جاسمين

خرج امجد هو وملك من المكان اللي كانت حابه تفرجه عليه و تعمله جاليري ركبوا العربيه و مشيوا و بعدين وقف أمجد ركن العربيه و فضل باصص قدامه و ساكت حتي ملك فضلت باصه قدامها الاتنين باصين علي الطريق والعربيات اللي رايحه جايه مش دريانين بأي حاجه و كأن العالم وقف من حواليهم
طال سكوتهم اكتر من عشرين دقيقه باصين قدامهم بس و مش بيعملوا اي حاجه خالص ملك دموعها نازله وامجد في حالة توهان قطع الصمت ده سؤال ملك و لكن فضلوا باصين قدامهم
ملك هنعمل ايه
أمجد مش عارف
ملك حاسه ان عقلي هينفجر مش قادره استوعب اللي سمعته ولا قادره اصدق فكرة انه ممكن يطلع صح
أمجد بس انتي صدقتي يا ملك زي ما انا صدقت صح
ملك مش عارفه يا أمجد مش عارفه
أمجد لا صدقتي و انا صدقت و انا عارف ان اللي كان بيدور في دماغك و انتي بتسمعي كلامهم كان نفس اللي بيدور في دماغي عارفه المشكله في ايه
ملك ايه
أمجد ان احنا صدقنا بس بنقاوح وبنكدب نفسنا كنا بندافع عنه بس من جوانا في صوت بيقول هما صح
ملك بدموع اقولك سر عمري ما قولته لأي حد حتب لسه وبيري
أمجد بحزن قولي يا ملك
ملك كنت ديما لما اتكلم معاهم اقولهم اني حاسه ان في حاجه غريبه بتحصل في البيت بس مش عارفه ايه هي كنت بقولهم ان رغم ان علاقتنا كويسه الا اني ديما حاسه بغربه وفي حاجه مش مريحاني يمكن كلامي كان صادق و شعوري كان صادق بس عمري ما تخيلت ان الموضوع يكون اكبر من اللي كنت بحسه
كنت حاسه ان في حاجه غلط بتحصل و مش هكدب عليك شكيت كتير في بابي حسيت كتير اوي ان في حاجه في شغله مش مريحه بس عمري ما قولت لسهر وبيري النقطه دي لما استاذ فريد اتكلم و قال كل الكلام اللي سمعناه ده انا كنت حاسه اني بتخنق وھمو….ت كدبت الكلام و قولت مستحيل بابي يعمل كده بس من جوايا مكنتش قادره اكدبهم بالعكس و هو بيحكي كان في مشاهد و لحظات بفتكرها كانت بتحصل من بابي قدامي بس عقلي وقتها مكانش قادر يترجم
أمجد نفس اللي حصل معايا و يمكن فريد قدر يفسر انفعالي صح انا فعلا انفعلت و كدبت و عملت حجات كتير بس من جوايا كنت بربط كلامه بمواقف بابي و كنت مصدق فريد
ملك الحاجه الوحيده اللي مش قادره استوعبها لحد الوقت انه قلبه طاوعه وقدر يضر….ب علينا ڼار يا امجد حاسه اني في كابوس و عقلي رافض يصدق ان ده تصرف يطلع من اب حتي لو كان عايز يبعدنا عن سهر و يخلينا نخاف او نحس انها خطړ علينا و حتي لو كان مأمنا كويس وعارف ان مفيش حاجه هتحصلنا ازاي قلبه طاوعه يحطنا في الموقف المرعب ده مجاش في باله لحظه الخۏف اللي ممكن نحس بيه
أمجد لأ يا ملك لو كان جه في باله او لو كان خاف علينا مكانش عمل كده بس هو عملها يا ملك وقلبه طاوعه وقدر يضر….ب علينا ڼا……ر
ملك تفتكر يا أمجد مامي تعرف اي حاجه ولا لأ
أمجد مش عارف يا ملك انا مبقتش عارف اي حاجه بس لازم منستبعدش ده عشان منرجعش نتصدم
ملك بس انا مصدقش انها تبقي عارفه حاجه زي دي وتسكت
امجد بس هي كمان كانت مصممه علي كلامه و كانت رافضه وجودنا مع سهر كلامهم الاتنين يقول انهم متفقين علي نفس الكلام
ملك عارف يا امجد انا حاسه بايه
أمجد ايه
ملك عارف لما تبقي بردان ومتغطي و فجأه يتشال الغطاء من عليك اهو ده نفس شعوري الوقت كنت حاسه اني في امان و فجأه اتاخد مني
امجد حاسس بيكي يا ملك المشكله ان اللي المفروض يحسسونا بالامان ده هما نفسهم اللي سرقوه مننا
ملك ازاي هقدر اثق في اي حد لما مامي و بابي انا بقيت قلقا…..نه منهم و مش واثقه فيهم
أمجد الفتره دي بالذات يا ملك مش لازم تثقي في اي حد لازم تاخدي حذرك كويس انا عن نفسي حاسس بعدم الامان بس مش عايزك تقلقي انا جنبك يا ملك
ملك هو احنا المفروض الوقت نعمل ايه
امجد اول حاجه نغير نمط حياتنا
ملك بصتله اخيرا تقصد ايه
بصلها مازن بحزن
مازن الاول كل واحد فينا كان علي طول قاعد في اوضته و مش دريان بأي حاجه تحصل تحت بس بعد اللي سمعناه ده لازم نغير طريقتنا لازم نتأكد يا ملك ان احنا مش ظالمينهم قبل ما نقرر نعمل ايه
ملك طيب قولي ناوي علي ايه
أمجد الفتره الجايه دي لازم نعرف اللي بيدور في البيت لازم نراقب كل حاجه بتحصل
ملك تقصد اننا نراقب كلام مامي وبابي
امجد اه يا ملك و لازم كمان نعرف بابي بيكام مين ولما بيكلم بيقول ايه كل ده سيبيه عليا انا انتي خليكي بعيد
ملك ايوه بس انا مش هسيبك لوحدك
امجد مين قال انك هتسبيني بالعكس انا محتاجك معايا بس هتراقبي الوضع من بعيد و تأمنيني ملك انا لازم ادخل مكتب بابي بأي طريقه لازم اشوف الورق اللي في مكتبه و اشوف كل حاجه بنفسي اي وقت نشوفهم بيتكلموا لازم نعرف بيقولوا ايه و بيتفقوا علي ايه و بيفكروا ازاي
ملك انا معاك في اي حاجه يا أمجد بس المهم نخلي بالنا لان لو حد فيهم لاحظ حاجه وقتها مش هنعرف نقول اي حاجه
امجد عشان كده لازم انتي تبقي بعيد خليني انا ادور بنفسي انتي كل اللي هتعمليه انك تراقبي الوضع مش اكتر و لو صادف اني في الشغل وانتي في البيت تحاولي تراقبي الوضع من غير ما مامي تحس يعني وارد تكلمه في الموبايل و ارد اي حاجه تحصل فتحي عينك كويس
ملك تمام بقولك ايه ما تشوف الورق اللي فريد اداهولك كده يعني بيتهيألي افضل اننا منروحش بيه علي البيت
امجد ايوه صح هاتيه من الكنبه انا نسيته خالص
مدت ملك ايدها جابته خده منها مازن و بدأ يفتح فيه
ملك الورق ده لو اتشاف معانا يا امجد هنروح في داهيه بجد
امجد متقلقيش انا هخلص منه اكيد
فضلت ملك تبص معاه و فضل امجد
—
يكز في كل الورق وهو مصډوم و كل شويه يمسك موبايله يصور ورق معين و بعدين يرجع يقلب تاني لحد ما خلص الورق كله
بص امجد لملك پصدمه
امجد انا مش قادر استوعب بجد احنا كنا في غفله
ملك امجد هو اللي مكتوب ده حقيقي و بابي ليه علاقه بيه
امجد كل حاجه قدامك يا ملك مكتوبه بالدليل
ملك مش قادره اصدق
امجد و لا انا بس مضطرين الورق ده لا يمكن يكون متفبرك في حجات مكتوبه عدت عليا و فاكرها كويس و فاكر كمان ان بابي كان متهم في حجات فيها اه طلع منها بس كل اللي قادر افتكره ان بعد كل واقعه من دول كان ييبقي في تصرفات غريبه منه مكالمات اغرب خروج نص الليل يقابل حد ويرجع الصبح ناس بتيجي عندنا البيت يفضلوا في المكتب بالساعات
ملك انت معاك يا امجد الفتره الجايه لازم نفتح عنينا اكتر من كده
امجد اكيد يا ملك الموضوع خلاص خرج عن السيطره
ملك انت لسه عند كلامك يا امجد لو بابي طلع متورط فعلا هتقف ضده
امجد خليني انا اللي اسألك السؤال ده انتي هتقفي ضده يا ملك ولا هتغيري رأيك
ملك بحزن هزت راسها لا يا امجد مش هغير رأي يمكن لو بابي اتعرف انه فعلا عامل كل المصاېب دي مفيش شك احنا كلنا هنتفضح و محدش هيبص في وشنا و هنفضل منبوذين من كل الناس لمجرد ان احنا بس ولاده حتي لو ملناش ذنب في اي حاجه هو عملها عشان كده مينفعش نسكت و لا ينفع نقف معاه علي الاقل يمكن ده يحسن من صورتنا
امجد و لا انا يا ملك ولسه عند كلامي لو ثبت انه فعلا عامل كل ده ولو ان يعني كل حاجه تقريبا بقت واضحه اكيد هقف ضده و مستحيل اخلي عمايله دي توسخني او توسخك او توسخك امك لو حقيقي ملهاش ذنب ولا تعر اي حاجه عن شغله
ملك بتنهيده ربنا هيقف معانا معلنا يا امجد مش كده
امجد عندك شك يا ملك اكيد طبعا هيقف معانا وينور بصيرتنا و يخلينا نوصل للطريق الصح
ملك ان شاء الله خير طب ايه مش هتتخلص من الورق ده بقي
امجد اكيد هتخلص منه طبعا
ملك هما قالولك احرقوا هنحرقوا فين لو عملنا كده في البيت هياخدوا بالهم اكيد
امجد وهنا انا مش معايا ولاعه بقولك ايه هاتي كده المايه اللي قدامك دي
ملك هتعمل ايه
امجد امسكي الشنطه دي كده و قطعي معايا الورق ده قطعيه حتت صغيره خالص
ملك حاضر
فضلوا يقطعوا في الورق كله ويحطوا في قلب الشنطه فتح امجد زجاجه المايه و دلقها كلها في قلب الشنطه علي الورق و فضل يدوس علي الورق بايده لحد ما داب خالص ومبقاش ليه اي ملامح جمع الورق الدايب كله علي شكل كوره و نزل من العربيه حدفها في النيل ورجع تاني
ملك بتنهيده خد بالك من الورق اللي انت صورته احسن حد يشوف موبايلك
امجد متقلقيش دي معلومات حابب اتاكد بس منها و بعدين همسحها و اصلا الموبايل ليه
باث وورد
ملك هنروح فين الوقت
امجد مش عارف انا بفكر نعمل زي ما قالوا عشان اكيد بابي ممكن يحاول يعرف احنا كنا بنكدب عليه و لا روحنا فعلا الاماكن دي يعني احنا روحنا شوفنا مكان الجاليري زي ما قولتي الصبح عشان اكيد ممكن يعرف بطريقته خلينا نروح ناكل في مكان و نروح سينما لو تحبي يعني نعمل زي ما قالوا بالظبط
ملك طيب تمام زي ما تحب
امجد يلا بينا