب عليكم انهارده
بص امجد پصدمه لرأفت و بعدين بص لملك
امجد ضړب ڼار مره واحده
ملك مين اللي قال لحضرتك كده يا بابي ما احنا قدام حضرتك اهو بخير و بعدين لو فعلا ده حصل اكيد كنت هتعرف مننا احنا مش هنستني الاخبار توصلك
رافت والله ده اللي حصل
امجد ايوه بس حتي لو يعني غريبه ان يتضر…..ب علينا احنا ڼار مش علي سهر ده لو حضرتك يعني بتلمح ان ده حصل بسبب سهر
رأفت لا مش غريبه يا امجد لاني عرفتكم ان اي حد هيكون قريب من سهر الفتره دي هيتأذي كانوع من انواع الټهديد ليها يعني عشان تبطل اللي بتعمله
امجد تمام فهمت حضرتك بس عموما الحمد لاه احنا بخير قدامك اهو ويومنا كان جميل جدا بعيدا يعني عن هزاري مع ملك بس حقيقي كان يوم جميل وانا كنت محتاج اغير جو بردوا
هناء يارب ديما بس يعني محصلش معاكم اي حاجه خالص معقول
ملك اه يا مامي ايه مش مصدقه هو حصرتك كنتي متوقعع يحصل معانا حاجه
هناء لا بس لما رأفت بلغني الصبح انه اتضر….ب عليكم ڼا…..ر قلقت
بصلها امجد بابتسامه شك و بعدين كمل بهزار
امجد يعني عايزه تقنعيني ان حضرتك و بابي عارفين من الصبح انه اتضر….ب علينا ڼا…….ر ومحدش فيكم اتصل بطمن علينا بنفسه ايه كنتوا مستغنين عننا ولا قولتوا يلا نرتاح من زنهم
هناء بعد الشړ عليكم لا مش كده بس علي فكره انا كلمتكم لما لاقيت صوتكم كويس محبتش اخو..فكم قولت اكيد لو حصل معاكم حاجه هتقولوا اكيد مش هتخبي
ملك اكيد طبعا مش هنخبي و انا عن نفسي كنت هجري علي بابي عشان واثقه انه هيقلب الدنيا لو ده حصل
امجد بنتك اصلا بتترعب من خيالها و لو سمعت صوت ض.ړب ڼا.ر ھتمو….ت مني
رافت بس الغريب ان اللي قالي يا امجد قال انكم وقفتوا في مكان و نزلتوا من العربيه قدام كشك صغير كده واستعملتوا حتي الموبايل بتاعه
امجد باستغراب ليه يعني وبعدين فين موبيلاتنا اكيد محصلش و بعدين هنكدب علي حضرتك ليه
رافت مين جاب سيرة كدب
امجد مش عارف بس حاسس ان حضرتك مش مصدقنا
رأفت مش عيب اني اخاڤ عليكم ده حقي وبعدين انا واصلي اخبار من جوه الشغل ان سهر في خطړ فعلا و انا خاېف للخطړ ده يطولكم
امجد اكيد مش عيب بس صدقني دي اشاعات زي اي اشاعه بتحصل وبعد.يني يعني يا باشا انا اسف حضرتك بتقول ان في اخبار من جوه شغلك بتقول ان سهر في خطـ,ـړ و حضرتك بتشتغل في منصب كبير و تعرف ناس كتير مهمه ازاي مش قادرين تمنعوا الخـ,ـطړ ده عنها و كل اللي بتفكروا فيه بدل ما الدوله تحميها تبعدوا عنها كل اللي حواليها و كأنكم بتـ,ـفضوا المكان حواليها عشان اللي عايز يأذ.يها يأذيها بسهوله
رافت محدش قال كده واكيد الدوله عندها علم وبيحمـ,ـوها وبيأ.منوها بس انا كمان واجبي احميكم
امجد تمام يا بابي بس متقلقش اللي وصلك اكيد اشاعات
رافت متأكد يا امجد
امجد اكيد يا بابي هنكدب ليه
رافت يعني لو روحت الوقت انا وانتوا عند صاحب الكشك هيقول ان مش انتوا
بص امجد وملك لبعض و بعدين بصوا لرأفت
امجد اااا اكيد اكيد
رأفت خلاص يبقي نروح و اطمن بنفسي
وللحديث بقيه